羅家英感恩《Only You》搵錢到而家 周星馳《西遊記》4K修復版首映掀回憶

康樂及文化事務署 (康文署) 香港電影資料館 (資料館) 推出「對話西遊」節目，分別在東九文化中心 (東九) 劇院和資料館電影院放映3組、共6部風格各異，來自不同年代改編名著《西遊記》的經典電影作品。日前在東九劇院為節目打響頭炮是經過資料館全新4K數碼修復：《西遊記第壹佰零壹回之月光寶盒》(1995) 和《西遊記大結局之仙履奇緣》(1995) 的世界首映。兩場放映除吸引大批影迷前來捧場外，當年有份參與演出的羅家英，幕後製作的馬賢良 (特技) 、李健仁 (副導演)、梁華生 (美術) 、曹敬文 (統籌)，再加上文化體育及旅遊局常任秘書長沈鳳君、助理署長李潔儀、香港電影資料館館長陳彩玉均有到場支持。

左起：香港電影資料館館長陳彩玉、康樂及文化事務署總經理(東九文化中心及電影)羅家明、 電影副導演李健仁， 特技導演馬賢良、美術指導梁華生、 演員羅家英、統籌曹敬文、 寰亞影視發行(香港)有限公司代表盧美思、 香港電影資料館一級助理館長(節目)劉貞慧

在《西遊記第壹佰零壹回之月光寶盒》修復版正式放映前，資料館先播放早前特意邀請導演劉鎮偉和戲中演員莫文蔚分別拍攝的分享短片，劉鎮偉說：「這部電影能夠喺東九文化中心劇院同大家見面，都算係一個緣份。」Karen 憶述說：「原來呢部電影不經不覺已經係31年前嘅作品，每次睇返都覺得非常驚喜同精彩，當年拍嘅每一個畫面到現在都歷歷在目，好多朋友都好鍾意我嘅角色白晶晶，非常榮幸同埋好開心曾經有份參與呢部香港經典嘅電影作品！」接著負責電影特技的馬賢良在台上談及電影特技在這30年之間的轉變：「大前年我同徐克導演一齊工作，佢話AI 時代來了，我哋要重新學乜嘢叫做AI，AI 可以幫到我哋呢個電影行業，例如拍一套電影嘅氣氛要有啲乜嘢元素，可以用AI去幫我哋，咁可以令到投資方知道出嚟嘅效果係點，AI 可以幫到我哋同攝影師溝通，同埋同投資方嘅溝通。」


香港電影資料館推出「對話西遊」節目 周星馳兩部「西遊記」(4K數碼修復版) 為節目打響頭炮。

左起：特技導演馬賢良、美術指導梁華生、副導演李健仁、演員羅家英、統籌曹敬文

《西遊記大結局之仙履奇緣》(4K數碼修復版)緊接進行世界首映，羅家英、馬賢良(特技)、梁華生(美術) 和曹敬文(統籌) 受邀在台上大談當年拍攝時的趣事。家英哥在電影中飾演唐僧形象百變，還懂得說英語，他笑說：「其實識英文同埋唱英文歌係唔奇怪嘅事，點解呢？我有月光寶盒，去到邊度用都得，去到美國仲學識咗《Only You》，同嗰幾個黑人做咗兄弟，月光寶盒返到嚟我咪唱《Only You》囉！」家英哥對這套電影相當懷念：「我第一次去北方咁凍嘅地方去拍戲，去到嗰度着多多衫都係唔夠，我以為着四條褲都夠啦啩，但原來係唔夠。」家英哥續說當時拍攝環境只得零下10度和正在下雪，唯有靠現場拍攝用的燈光的溫度取暖。家英哥透露當年在錄音室錄Only You 時是由盧冠廷教他唱：「佢教一句，我就唱一句，之後唱咗兩次就完成啦！跟住錄國語版，又係唱咗兩次就唱完！」家英哥也有問盧冠廷《Only You》呢類歌會否流行？盧冠廷答他說：「《Only You》呢類歌好難講嘅，紅起上嚟就會紅㗎啦，如果唔紅就唔紅㗎啦，最緊要平常心。」家英哥感恩透露這首《Only You》最後幫他搵錢揾到而家。提及電影在銀川取景，統籌曹敬文表示：「嗰時感覺到錢嘅重量，並唔係力量，嗰陣要負責攬住大量人民幣現金去俾錢，所以先知錢嘅重量係咁勁。」梁華生最後表示：「好多謝香港電影資料館可以將呢兩部電影採用4K修復，啲電影嘅顏色靚咗好多，令到畫面更加靚更加立體。」家英哥笑言：「呢套戲三十幾年啦！電影畫面靚晒，我真係好開心！」

羅家英

羅家英

家英哥及後補充說拍攝時最難忘的經歷：「最難喺銀川綁住我嗰一場戲，由晚上7 點綁住我綁到第二日嘅7 點。另外一場就喺陝西，嗰陣落雪要換衫有四個變身，羅馬戰士同埋埃及王子等。最重要一場就係唱《Only You》，呢幾場戲都好難忘記。」「每一次睇呢部電影都覺得人生能夠拍到幾套好嘅戲？能夠流傳到比觀眾欣賞？因為呢一齣戲而出名，我覺得不枉此生。」家英哥坦言從沒想過扮演唐僧這個角色令他得到那麽多：「總之有任何工作找我，我就會盡全力去拍去做，有咩效果拍嘅時候我係唔知，出咗嚟先知。有咁嘅效果係一個夢想同意外，真係好開心！」至於飾演唐僧一角爆紅超過30年，喜獲許多登台機會，家英哥表示：「一首《Only You》，呢30年都令我搵到喲錢，《Only You》對我嚟講係令我懷念嘅一首歌，大家鍾唔鍾意聽呢？」家英哥提到在電影中最難忘同周星馳合作：「有一段對白『你要曳曳啦！你要同我講㗎嘛！冇理由你要又唔俾你，我又夾硬俾你，咁究竟你要定唔要呢？』呢段台詞係臨時發揮冇劇本。」對於AI科技盛行的看法，家英哥回應：「科技嘅進步令好多嘢都不停變化，由一種特技到而家電腦去到AI，就係千奇百怪，係好難得㗎！我覺得呢套戲能夠重新(4K復刻) 會令佢再保留得更加耐！」


羅家英、李健仁

羅家英、李健仁


「對話西遊」節目放映資訊

第二組
日期：7月4日(星期六)
地點：香港電影資料館電影院
時間：下午1時30分《西遊記》/
 下午5時正《鐵扇公主》

第三組
日期：7月11日(星期六)
地點：香港電影資料館電影院
時間：下午1時30分《西遊記之大鬧天宮》 /
下午5時正《西遊記之孫悟空三打白骨精》

門票已於城市售票網(www.urbtix.hk) 發售，凡購買同一組別不同場次的兩張或以上的正價門票，可獲八折優惠。電話購票請致電3166 1288。

TVB娛樂訪談節目《《森下仁丹Bifina Slim益生菌呈獻：一周星星》昨晚（8月16日）10點35分翡翠台播映。今集請來喜劇電影《功夫女足》導演兼編劇周星馳（星爺）、影后劉嘉玲、聯合導演林子聰及參演演員蔡思貝、張繼聰，接受嘉賓主持黎芷珊訪問，分享鏡頭背後鮮為人知的趣事。

焦點圖片

星爺、劉嘉玲、林子聰、蔡思貝與張繼聰接受《一周星星》訪問。

星爺、劉嘉玲、林子聰、蔡思貝與張繼聰接受《一周星星》訪問。

觀看相關影片按連結：https://youtu.be/BQwFvkjIISE

節目開始，「喜劇之王」星爺與芷珊這對昔日《430穿梭機》拍檔難得同框，瞬間掀起全城集體回憶。過往星爺的電影多以男性視角出發，今次《功夫女足》改由全女班擔大旗，星爺幽默回應：「我想睇靚女喎！」當芷珊好奇嘉玲姐是否獲星爺親自邀請飾演「峨眉師太」一角，星爺即搶答：「邀請又止呀？跪呀仲要！」令嘉玲姐哭笑不得。

節目播出星爺昔日做兒童節目的珍貴片段。

節目播出星爺昔日做兒童節目的珍貴片段。

節目播出星爺昔日做兒童節目的珍貴片段。

節目播出星爺昔日做兒童節目的珍貴片段。

嘉玲姐隨後感性表示，自三十年前合作《大內密探零零發》後，一直渴望與星爺再結片緣。她笑指對方多年來性格始終如一，每次關心他的近況，他永遠只會答：「咪又係咁囉！」但在嘉玲姐眼中，星爺最難能可貴是不變的童真，她說：「小朋友先會諗到啲冇可能發生嘅嘢。」星爺笑言自己做兒童節目出身：「所以我有兒童節目嘅基因，搣唔甩㗎！」此外，星爺自爆至今依然熱愛看漫畫和畫公仔，在旁的林子聰隨即踢爆星爺畫了很多Storyboard（分鏡劇本），不過被工作人員爭相收藏。

有星爺在場，笑聲不絕。

芷珊指星爺很喜歡看漫畫，星爺即自爆亦喜歡畫公仔。

芷珊指星爺很喜歡看漫畫，星爺即自爆亦喜歡畫公仔。

面對廣大影迷熱切期盼星爺復出幕前，芷珊當然不會放過大好機會乘機追問。豈料星爺大耍太極，連番推卻說：「算吧啦」、「我識鬼做戲咩」、「都幾廿歲啦！」嘉玲姐見狀立即提議他挑戰年長角色，星爺卻笑言：「真係冇呢個角色呢，唯一個角色就係師太嗰個，我諗過如果嘉玲姐都唔肯嘅話，我就反串。」嘉玲姐即拍自己大髀狂呻：「早知我拒絕啦！」她隨即「控訴」當初被對方哄騙接戲，原來星爺曾承諾會與她同場演出：「點知佢卒之放棄咗！」

星爺透露若嘉玲姐不肯演出，他就會反串演「師太」一角。

星爺透露若嘉玲姐不肯演出，他就會反串演「師太」一角。

來到全集最震撼一幕，當芷珊邀請眾人構思一個能打動星爺「出山」的角色時，嘉玲姐即說出一個妙想天開、連她自己也覺得是不可能的世紀構思，就是想老公梁朝偉與星爺再度合體主持《430穿梭機》！星爺對此霸氣回應：「冇嘢係冇可能！」他更稱必定要原班人馬拍攝，除了譚玉瑛與芷珊外，更點名希望《430穿梭機》第一代主持張國強強勢助陣。芷珊聞言立即拜託嘉玲姐說服梁朝偉。眾人越說越興奮，嘉玲姐更冇預警大爆老公與星爺曾私下拍過一齣短片，並質問星爺：「個底片去咗邊？」星爺聽罷一臉無辜地「𢱑頭」表示不知情，更幽默反擊：「嗰齣戲我打贏咗嘅，咁依家（底片）唔見咗，咁你話邊個收埋？」此話一出，全場捧腹大笑，嘉玲姐說：「原來底片喺我度，呢次發達喇。」

嘉玲姐提議老公梁朝偉與星爺再合作兒童節目，全場拍手讚好。

嘉玲姐提議老公梁朝偉與星爺再合作兒童節目，全場拍手讚好。

嘉玲追問星爺與梁朝偉合作短片的底片在哪兒，星爺𢱑晒頭。

嘉玲追問星爺與梁朝偉合作短片的底片在哪兒，星爺𢱑晒頭。

在戲中演重要角色「孖八」的新一代「星女郎」蔡思貝，今次需要應付大量高難度動作。她透露由面試成功至正式開拍之間等了一段時間，期間她不停自我增值，學習太極、耍棍及吊威吔等，她表示：「希望到時有咩要求，我都有基本功喺度。」提到星爺早前在宣傳活動上點名力讚她，星爺直指蔡思貝做到已故武打巨星李小龍的動作精髓：「係李小龍真係打嗰種爆發力、狠同埋嗰種狂，最後問『孖八』可唔可以做到，佢又做到喎！」面對偶像高度評價，思貝謙稱多得星爺的引領，並感恩地說：「好高興，我嘅偶像稱讚我似佢嘅偶像。」

當日蔡思貝拍片向星爺自薦。

當日蔡思貝拍片向星爺自薦。

蔡思貝獲讚打得似李小龍。

蔡思貝獲讚打得似李小龍。

星爺對張繼聰亦是讚不絕口，大讚他是一位對自己要求極高的專業演員。儘管角色對白不多，張繼聰依然憑生動演技，成功令觀眾留下深刻印象。面對這番讚賞，張繼聰與蔡思貝一樣，將功勞全歸於星爺。他形容今次拍攝就似上了「大師班」，並自爆拍攝時的「小機心」，每當被星爺問及打算如何演繹時，他總會說：「我成日都話唔係好諗到，你有咩諗法？」透過這招「反客為主」，成功氹得星爺親自示範，自己便可以近距離觀摩偶像演出，再盡力將星爺的演法模仿出來。

張繼聰很開心跟偶像星爺學嘢。