Mike曾比特《MOOV 20 Music Station》為打響頭炮 自揭靠聽歌啟蒙夾Band

本地音樂服務平台MOOV邁入20周年，繼續與各位樂迷「音樂同路」！頭炮特別聯同ELEMENTS圓方推出《MOOV 20 Music Station》現場音樂企劃，將音樂的感染力由手機帶到實體空間，繼續出力支持廣東歌及本地歌手！活動自6月起開始，邀得多位人氣歌手登陸ELEMENTS圓方，與樂迷展開近距離互動，更邀得Mike曾比特為活動打響頭炮！

Mike曾比特為《MOOV 20 Music Station》打響頭炮！

活動開始前已有不少樂迷圍觀，氣氛十分熱烈！Mike出場即與Fans熱情打招呼，令《MOOV 20 Music Station》變身成為粉絲見面會！Mike曾比特分享自己的曲風改變，由「撕心裂肺」演變成「學會收斂」，而他亦是繼謝霆鋒、呂爵安後，首位第一首派台歌獲得三台冠軍殊榮的歌手。活動期間Mike曾比特即場獻唱新歌《CHANGE》，令現場樂迷如癡如醉，更高呼「除衫騷肌」，「即係我覺得物以罕為貴，如果日日喺度咁樣露就『唔貴』啦，所以都係留返去出show、演唱會。」

Mike曾比特

Mike笑言早前與Mani飯聚恭賀對方升職，笑言探口風何時舉行個唱，「因為第一次返公司嗰陣，老闆話『喂，啟德啦！』，跟住早排返公司見到老闆，老闆又話『喂，紅館啦！』，所以我依家努力緊，希望喺下次老闆再講下一個場地嘅時候，我就可以開到喇。」

Mike曾比特

這日活動慶祝MOOV邁入20周年，Mike笑言當年「剛出世」、「聽緊兒歌」：「當時我求咗媽媽好耐，佢終於肯買部MP3畀我聽歌，因為覺得咁樣聽歌都幾型囉，我最鍾意聽啲hard rock、pop rock類嘅作品，所以我中學嗰陣點解會隊band呢，就係因為呢啲原因。」Mike又不時與樂迷互動玩遊戲，將氣氛推到高峰。活動尾聲更率先披露193@ERROR成為《MOOV 20 Music Station》 下一站嘉賓！

影片截圖

影片截圖

日前，香港理工大學專業及持續教育學院學生事務處圓滿舉辦一年一度的校內歌唱比賽總決賽。12位成功晉級總決賽的參賽者，早前特別接受了知名歌手龔柯允（Karen）的歌唱特訓，以最佳狀態登上決賽舞台。

曾比特

曾比特

曾比特獲邀擔任表演嘉賓及頒獎嘉賓

曾比特獲邀擔任表演嘉賓及頒獎嘉賓

Mike 由中學開始已經參加不同類型歌唱比賽

Mike 由中學開始已經參加不同類型歌唱比賽

香港理工大學專業及持續教育學院學生事務處圓滿舉辦一年一度的校內歌唱比賽總決賽

香港理工大學專業及持續教育學院學生事務處圓滿舉辦一年一度的校內歌唱比賽總決賽

決賽當日場面非常熱鬧，大會邀請到星級音樂監製張家誠及歌手謝文雅擔任專業評判，嚴選出冠、亞、季軍得獎者。人氣歌手 Mike（曾比特）獲邀擔任表演嘉賓及頒獎嘉賓，原來 Mike 由中學開始已經參加不同類型歌唱比賽，謙虛地說因為好彩所以每次都能得到獎項，今次親自頒發冠軍獎時，看到極為豐厚的獎品，Mike 更即場發揮幽默本色笑言：「睇到份獎品咁吸引，連我都好想做今比賽嘅參賽者啊！」

早前不慎遺失錢包一事，Mike 表示雖然已在社交平台公開呼籲希望撿獲者歸還，但至今仍未收到好消息，目前已將所有證件報失並陸續辦理補領手續。被問到錢包內最珍貴或最捨不得的物品時，Mike 幽默又帶點無奈地回應：「最珍貴嘅肯定係嗰張身份證！因為就算補領咗，上面嗰張相已經再唔係『爆炸Mike頭』，所以好有紀念價值！」