鄭秀文啟德演唱會因機件故障宣布延期舉行 特別安排「答謝會」以歌會友予已購票人士免費入場

AXA安盛呈獻《You & Mi 鄭秀文演唱會 2026 亞洲巡迴終點站－香港啟德主場館》主辦單位寰亞娛樂有限公司今日（7月6日）對受影響的人士深感抱歉並宣佈，由於在演唱會搭建過程中，發現有重要部件出現故障，為了演出安全及呈現完整的演唱會原有效果，經慎重考慮後，通知歌手鄭 秀文（Sammi）有關將演唱會延期舉行的決定。有關演唱會延後日期及票務安排，主辦單位正 積極籌劃，在梳理細節後會盡快通知大家。已購票之觀眾請保留演唱會完整門票（連同票根），並密切留意主辦單位日後的公佈。屆時可選擇申請退款或保留觀賞延期演唱會之權利。

鄭秀文原定於7月10至11日在啟德主場館舉行《You and Mi concert》將延期。

主辦單位寰亞娛樂表示，安全和質素是我們安排演唱會的首要考慮。在即將舉行的AXA安盛呈獻《You & Mi 鄭秀文演唱會 2026 亞洲巡迴終點站》演唱會搭建及測試過程中，發現有重要部件出現故障，團隊已即時進行檢查，並急切尋找替代方案，無奈經過種種嘗試和努力，仍然無法及時找到替換部件及解決方法，既確保安全及符合是次演唱會的最佳規格又能呈現完整的原有效果，經慎重考慮後，主辦單位忍痛地決定將演唱會延期。

已購票人士日後可選擇申請退款或保留觀賞延期演唱會。

針對本次演唱會延期，主辦單位及Sammi為答謝已購買門票之觀眾的體諒和支持，將於演唱會原定日期、時間及地點特別舉辦約1.5小時的「答謝會」。屆時，Sammi將親身與大家見面，以歌會友。

日期：2026年7月10日至12日
時間：晚上7時30分
地點：香港啟德體育園啟德主場館

針對本次演唱會延期，主辦單位及Sammi將於演唱會原定日期、時間及地點特別舉辦約1.5小時的「答謝會」。

雖然不能以演唱會的製作規模跟大家見面和演唱，只能採用精簡的舞台和製作跟大家見面，唱歌和互動，但這也是我們團隊目前能為大家送上的一份小小心意和歉意，答謝大家一直的支持和諒解。

所有已購票並持有本次演唱會有效門票的人士，均可憑票按照門票上的日期及時間到啟德主場館，按照門票所列座位編號，免費參加是次「答謝會」。待參加完「答謝會」後，觀眾請謹記保留演唱會完整門票（連同票根），待日後主辦單位門公佈演唱會延期的後續安排後，已購票並持有本次演唱會有效門票的人士，可選擇申請退款或保留再次入場觀賞延期演唱會之權利。

主辦單位對受影響的人士深感抱歉。

有關AXA安盛呈獻《You & Mi 鄭秀文演唱會 2026 亞洲巡迴終點站》之演唱會延期及票務安排，主辦單位正積極籌劃。已購票之觀眾請保留演唱會完整門票（連同票根），並密切留意主辦單位稍後於以下平台發放之最新公告：

網站：http://www.mediaasia.com
Facebook：https://www.facebook.com/MediaAsiaMusic/
IG：https://instagram.com/mediaasiamusic
微博：https://weibo.com/u/2409556757

就造成今次演唱會延期，主辦單位寰亞娛樂正嚴肅跟進及徹查，並保留一切權利。最後，主辦單位再次對此次受影響的人士致歉，並感謝大家的理解及支持。

鄭秀文Sammi被通知原定於本周五起，一連三場《You & Mi 鄭秀文演唱會2026亞洲巡迴終點站－香港啟德主場館》延期舉行之後，她表示震驚，尤其對受影響的觀眾及歌迷深感抱歉，並立即想出補救方案。

鄭秀文原定於7月10至11日在啟德主場館舉行《You and Mi concert》將延期。

Sammi說：「關於演唱會延期，我覺得需要向觀眾和買咗飛嘅朋友親自交代。其實我比大家早一日知道，昨日大約中午我收到公司通知需要延期。當時為演唱會做緊準備，如火如荼，整個團隊同我都好ready開騷。突然收到呢個通知，我有啲震驚，當然亦有失望，畢竟除咗我，仲有好多團隊、公司同事，付出咗好多心血，諗咗好多好開心、好興奮嘅內容。

Sammi對受影響的觀眾及歌迷深感抱歉。

臨開騷前收到呢個消息，當然唔好受，當下我係好失望，但我個腦第一件諗到係啲歌迷點算？買咗飛嘅觀眾點呢？好多歌迷特登飛嚟，訂機票、酒店，為咗睇Sammi演唱會花咗好時間、心機、金錢，嗰刻我心急如焚：『我應該點呢？』我第一吓『歌迷點呢？買咗飛嘅觀眾點呢？』

第二，我對於公司決定，係理解，我用咗好短嘅時間去消化呢個通知，我覺得作為公司要做呢個決定係相當艱難，我理解，呢個決定亦相當審慎，將『安全』放大前題，係正確，對於公司決定我表示尊重。

影片截圖

然後觀眾點呢？所有觀眾都好ready嚟睇呢個演唱會，係咪要完全取消晒呢？既然個場地仍然喺度，最大嘅硬件：Sammi仲喺度，我仲有Dancers、音樂、我嘅歌、我仲有觀眾嘅時候，我可以諗啲方法令觀眾嘅傷害唔好咁大呢？無論時間、情感、金錢嘅傷害唔好咁大。我知無可能有完美方法，因為每一個觀眾花咗嘅心力、時間都唔同，我點可以將傷害減到最低。所以同公司喺好短嘅時間商量，喺呢三場做『答謝會』，以歌會友，一個半小時。

昨日收到通知立即同所有團隊，音樂、排舞師，造型師、台燈聲團隊，馬上開緊急會議。因為演唱會延後，先擺低。重新諗一個rundown、新嘅流程，好好做好呢件事，起碼同觀眾有個交代。呢個唔只係『交代』，仲係『誠意』。

影片截圖

當然大家都唔想發生呢件事，但無理由觀眾承擔，我能夠做嘅係，既然我呢個硬件仲喺度，我點都做到一件事出嚟，呢個係我唯一諗到。所以昨日密鑼緊鼓諗新rundown，聽日亦會開好多會，因為時間好倉猝，手頭上看似又好似冇乜，點樣喺呢個狀態下，衍生一個起碼讓觀眾寛心滿意嘅『答謝會』？其實都好高難度，我哋會盡力。點樣喺幾萬人嘅場館做呢件事？我只能帶信念，我好想畀觀眾知道我哋好盡力、好有誠意去承擔呢個責任。

我要再講一次，我真係好抱歉、好抱歉，對於買咗任何一場飛嘅觀眾，為你哋做成不便。情感上嗰種痛、嗰種傷害，金錢、時間、心路歷程、為咗撲飛花咗嘅心血，我真係好抱歉。去到呢刻竟然發生呢件事，相當之抱歉，我應承大家喺呢三場答謝會，我同我團隊一定會盡一切努力，希望可以補救大家一啲損失。我唔敢期待所有人理解，我會盡力做好自己應該要做嘅嘢，多謝大家！」

現在Sammi正積極為「答謝會」綵排，星期五見！

影片截圖