UFO離奇命案｜陳湛文勁搏去到盡12度捱凍瞓身露美股楊偲泳負傷堅持演出笑言被眾演員整蠱

娛圈事

UFO離奇命案｜陳湛文勁搏去到盡12度捱凍瞓身露美股楊偲泳負傷堅持演出笑言被眾演員整蠱

2026年07月09日 10:00 最後更新：10:37

由凌文龍、楊偲泳、陳湛文、林子傑、黃德斌主演，人氣劇集《大叔的愛》導演郭家禧（CK）及導演李振傑（Jack）聯合執導之大癲黑色喜劇《UFO離奇命案》，由7月4日起上映，短短兩日半累積100萬票房，更罕見地於上映第二日更超越開畫日票房，反映口碑持續攀升。

除了大獲業內人士讚賞外，Threads上亦海量式真實好評洗版，包括勁讚演員互動，@alvin_wong_w.w_大讚「唔玩煽情，唔玩隱喻，唔係鏗鏘集，單純幾個演員嘅互動，已經好笑到仆街！」、@bro.wong.comedy：「事件中有事件，故事中有故事。好好笑，驚喜同反轉不斷。」；劇本方面更獲一致正評，@ok.der：「點知佢劇本精簡得嚟好完整，好笑得嚟又唔係好膚淺嗰種笑位，同埋冇長篇大論講經環節」、@lukalok更指電影為今年世一：「三百萬資金、拍咗一齣娛樂性極高嘅港產片，而創意度算今年本土作品中最高！」；而有網民更深受出品人的無條件信任感動，@hfsn___rmnmn：「80幾分鐘零悶場睇完笑到攰 …原來導演個中學同學拎300萬比朋友拍戲, 呢件事勁有男人的浪漫」；至於演員方面，網民更封陳湛文為電影MVP，@marazoey_1525:「劇本有趣，陳湛文是MVP，左右兩位觀眾笑到抽筋好似神打」、@hkmovie.advisor更認為Peter值得一座金像獎：「陳湛文接近瞓身演出，難怪金像獎嗰陣有人覺得佢應該要贏，另一個突出嘅配角係陸駿光！」、而@alva.tiger則大讚：「凌文龍，陳湛文，林子傑三位的化學作用真係好正」。

點擊看圖輯

《UFO離奇命案》已於7月4日上映。

《UFO離奇命案》劇照

拍攝花絮

《UFO離奇命案》劇照

更多相片

《UFO離奇命案》已於7月4日上映。

《UFO離奇命案》劇照

拍攝花絮

《UFO離奇命案》劇照

提到電影於冬天期間拍攝，有數天更遇上當時最寒冷天氣之晚上於馬鞍山取景，拍攝當天僅得12度，一向專業的陳湛文（Peter）表示：「幸好當時唔係晚晚都凍，只係有幾晚特別凍，當然為咗保持身體啲肌肉和暖，我哋全部人都著多件打底加暖包，因為都知道拍攝期緊迫唔敢病。」相信在寒冷的天氣下一絲不掛，對於Peter而言必定特別難忘；至於對於其露股演出網上一遍好評，網民勁讚瞓身演出，Peter謙虛表示：「去到咁盡嘅原因，一當然係相信導演以及團隊，二係我覺得今時今日啲故事或人物係要去到咁盡先貼近返現實，所以唔係我搏，而真係角色與劇情需要。」

除了露股令觀眾驚喜嘩然，Peter在電影中的妝容更是難以辯認，Peter笑言要歸功於整個團隊：「個妝其實係集體創作，因為要人信服佢係因打鬥而窒息，所以共識咗係要發紫同埋口腫面腫又有啲污跡，而當我一上咗呢個妝，成班演員望住我就想笑，我就知道咁就啱嘞。唔使最早到化妝，反而比其他乾淨妝仲快，哈哈！」

另一邊廂，電影公司發佈的影片當中，驚現女主角楊偲泳（Renci）於現場坐輪椅的片段，原來Renci在開拍初期，在森林主景中意外倒地，劇情見狀馬上將Renci送院留醫，被確診為骨裂。由於電影以有限成本拍攝，Renci受傷的翌日原定拍攝重要的群戲場口，而劇本上每一場均需要Renci參與其中。正當導演費煞思量如何調度拍攝，Renci則如期現身片場，令兩位導演大為感動。對於堅持負傷演出，Renci笑言：「因為知道兩位導演CK同Jack喺300萬資金下，每一個拍攝日，以至每一場都係喺嚴密控制成本下實行，加上呢部戲以群戲為主，每一個角色嘅參與度都缺一不可，因此休息一晚，照常去到片場，盡力配合拍攝。」Renci更笑言時常被眾拍檔推輪椅整蠱，正面地看也是加強默契的一種！

電影團隊上映第二周繼續大搞新意思，今個星期六將由凌文龍、楊偲泳、陳湛文、林子傑、「星麈大師」黃德斌，聯同導演郭家禧、導演李振傑等到各大戲院謝票，適逢世界盃熱潮，眾人更會大派星塵大師開光的世界盃開運卡，祝福一眾影迷百戰百勝！

《UFO離奇命案》成功結合懸疑、驚慄與荒誕黑色幽默，故事講述25年前，小學生豪仔於東頭山離奇失蹤，被指遭外星人綁架，成為神秘都市傳說。25年後，一對網紅情侶為吸引流量，重返事發現場拍攝整蠱短片，豈料假戲真做釀成真命案，隨後神秘勒索短訊、外星人現身、眾人離奇失去記憶等荒誕事件接連發生，一切竟與25年前的失蹤案互相呼應，事件愈演愈失控，笑料與反轉不斷。

往下看更多文章

UFO離奇命案｜出品人斥資300萬力撐老Best開戲凌文龍超享受楊偲泳直言大膽

由凌文龍、楊偲泳、陳湛文、林子傑、黃德斌主演，人氣劇集《大叔的愛》導演郭家禧（CK）及導演李振傑（Jack）聯合執導，備受期待的大癲黑色喜劇《UFO離奇命案》上周宣布口碑爆棚而提前於羅茲威爾事件日7月4日（星期六）上映，以荒誕幽默的拍攝風格，融合UFO都市傳說與黑色喜劇元素，深受全球各地影展肯定，先後晉身八大影展－烏甸尼遠東電影節（競賽單元）、紐約亞洲電影節（競賽單元）、西班牙維克亞洲夏季電影節（競賽單元）、金馬奇幻影展、香港亞洲電影節、新加坡華語電影節、上海國際電影節、馬來西亞國際電影節，更於其中烏甸尼遠東電影節榮獲白桑莓獎最佳首作獎，成為本屆唯一得獎港片。

近日票房大賣的外語片《嚇房》（Backroom）及《愛你致死不渝》（Obsession）都是新導演以低成本配搭一個空前絕後的概念，深得觀眾歡心，證明觀眾越來越著重故事本質及創意，同樣地，《UFO離奇命案》亦以300萬成本製作一部讓人意想不到的黑色喜劇，收獲大量觀眾笑聲，以優先場等為例，有旺角區觀眾舉手激讚「冇諗到一部兩個景為主嘅電影可以拍得咁豐富！導演好聰明，劇本扎實，演員集體創作嘅感覺好強。睇完好開心，又感動又滿足，絕對係近期最好睇嘅香港電影！」而另一場堅尼地城的謝票場，更有觀眾分享被電影團隊的熱誠影響入場：「最感動係感受到主創團隊嘅熱誠，出品人同導演嘅兄弟情好正能量。希望有更多香港電影可以咁樣搏一搏！我哋一定會支持！300萬拍出嚟嘅效果，性價比超高！」

而《UFO離奇命案》這個項目應運而生之前，深深吸引了一眾主演投放百分百信任，除了激罕的港式荒謊喜劇類型，另一大原因是戲裡戲外同樣感動人心的友情。一眾主演備受現實出品人黃德進（Eddie）及兩位導演的情誼所打動，希望並肩作戰成就這個得來不易的作品。

事源出品人Eddie及兩位導演CK及Jack為中學同學，三人相識近二十載，而Eddie一直有個心願，支持兩位投身電影的摯友拍自己喜歡的故事，因而促成《UFO離奇命案》這個以三百萬成本拍攝而成的電影。兩位導演以緊張又興奮的心情，迎接電影上映，導演郭家禧指：「每一位幕前幕後嘅戰友，都因為信任呢個故事而傾力相助，大家都投入咗超乎想像嘅創作熱誠。呢份福氣同責任，我銘記於心。而家最重要就係希望觀眾睇得開心啦，希望娛樂到大家啦。」

而導演李振傑直言緊張：「其實都緊張嘅，因為呢部戲都對我哋嘅人生意義好大啦。大家都知道香港電影呢幾年個市道都麻麻地，正當我哋兩位導演都冇乜嘢做，苦惱緊係咪需要轉行嘅時候，諗起我哋嘅中學同學就有一個戲言啦，就講如果有一日佢有錢嘅話，會投資我哋拍電影，一句戲言, 就係咁促成咗呢個計劃。真係估唔到喺人生一個比較低潮嘅時候，呢件事突然之間成真啦，好朋友嘅錢交咗俾我地，希望唔好令佢蝕錢，最緊張就係呢一個部份喇。」

片中主要演員難忘兩位導演的熱情，以及對Eddie的承諾，凌文龍指：「我好想拍好呢部戲，喺呢個過程好開心，因為兩位導演佢哋好聰明，因為喺一個唔容易嘅 budget 之下，佢哋已經用咗一個最好嘅辦法，揀咗只係得兩個主景，咁已經可以喺製作上面慳到一定成本，但係佢地唔會因為景少，而影響電影質素，呢個係兩位導演、兩位編劇佢哋好聰明嘅地方。然後又知道係同我好欣賞嘅演員們一齊合作，所以成個過程我哋喺拍攝嘅時候係不斷有好多好有趣嘅集體創作。」

女主角楊偲泳同樣深受感動：「有朋友肯付出三百萬，無條件製作電影，係一件好幸福嘅事。我最感動嘅其中一樣係投資者Eddie將資金用喺我哋度，其實佢可以使咗佢，或者拎去買嘢，但係佢願意用喺拍一部電影，仲要係咁『離奇』嘅劇本，佢都敢去搏，我覺得係非常之大膽。」

至於首次擔綱主演的林子傑同樣對電影充滿信心，Ronald形容Eddie如白武士：「出品人Eddie同兩位導演嗰種兄弟情啊，我相信喺戲中亦係反映到出嚟㗎。即係嗰種因為有真實嘅 bonding，所以寫出嚟我都覺得我自己睇嘅時候，我都份外感動㗎。起初聽到呢件事，嘩係有白武士出手喎，即係俾錢出嚟做一件咁偉大嘅事，我都唔知幾想有好多呢啲咁嘅中學同學啊。」

而黃德斌則大嘆能夠參與演出相當幸運：「當我知道兩位導演係有一套嘅電影嘅時候，我係非常之開心，佢哋話我預你喎，咁我諗我梗係好啦！即係我參與呢一個戲，我覺得自己好幸運啦，因為我遇上一班咁熱血嘅導演同演員啦。我每日都打醒十二分精神，呢班後生仔玩得咁精彩，咁我都要更加投入多少少啦，好開心嘅。而家出咗嚟嘅效果呢，觀眾都睇得好好開心啦，見到好多觀眾都鍾意呢部戲啦，佢哋開心出嚟最緊要啦。大家見到星麈大師都係好開心！」