黃宗澤現身「導演之夜」獻唱《千千闕歌》 網民洗版跪求回歸樂壇

「男神」黃宗澤（Bosco）近年主力在影視圈發展獲得亮麗成績，雖然曾經出唱片做歌星，但早已宣告「退出樂壇」的他，周日（7月5日）應央視頻邀請盛裝出席於山東煙台舉行的《2026中國電影導演之夜》。當晚星光熠熠，最矚目的焦點竟然是Bosco驚喜開金口唱歌！演出片段隨即在網上瘋傳，掀起一陣洗版潮。

黃宗澤日前應邀請出席《2026中國電影導演之夜》。

黃宗澤

黃宗澤

當晚，Bosco先以一身「西裝骨骨」的黑色禮服踏上紅地氈，一出場即引來全場粉絲尖叫，大讚「好靚仔」、「逆生長」。正當大家以為他只是來當個安靜的美男子時，舞台上的Bosco卻換上一件白色西裝上衣，搖身一變成為表演嘉賓，深情唱出陳慧嫻的經典名曲《千千闕歌》！

黃宗澤深情唱出陳慧嫻的經典名曲《千千闕歌》。

久未在公開場合唱歌的Bosco，一開口便驚艷全場。雖然近年專注演戲，但當晚的演出水準相當高，深情演繹配合穩健的台風，引來台下掌聲雷動。大批網民在社交平台「洗版式」留言，高呼：「Bosco唱歌原來咁好聽！」、「跪求黃宗澤重返樂壇！」

黃宗澤

雖然網上好評如潮，但台下的Bosco其實「頂硬上」。他在受訪時一邊抹汗一邊笑指自己頂住巨大壓力：「太耐冇唱歌，下面有咁多大導演喺度，點會唔緊張啊？非常緊張！今次當挑戰下自己啦，咁耐冇唱。不過大家放心，我係唔會重返樂壇嘅，哈哈…..。」

黃宗澤

Bosco更自爆為了這短短幾分鐘的演出，私底下備戰了很久：「我緊張咗成個月啊！我都係乖乖哋返去演戲啦，呢啲當業餘玩下啫。」被問到日後會不會考慮唱回自己主演劇集的主題曲，為粉絲謀福利時，Bosco隨即耍手兼擰頭，幽默回應：「劇嘅主題曲，都係搵返啲專業嘅（歌手）啦！我只係路過㗎咋啫，路過㗎咋！」

黃宗澤

雖然Bosco一再強調自己只是「業餘路過」，但這次的驚喜演出，無疑為全網觀眾帶來了2026年盛夏最震撼的音樂彩蛋。

黃宗澤

四年一度的世界盃戰況激烈，全城掀起睇波狂熱！男神黃宗澤（Bosco）7月3日現身廣州，出席由啤酒品牌舉辦的世界盃狂歡活動。大批市民一早擠滿現場，希望一睹男神風采。

黃宗澤（Bosco）在廣州出席世界盃啤酒活動，現場人山人海。

活動期間，Bosco一邊展現招牌迷人笑容，一邊不停抹汗。他笑言現場的熱烈程度簡直是「體感大考驗」：「現場真係有啲熱啊！因為呢度係玻璃頂，加上現場真係人山人海，所以溫度直線上升。不過，最熱嘅絕對係現場觀眾嘅熱情！」

雖然熱到大汗淋漓，但一向親民的 Bosco 與現場圍觀市民大玩遊戲，全無明星架子，令全場氣氛High爆。對此他幽默表示：「個個都知我係『黃三歲』嚟㗎啦，最緊要大家玩得開心、盡興就得！」

他大汗淋漓仍親民與市民玩遊戲，全無架子，全場High爆。

談到今屆世界盃，Bosco坦言要當一個「合格球迷」絕對是一大挑戰：「追看球賽對我哋嚟講真係有難度。大多數熱門賽事都在凌晨三、六、九點開波，如果遇到十二點或者一點的賽事，我就一定會看。但有時遇到非常緊張的賽事，即使再累，我都會頂住眼瞓、熬夜支持，最近真係夜瞓咗好多。」

被問到心水球隊時，Bosco透露自己並非盲目追捧傳統強隊，反而帶點「俠義心腸」：「我自己好鍾意美斯，但同朋友睇波就冇話特別齊心鍾意邊一隊。有時我反而有種『鋤強扶弱』嘅心態，希望啲比較弱嘅球隊可以爆冷，咁樣先刺激！」 他更特別點名日前一戰成名的非洲球隊佛得角：「好似之前佛得角咁，真係好犀利！個龍門（禾仙夏）一夜之間爆紅，我依家最欣賞就係美斯同埋佢！」

他笑言現場是「體感大考驗」，但強調「個個都知我係『黃三歲』」，最重要大家玩得開心。

今屆世界盃亦是不少傳奇球星的「最後一舞」，Bosco 言語間流露出一絲不捨：「今年美斯係最後一屆，點都要捧場支持。其實有好多位球星都踢咗好多屆，好似剛剛被淘汰的克羅地亞主將摩迪（Luka Modrić），應該都係最後一屆了，所以每場賽事都非常珍貴。」

講波經時，Bosco自嘲要當合格球迷有難度，但為了心愛賽事仍會熬夜支持。

活動在歡笑聲與熱烈氣氛中圓滿結束，Bosco 的親民與真性情再度瘋狂吸粉，不少網民大讚他是「最強世界盃氣氛組」！

他坦言最欣賞美斯，又特別點名讚揚爆紅的佛得角門將禾仙夏，笑言自己有「鋤強扶弱」心態，希望爆冷賽事出現。