淘寶香港地區最新一期「滑鼠墊腕墊包郵榜」出現一位意想不到的冠軍——一款售價低至人民幣 9.9 元（折合約港幣 11.56 至 13.89 元）的「苦逼加班打工人」方形滑鼠墊，憑藉極高性價比與令人會心一笑的經典影視金句，成功俘虜一眾本地打工仔的心，成為近期辦公室最火熱的網購話題。
網上圖片
這款奪冠滑鼠墊的產品封面，採用了香港著名演員黃子華在經典電視劇《男親女愛》中的劇照。畫面中，由黃子華飾演的主角余樂天一邊聽電話一邊露出無奈表情，旁邊更配上劇中經典對白字幕：「沒有，我不會下班的，我的工作永遠做不完。」這句充滿黑色幽默的加班宣言，精準擊中無數打工仔每日面對無止境工作的心聲，引發強烈共鳴。
網上圖片
據網購平台數據顯示，該商品在全網的熱銷數量已突破 1 萬件以上，其所屬店鋪的月銷量亦超過 1,000 件，更有超過 1,000 人將其加入購物車，人氣相當驚人。不少香港消費者直言，滑鼠墊上的金句字樣簡直是為自己度身訂造，準確反映了本地辦公室文化中「做到冇停手」的真實寫照，既帶有自嘲意味，又充滿黑色幽默，因而帶動銷量急速增長。
網上圖片
網上圖片
近日天氣持續酷熱，不少市民寧願留在家中消暑都唔出街，連寵物都怕熱唔願郁。不過啟德近日就有一隻松鼠狗成為網絡紅人，佢陪住飼主現身Airside等商場時，竟然成日躺平喺地下拒絕前進，即使飼主牽繩拉扯「拖地」都唔肯起身，場面搞笑。正當網民以為松鼠狗係因為天氣太熱先至唔願行，原來背後另有玄機，而且只要飼主講出三個字「密碼」，松鼠狗便會即刻開心彈起奔跑，反差萌爆燈。
threads影片截圖
Threads自7月起就流出此隻躺平小狗相關的照片及影片，片中所見飼主是一名中年男子，幾乎每日都帶住佢去Airside散步，他們更曾到訪荃灣南豐紗廠、新蒲崗Mikiki等地方。不過大部分時間見到小狗都係「躺平」狀態，即使飼主拖行都唔肯起身，因而吸引大批路人及網民將此搞笑場面拍下上載至社交平台分享。
threads影片截圖
threads影片截圖
有網民留言笑稱「見咗佢咁多次，冇一次係用四隻腳嚟行路，每次都趴喺地下唔肯行。然後叔叔就陪佢慢慢拖住咁行，搞笑得嚟又好sweet」、「Airside夜晚一見到有嚿啡色地拖就知係佢了」、「airside多個景點」、「人哋係去放狗，佢係去拖地」、「冇一次係四隻腳行路 笑死」、「我係南豐見過佢地，一樣做地拖，原來係啟德名物」、「地板涼浸浸」、「狗形地拖」、「好cute cute」、「天氣太熱，商場地下涼浸浸」、「原來狗可以咁賴皮」、「唔想返屋企的表現」。
threads影片截圖
正當網民以為松鼠狗純粹因為天氣太熱先至唔肯起身之際，有兩名網民分享影片及與飼主叔叔對話，原來真相係因為佢已經散完步要回家，但松鼠狗唔肯走，結果躺平「賴死唔走」。不過只要飼主同佢講「去玩、繼續行」，佢就會企返起身好活躍。影片可見飼主只要說出三個字：「去玩啦」，或者數「一二三」，松鼠狗便會立即彈起身開心地奔跑，有網民見狀笑指「平時扮死狗 原來咁得意！」。
影片可見飼主只要說出三個字：「去玩啦」，或者數「一二三」，松鼠狗便會立即彈起身開心地奔跑。threads影片截圖
