琦琦與「可愛女神」張栢芝同場 晒合照大讚對方永遠狀態在線

女星張栢芝近日到澳門出席晚宴，她以一身利落西裝套裝亮相，胸口點綴雅致花形飾品，剛強型格又透出獨特女人味，造型亮眼吸睛！她在晚宴上獻唱經典代表作《任何天氣》，期間不時向台下觀眾揮手、比心，氣氛熱烈！

張栢芝工作室微博圖片

張栢芝工作室微博圖片

張栢芝工作室微博圖片

活動過後，同場的名模琦琦在社交平台晒出仁張栢芝的合照，難掩興奮道：「好開心遇見我可愛的女神，永遠狀態在線。」不少網民看過合照後都紛紛留言大讚兩位都是「女神」，而且同樣保養得宜，多年來美貌不減，氣質出眾！

琦琦IG圖片

琦琦IG圖片

琦琦IG圖片

張栢芝同謝霆鋒的大仔謝振軒（Lucas）轉眼已經18歲，由昔日嘅小朋友正式升呢做型男。今年Lucas更踏入人生新階段，正式入讀澳洲頂尖的澳大利亞音樂學院（AIM），主修音樂。

Lucas轉眼已經18歲

小時候很可愛

貴為星二代，Lucas一舉一動自然備受關注，不過佢私下生活一向相當低調。近日就有網民喺內地一間大牌檔「野生捕獲」Lucas，見到佢同好友圍坐喺簡單嘅餐枱食飯。

早前都被捕獲過去平民餐廳食飯

餐枱上冇咩豪華美食，反而只見幾碟平價家常小炒同汽水，一班人食得相當開心，氣氛熱鬧。Lucas當日身穿簡約休閒服，頂住一頭自然微捲短髮，面對周圍路人目光依然表現得相當淡定，完全冇避忌。

今次就喺內地一間大牌檔食飯

呢種貼地作風隨即獲網民激讚，認為Lucas雖然自細喺鎂光燈下長大，但依然相當接地氣，冇架子之餘亦相當自然。

從側面望過去，Lucas擁有高挺鼻梁、分明眉骨同利落輪廓，五官輪廓相當突出，被指完美遺傳爸爸謝霆鋒媽媽張栢芝嘅靚樣。甚至有網民認為佢散發住幾分陽光氣息，18歲型男感直接拉滿。

Lucas由細靚到大

就連食飯期間夾餸嘅動作都被捕捉到，有網民形容Lucas舉手投足間帶住一股瀟灑霸氣，連夾菜都夾得相當豪邁。