社會事
何文田愛民邨發生懷疑非禮案，一名23歲女住戶在單位內熟睡時，突然遭一名陌生男子伸手觸摸臉部。警方經調查後，前日（2日）在紅磡區拘捕一名25歲男子，涉嫌「企圖非禮」。
何文田愛民邨發生懷疑非禮案。threads圖片
女事主早前在社交平台發文講述事件，指周三（1日）在家中睡覺期間，突然感到有人觸碰其面部，驚醒後赫然發現一名陌生男子正透過氣窗伸手入屋。事主隨即質問對方身份，該男子竟回應「你識我嘅，你識我嘅」，然後迅速往上層方向逃去。事後，事主已到警署報案，並為涉事氣窗加裝窗簾及窗網。
何文田愛民邨發生懷疑非禮案，事後事主已到警署報案，並為涉事氣窗加裝窗簾及窗網。threads圖片
何文田愛民邨發生懷疑非禮案，事後事主已到警署報案，並為涉事氣窗加裝窗簾及窗網。threads圖片
警方表示，1日接獲一名女子報案，指在忠孝街一單位被一名男子觸摸臉頰。經調查後，前日在紅磡區拘捕一名25歲男子，他已獲准保釋候查，須於7月上旬向警方報到。案件現交由九龍城警區刑事調查隊第2隊跟進。
本港失業率持續高企，政府統計處最新數據顯示失業率為3.7%，逾14.1萬人冇工開。一位擁有10年經驗、香港大學碩士畢業的IT男，在失業近一年後，星期一（6月29日）於社交平台展示畢業證書，發文宣告「馬死落地行」，準備轉行送外賣和做保安，更揚言「如果連保安都冇得做，我會考埋的士牌」，帖文一出即引發網民熱議。
設計圖片
Show 碩士畢業證書：呢張嘢其實冇乜用
該名男子在Threads社交平台以「失業日記」為題發文，訴說自己的坎坷經歷：「我，香港IT人，10年Developer經驗，最後職位係Solution Architect，失業11個月，今日馬死落地行，已登記做送外賣員，希望下星期有工開，亦報咗名讀保安員培訓證書課程。」他更自我安慰道：「天無絕人之路，如果連保安都冇得做，我會考埋的士牌」，又指外賣員人工似乎不俗，「聽講如果做熟手，勤力啲一個月都有五萬。」
threads 圖片
帖文附上一張由香港大學頒授的理科碩士（計算機科學）畢業證書，事後他在留言區透露，自己本科（Undergraduate）也是修讀計算機科學（CS），惟自嘲：「呢張嘢，其實冇乜用，當係人生achievement就算。」
上份工被欺壓後悔裸辭 ：情願返去變態職場
事主過去亦曾發文談及離開上份工作的原因，他坦言當初因「頂唔順工作壓力超大，老闆同事欺壓」而決定裸辭。剛離職數星期時，他本來感到十分輕鬆，「日日訓到自然醒，想做乜就做乜」，但隨着求職情況愈來愈差，向外遞出過百份履歷仍「一個 offer 都冇」，令他大感沮喪。
他形容自己「日日喺屋企坐困愁城」，既沒有收入，也不敢亂花錢，於是不斷刷新求職網站，期望收到新工作通知。每次以為終於有面試機會，接聽後卻發現只是詐騙電話，令他無奈表示：「我而家情願再返去嗰個變態職場，都唔想日日無所事事，前路茫茫。」他又感嘆，有工返有有工返嘅煩惱，冇工返亦有冇工返嘅煩惱，呼籲其他人「千其唔好亂辭工」，並指除非被迫走，否則「頂多邊做邊搵」。
設計圖片
應徵文員被HR反問是否「玩嘢」
事主亦曾吐露面試經歷，指自己在求職過程中屢遇不合理要求，對人事部安排大感無奈。他表示，期望薪金寫得太高會被指「貴」，寫得太低又被質疑「身有屎」，寫到與舊工作相若又被批評「唔夠上進心」，直言「免費做義工唔好？」。
他其後應徵一份普通文員職位，沒想到HR看過其履歷後，不但未有進一步安排，反而直接反問他是否「玩嘢」，令他感到相當受挫。
網議：AI崛起IT人冇運行
帖文引起網民熱烈討論，不少人對事主處境表示同情，有人留言「10年dev怎會搵不到工，人工唔啱咋掛?」、「看見你張證書真係聞者傷心聽者流淚」、「有的士牌嘅developer路過」、「明呀，我老公都係讀MSc ITM，已被layoff，啱啱考完的士牌」、「遲啲成條街啲的士佬都是IT碩士，又或者所有保安看更佬都是IT碩士......omg真係冇眼睇。」亦也有人關注IT行業在人工智能急速發展下的前景：「AI將唔少IT人推倒」、「可能人工要求太高。不過簡單it野的確可以google同埋用ai，要去到請你ed高深it野又職位有限」、「叫AI寫一條公式...幾分鐘對話了解後修改三次就做到，做IT仲邊有運行，真係十年經驗都被秒ko。」、「而家香港IT人工仲低過文員。」
設計圖片
網讚：「馬死落地行」心態正面
不過，亦有不少人認同樓主「馬死落地行」的正面心態，肯做一定不會餓死，「怕咩拎埋綠卡撈埋工程嘢」，樓主亦回應「係唔係平安卡？報咗名啦」。另有人稱「欣賞你，識得放下身段」、「樓主可能真的好叻....但我覺得懂得馬死落地行的人仲叻...」、「直做物管主任啦，仲做保安，咁強嘅背景好快升上去」、「加油要相信一切都會好起來的，祝福你」、「天無絕人之路，對未來要有渴望請不要絕望」。福你」、「天無絕人之路，對未來要有渴望請不要絕望」。
