陳星妤翹實李爾晨玩「公主抱」親密互動惹公開戀情疑雲

娛圈事

陳星妤翹實李爾晨玩「公主抱」親密互動惹公開戀情疑雲

2026年06月30日 11:30 最後更新：11:59

「大隻型男」李爾晨(Kyle)近日跟無綫上位小花陳星妤拍攝了一條健身室「公主抱」片段，上載兩人社交網後引起好大迴響，兩人在片中之親蜜舉動，加上笑容甜到漏，片段閃到爆，引發大批網民猜測兩人關係，又估計兩人是否想藉片段公開關係。

片段在健室中拍攝，見到一名身段均稱穿著貼身運動衫之長髮女子背面，正步向前面一個身材高大健碩之男士，女子伸手搭向男士膊頭，男士單手來一個公主抱方式抱起該女子，鏡頭一轉向兩人正面，就見到陳星妤與李爾晨都笑得好開心，猶如熱戀情侶一般。

點擊看圖輯

李爾晨近日跟無綫上位小花陳星妤拍攝了一條健身室「公主抱」片段

片段閃到爆

李爾晨(Kyle)

李爾晨、陳星妤

就此事向Kyle求證，他首先好多謝大家反應如此熱烈，但他跟星妤只是好好朋友關係，他解釋:「其實同星妤係大學同學，大家有好多共同朋友，同埋由模特兒入行都係同公司，係見證住大家成長嘅bro(兄弟) 嚟。」

至於拍攝這條片，原來沒有特別構思，Kyle說:「大家做做吓gym，佢無啦啦指住條片問我做唔做到，我嬲嬲地話梗係做到，於是乎就拍咗出嚟，其實重有兩條類似嘅片未放，如果大家想睇不妨話我聽!」但Kyle多謝大家讚賞他的身形，希望他自律的生活及健身習慣可以鼓勵到大家多做運動。

至於星妤亦表示不會怕同Kyle傳出緋聞，因為大家認識比較久，所以拍攝片段時也很輕鬆:「原本我地就係一齊相約做運動，期間想嘗試挑戰一下就拍了，所以都無想太多，就拍得好順利，佢單手挑戰成功大家都好開心。」

往下看更多文章

無綫小花陳星妤被李爾晨單手抱起「兄弟檔」健身互動引熱議

無綫小花陳星妤日前在社交平台發布一條在健身室的短片，片中她走上前拍拍猛男膊頭，對方隨即單手將她整個人抱起，突顯身輕如燕。該猛男正是藝人李爾晨，二人以兄弟相稱，陳星妤笑言：「When bro’s arm day went too far 😂」短片一出即引來網民嘩聲四起，大讚畫面Sweet爆，又指「力與美的結合」。