早前布志綸舉行個唱叫好叫座,日前宣佈舉行 Part 2《Rock’s Going On! Pt.2 Deluxe Remix》音樂會,將於 7 月 25 日假座於 Backyard @ AXA WONDERLAND 舉行!Alan 對於「Part 2」相當興奮,仲保證歌單會有意外驚喜:「今次 Part 2 嘅歌單除個人作品外,都會揀啲歷年來我創作、耳熟能詳嘅經典。除咗基本嘅 Rock 元素,唔少歌曲我會重新改編,帶畀大家好多意想不到嘅驚喜同層次,包保大家會有新感覺!」
布志綸(Alan)宣布將於7月25日假Backyard @ AXA WONDERLAND舉行Part 2《Rock‘s Going On! Pt.2 Deluxe Remix》音樂會。
Alan興奮預告歌單會有驚喜。
呢次音樂會戶外舉行,Alan 預期氣氛夠晒「Chill」:「戶外騷邊飲邊食最緊要今次除咗 Band 之外,仲邀請咗 DJ 做 Remix,希望撞到啲新火花。(團員會上台?)屋企人一向都好支持我,今次戶外騷佢哋都會嚟感受下氣氛。阿仔依家慢慢大個,佢成日都好想表演,但係都要睇佢自己肯唔肯練習,今次未知道會係點,暫時要求佢做返台下觀眾,睇下老豆同咁多人一齊 Rock 嘅場面,同大家一齊 Chill、一齊享受音樂先!」
點擊看圖輯
布志綸(Alan)宣布將於7月25日假Backyard @ AXA WONDERLAND舉行Part 2《Rock‘s Going On! Pt.2 Deluxe Remix》音樂會。
除個人作品外,更會揀選歷年創作的經典金曲重新改編。
他期望音樂會帶給大家歡樂與正能量,並感謝歌迷多年陪伴。
除個人作品外,更會揀選歷年創作的經典金曲重新改編。
Alan透露太太與兒子將到場支持。
Alan 就話一場「唔夠喉」,歌單有太多選擇,但團隊將所有精力「精煉」到台上:「好多歌迷真係陪住我一齊成長,經歷人生嘅高低起跌。睇住大家由當年小學、中學、大學生,到依家踏入社會、甚至做埋父母,呢十幾年嚟大家一齊經歷咗好多。我希望今次音樂會除咗勾起大家『聽住我啲歌長大』嘅共鳴,最重要係帶畀大家好歡樂、好正面嘅力量去面對人生。音樂本身就係最好嘅『天然能量補充劑』,只要享受好音樂,心態自然會年輕。年齡嘅數字從來唔係問題,體力交畀我,最重要大家開開心心去 Enjoy 音樂。」
他期望音樂會帶給大家歡樂與正能量,並感謝歌迷多年陪伴。
Backyard Live: Alan Po Rock's Going On! [Deluxe Remix]
🗓 2026.07.25(Sat)
🕖 演出時間|18:30 pm
📍 Backyard @ AXA WONDERLAND
🎟 GA $488|All Standing・搖滾區
🛒 公開發售|2026.06.25(THU)12:00nn
🎫 售票平台|KLOOK
🌟 主辦單位|耀榮文化
由MQ Musical Theatre主辦、香港旗艦級音樂劇盛事「香港音樂劇節2027」(Hong Kong MusicalCon 2027)將於2027年1月至4月假香港最新文化地標東九文化中心隆重舉行。本屆音樂劇節以「東西交匯.藝見香港」為核心主題,跨越四個月份,呈獻一系列精彩節目、演出及周邊活動。活動集結國際殿堂級大師與本地頂尖藝術家,預計將吸引數以萬計觀眾,推動大灣區與全球音樂劇網絡的深度連結,門票已於11月18日公開發售。
日前五大劇目演員為活動開會及拍攝海報,並拍攝宣傳影片為「香港音樂劇節2027」造勢。歌手布志綸將聯同蝦頭、梁釗峰、陳葦璇重演經典劇本《人鬼情未了》,布志綸亦重溫電影作品加快投入角色:「我知要做男主角,即刻睇返電影版,真係每個場口都好經典,我係好興奮、好期待!(『穿牆』、扮鬼情節點演?)細個都想發夢可以周圍飛、周圍穿牆,咁去到音樂劇,當然有啲特技效果令到大家睇起上嚟,我真係可以穿到牆嘅。(囝囝怕鬼?畀佢捧場支持?)佢成日都話好驚『ghost』嘛,我話唔使驚,爸爸今次就做『ghost』。」
布志綸
蝦頭、布志綸
而蝦頭佢表示經典主題曲《Unchained Melody》可能會保留以英文版演繹,怕翻譯中文會添加喜劇效果:「其實都未必需要改中文,我驚好似家英哥唱《Only You》變咗搞笑版,有另外一種 feel。電影上映時都唔記得幾多歲,可能仲係粒『卵子』,Alan話戲中要上我身,其實現實中我對能量嘅觸覺都好強烈,總之大家接受所有世事萬物都有佢嘅原因。」
蝦頭
而香胤宅將夥拍黃健怡主演音樂劇《出Pool大作戰》,二人拍攝海報時首次見面,二人仲即時交代情史「出Pool」經過,香胤宅仲自爆為追女神而「走堂」:「我嘅初戀係走堂嘅,當年約咗個女仔約埋幾點學校門口等,之後齊齊走堂!之後我緊張到出晒手汗,反而係對方主動拖我隻手,真係緊張又尷尬。(講舊情史怕唔怕老婆嬲?)唔驚,佢 OK 嘅。」
香胤宅
黃健怡、香胤宅
而由譚偉權導演的音樂劇《火焰奏鳴曲》,將邀請涂毓麟、鄭俊弘主演,久未現身的鄭俊弘略有發福,但笑言「修身」在即將以最佳狀態示人:「肥咗少少啫,仲有時間畀我 keep fit。依家兩邊飛去照顧小朋友,作為父母唔會覺得辛苦,個個湊仔都係差唔多,咁我咪乘機喺飛機度睇劇本,仔仔就負責聽我唱歌監督我。(佢好鍾意音樂?)佢好鍾意聽我彈琴,其實佢亦鍾意我煮嘢食畀佢,例如蒸魚、粟米肉粒,仲有『DPY』東坡肉,佢好鍾意食!」
鄭俊弘
鄭俊弘
涂毓麟
涂毓麟、譚偉權、鄭俊弘
黃劍文、鍾卓穎將夥拍J.Arie主演韓國劇目《暗黑瑪莉》,二人雖然第一次見面,但Ash已賣口乖叫劍文「阿哥」相稱。初次演音樂劇的鍾卓穎Ash笑指本向公司自薦「鍾意唱歌」,終獲安排參演音樂劇!Ash表示今次劇本比較陰沉,屬自己喜愛的題材:「即係千祈唔好大家見到我好似好甜美,其實我係好鍾意睇啲好陰暗故事。由細到大都好鍾意睇血腥、恐怖電影。(你自己有啲恐怖嘅童年回憶?)我到依家都學唔識游水,係因為有一次同家人『遊船河』,著救生衣出海玩香蕉船時跌咗落海,但係當我浮上嚟嘅時候我被快艇船底頂住咗,當時我真係以為我會離開呢個地球,後來媽媽發覺『唔見咗個女喎?』,跟住船底搵返個女。我記得好大力捉住媽媽膊頭,好用力扯返啲氧氣。」
《暗黑瑪莉》
鍾卓穎
而劇中飾演Ash哥哥的黃劍文表示,童年曾被鄰居語言暴力傷害:「因為我好細個已經冇咗爸爸,我記得有一個街坊佢會同我講『你冇阿爸㗎,你冇阿爸㗎!』其實當年係好傷心,另外留低咗個陰影,每一次出街都好驚見到呢一位伯伯!」劍文笑言去親友拜年,親友家中有很多洋娃娃公仔,家中長輩戲言公仔中的靈體會跟隨自己回家,令他嚇過半死:「入行之後,反而係角色令我抽離唔到,試過匿埋喺屋企自己喊,最終我打電話問彭秀慧導演,係佢開解我點樣走返出嚟,所以今次故事即使比較陰沉,我都應該有信心可以抽離角色唔會再沉淪。」
黃劍文
由陳書昕、吳倩怡主演的韓國冥界法庭現代搖滾音樂劇——《紅蓮》音樂劇,取材自著名韓國民間傳說《薔花紅蓮傳》,這部備受讚譽的作品將經典故事重新演繹為引人入勝的法庭劇與心理驚悚劇。結合亞洲傳統美學與強烈震撼的現代搖滾樂章,《紅蓮》在南韓旋風式俘虜了無數音樂劇迷,如今正式登陸香港舞台,亮相今屆香港音樂劇節!