將軍澳湖南菜店員出餐位偷食 食客直擊全過程睇到眼凸凸：要食佢口水尾

餐廳衞生向來係食客最關注嘅一環，但將軍澳坑口一間連鎖湖南土菜食店，近日就爆出有店員喺出餐位公然偷食，過程更被食客拍低放上網，即時引來大批網民熱議，直斥「真係好核突」。

threads影片截圖

threads影片截圖

有網民喺社交平台threads發文，並上載一段影片，怒斥「將軍澳坑口……農耕記湖南土菜啲外勞員工偷食客人餐，好彩我從來都無去」。從影片所見，一名身穿黑色制服嘅男店員，企喺出菜位低頭處理食物時，竟然順手以手偷食客人嘅菜式，食完之後若無其事咁走開，整個過程極不衞生，令人睇到眼都凸。

threads影片截圖

threads影片截圖

影片一出，即時喺網上瘋傳，網民紛紛留言鬧爆，「真係好核突，個客要食佢D口水尾，諗到就作嘔」、「偷食都行入去啦」、「用筷子啦」、「老闆你睇到條片你會點做？」、「似太肚餓」、「試菜保證品質，QC黎架，起碼唔係預製菜」、「應該一直係咁偷食，食客先會一路拍住佢，等佢再出手」。

《愛回家》劇照。示意圖片

不過，都有從事飲食業嘅網民似乎見怪不怪，留言話「其實『打貓』呢樣嘢響存在咗唔知幾多百年，只不過以前冇手機影唔到俾你睇啫」、「唔係幫邊個，我都做飲食業，忙起上嚟又太肚餓嘅時候真係會就咁用手放落口之後繼續做嘢，不過喺廳面食又真係尷尬咗啲嘅～」。

不少人以為保安是「Hea工」，但一名港男到私樓做保安暑期工時，大呻要日行30層樓梯打卡，工作似軍訓。不過，有老行家卻隔空反駁，批評只是小朋友「唔識揀盤啫」，更大方傳授心得。

一名港男到私樓做保安暑期工時，大呻要日行30層樓梯打卡，工作似軍訓。Threads截圖

該名男網民日前在Threads發文，分享自己的「地獄保安」體驗。他形容每日猶如軍訓，清晨5時15分便要起床趕車，抵達後在座頭堅守12小時，其間沒有冷氣供應，更須由30樓沿樓梯逐層下行，打遍過百個巡更卡。就連如廁都要等同事接手才能離開，手機訊號被閉路電視系統干擾，幾乎等同無法使用。他苦笑說：「返到屋企必定秒瞓，一個月得4日假，人工又低。」

該港男說，清晨5時15分便要起床趕車。AI生成圖

帖文引來大批網民關注。有人推算樓主年僅19歲，日薪僅約500元，遠低於行業水平。有同行直言：「19歲做12碼，冇一千蚊日都唔好做。」樓主無奈回應，自己曾應徵十幾份工，均因「冇經驗同太後生」被拒，最終只能接受這份低薪職位。

正當樓主滿腹委屈之際，多名資深保安前輩現身「潑冷水」，直指問題不在行業，而在「唔識揀盤」。他們解釋，私人住宅單幢式物業的管理費最低，自然無錢請人，薪酬亦最差；相反，甲級商廈、豪宅屋苑的管理費充裕，福利待遇遠勝私樓。有前輩更教路，年輕人應投身大型商場的客戶服務或活動保安崗位，「商場多活動一定唔會悶，行行企企周圍走，唔使焗喺一個地方。」

該港男說，上班要在座頭堅守12小時，其間沒有冷氣供應。AI生成圖

除了入行貼士，亦有任職物業管理的資深員工爆料，提醒外界切勿低估保安的工作量：「唔好以為大堂保安好得閒，夏天跟冷氣滴水，一座樓一晚可以幾十單，已經跟咗大半日，仲未計日常運作。」

該港男說，每日要由30樓沿樓梯逐層下行，打遍過百個巡更卡。AI生成圖

帖文亦引發對行業生態的反思。有網民批評，近年社交媒體過度美化保安工作，令不少人誤以為是荀工，「讀書做過都奇怪近排做乜係咁吹捧做保安，仲要一面倒唱好」。過來人坦言，真正好做的崗位少之又少，大部分都是悶到抽筋或辛苦到爆。不過亦有網民分享自己屋苑的「極樂保安」實況，日更伯伯坐足全日，夜更阿姐與同鄉傾偈甚至瞓覺，證明只要揀對地方，保安的確可以好嘆。