Frankie@MIRROR 超級I人從海量負評中重生 陳瑞輝全靠12兄弟圍爐撐住樂於做平凡「市民陳先生」

Podcast頻道SpotiTalk再有新搞作！Topics by SpotiTalk全新節目《ENTER ENTER》主持人何德，首集隆重邀請到MIRROR的Frankie（陳瑞輝）作為嘉賓，並談及MIRROR面對海量負評的應對心態。

Frankie@MIRROR

Frankie為首集《ENTER ENTER》嘉賓

Frankie為首集《ENTER ENTER》嘉賓

《ENTER ENTER》主持人何德、Frankie@MIRROR

《ENTER ENTER》主持人何德、Frankie@MIRROR

Frankie近來推出虐心情歌〈是日戀愛〉，又於音樂劇《小男人周記》飾演小男人梁寬，他在節目中表示，直到近來他終於感覺到原來做到小男人，都是能力！「我本身就散發住（小男人）特質，我記得拍完〈是日戀愛〉MV返到屋企，我同經理人團隊講，我都係走唔出虐心角色呢條路㗎喇！但係好㗎！能令觀眾覺得你慘，其實係一種能力。」曾掙扎於個人定位的他，也十分滿意自己這個特色：「MIRROR 12個都好唔同，例如隊長好嚴肅好有霸氣，我又係咩呢？我而家搵到喇。」

MIRROR是香港天團，受到大量關注同時，亦經歷無數批評。Frankie就主動談及：「初初好似做咩都唔啱……《全民造星》收到海量嘅批評，大家關注度都好高，成立咗MIRROR之後更上一層樓。 所有想腰潤（挖苦）嘅都會講出聲挖晒出嚟講，啲comment好赤裸，真係好受傷害。 我哋12個都冇接受個公眾人物嘅training，就要接受山崩海嘯嘅負評，好似做乜都係錯！ 」

對於身為「終極I人」的他，更坦言起初幾年完全收起真我，難以真面目示人：「頭幾年對親鏡頭、做訪問、拍團綜，都唔係自己嚟，可能得兩三成，其餘都係我嘅緊張、謹慎。」他要透過不同工作、觀眾的支持，才能在這幾年間，點滴地建立信心。他笑言，MIRROR這隊「九展天團」之所以能撐住，全靠團內12個成員互勉對方，才能進化到現在能面對任何事情：「大家圍一團爐，放一放負，咁就好舒服㗎喇。慶幸有呢班兄弟喺度，過咗最難過嘅時間。」

因性格內向而樂於平凡的「市民陳先生」，亦自爆平常的生活興趣，包括喜歡玩搖搖，最近更極力鑽研廚藝！ 「我想試吓煮嘢食，本身我係level 0，炒個飯都四圍都係！但我有鑽研氣炸鍋食譜嘅，試過用氣炸鍋，煮個漢堡畀我嘅室友食。我都幾享受煮畀人食，而人哋又好開心！」展露不為人知的一面。

Mira Place年度音樂盛事Gimme LiVe音樂節將於8月8日起一連四個星期六盛大舉行，今年以「LiVe as One」為主題，全力策動嶄新概念，打破商場音樂節的傳統想像，突破性以「音樂劇場」形式帶來四大情感共鳴之旅，包括「Love in Me 戀愛」、「Youth in Me 青春・熱血」、「Memories・Pain in Me 回憶・痛」及「Dreams in Me 追夢」，每週遊走不同情感世界，以旋律與靈魂引發樂迷共鳴。

Mira Place Gimme LiVe年度音樂節「LiVe as One」8月登場。

大玩黑膠唱片機音樂舞台。

舞台設計成巨型黑膠唱片機，鳥瞰角度化身為唱盤，唱針造型T台讓歌手走進觀眾之中零距離接觸，配合LED屏幕歌詞與意境畫面，媲美大型演唱會視覺享受。演出陣容匯聚20個人氣單位，包括Frankie陳瑞輝、馮允謙、泳兒、姚焯菲、吳啟洋、TELLER、Jacky Fan范卓賢、Zpecial、IdG Sundae、黎展峯、晚安莉莉、SURFIVE、Ophelia柯雨霏等，全面展現舞台魅力。

8月8日起一連四個星期六匯聚20個人氣歌手、組合及樂隊與你共度仲夏。

音樂節期間逢星期五傍晚設Busking Shows，讓本地Busker以歌聲傳遞夢想。7月29日起Mi+會員於場內即日消費滿$500，追蹤指定社交平台及讚好文章，即可換領自選場次企位門票2張及餐飲優惠；另可購買VIP門票套裝，限量發售。現場更設遊戲環節，粉絲有機會贏取偶像禮物，務求將氣氛推至沸點。

Frankie 陳瑞輝 @MIRROR、Jay Fung馮允謙、泳兒、Chantel姚焯菲、Phoebus吳啟洋、TELLER、Jacky Fan范卓賢、Zpecial、IdG Sundae、黎展峯、晚安莉莉、SURFIVE、Ophelia柯雨霏等。