非份之罪｜「惡女天花板」陳煒毒舌大戰「潑婦」盧宛茵 爆李家鼎拍床戲驚到要食鎮靜劑

由王心慰（Amy姐）監製、翁善瑩編審的「人性反思」另類寫實劇集《森下仁丹Bifina Si益生菌呈獻：非份之罪》，逢星期一至五晚八點半翡翠台播映。主要演員有吳啟華、陳煒、阮浩棕、劉佩玥、朱敏瀚、吳偉豪、賴慰玲、何沛珈、徐榮及單立文等。

陳煒一嚟個面口就好衰，因為對住佢完全唔愛嘅徐榮。

陳煒同Madam Lo鬥惡極好睇。

陳煒同Madam Lo鬥惡極好睇。

昨晚（7月9日）是第三單元《一億殺機》第一集，由於本單元角色性格鮮明、位位主要演員包括陳煒、徐榮、施焯日、盧宛茵、李家鼎均甚有發揮，加上劇情夠癲夠破格，昨晚播出後在網絡引發極大迴響，網民大讚TVB拍出了大膽又新鮮的題材：「好耐冇睇過咁癲嘅TVB劇，好睇！刺激」、「故事推進節奏快，沒有太多枝節，睇到入晒戲」、「一集入面交代咗好多嘢」、「阿孫竟然係鼎爺個仔，真係估唔到」、「走出一貫TVB劇框框」、「真實事件改編後更懸疑，好有追看性」、「期待今個單元又係反轉再反轉」、「劇情真係幾好」、「仲要有啲寓意，反思人性」、「套劇好有新意」、「個個都演技爆發」。

陳煒同Madam Lo鬥惡極好睇。

睇吓李家鼎個樣煩到。

陳煒毒舌金句狂轟Madam Lo
昨晚一眾演員之中，獲得最多掌聲，絕對是飾演「毒舌惡新抱」的陳煒（煒哥），與盧宛茵（Madam Lo）有連場激烈嘈交戲的煒哥，與Madam Lo各自施展渾身解數，以極盡八婆嘴面、一個手指指鬼咁忟（盧宛茵）、一個嘴藐藐、面目猙獰兼叉晒腰（陳煒），齊齊上演連場「六國大封相」，其中陳煒的「冷笑」、「用力瞪眼」兼「咬牙切齒」表情，配以啜核非常的毒舌對白：「做咩呀？唔忿氣呀？你咪落去地府搵老爺追究問責囉！」簡直是一等一「惡女天花板」，與Madam lo的潑婦罵街式疲勞轟炸、堪稱絕配！網民：「陳煒Madam Lo高手過招 Super Acting！」而煒哥接受tvb.com訪問時，坦言與Madam Lo「日嘈夜嘈」好攰：「真係鬧到好攰，同埋其實要鬧同打Madam都好擔心，因為佢始終係前輩，平時我對佢都好恭敬。」

睇個樣都知煒哥係上風啦。

睇個樣都知煒哥係上風啦。

呢幕鼎爺個咆吼好逼真，隔住個Mon都Feel到佢嬲到盡頭。

剛柔並濟演技大爆發 網民高呼：煒哥值得一個視后！
雖然惡到出位，但不少網民留意到煒哥對著親生仔施焯日時，卻能完全展現溫柔狀態，大讚她忠又得、奸又得、硬又得、溫柔又得，加上顏值身材兼備，網民大讚煒哥好睇，並洗版式力推她榮膺今年視后。網民：「煒哥啲戲真係勁，忠又得、奸又得」、「煒哥好正，夠晒惡，但對住個仔又好溫柔」、「演技好，人又靚」、「真係好戲」、「煒哥值得一個視后」。

昨晚最焦點場口，則分別是李家鼎對著煩爆Madam Lo的「爆血管式瘋狂咆吼」，以及Madam Lo得番老公與陳煒出軌後、衝入殮房怒摑屍體一幕！先說咆吼位，劇情講述原本身體極度不適的建國（李家鼎飾），明明已一面病容返回家中，但仍遭發癲Mode的妻子淑嫻（Madam Lo飾）咬住唔放，誓要建國在她與阿萍之間二揀一，被煩到心浮氣躁兼極度不適的建國，最終忍不住爆seed大嗌「你收聲呀！」終極一吼後更虛脫倒地、一命嗚乎，夠晒Dramatic，網民更力讚鼎爺好戲到完全唔似做戲！而對於Madam Lo邊鬧邊怒摑出軌老公屍體一幕，網民大讚拍得勁逼真及超出預期，並認為該幕絕對是TVB劇最癲場口經典之一！

煒哥啲嘴面夠晒刻薄之餘，仲要夾雜惡形惡相同陰陰嘴，表情轉移冇得輸。

再加煒哥幸災樂禍樣，冇得輸。

呢句對白，尋晚網民又係覺得好經典。

其實除了以上，鼎爺向煒哥「霸王硬上弓」一幕，亦在網絡引發熱討，網民對於鼎爺接拍床戲大感新鮮！對此，煒哥接受tvb.com訪問時，大爆與鼎爺拍攝這場床戲時，鼎爺緊張到要吃鎮靜劑：「鼎爺同我講話佢一介武夫，從來冇拍過床戲，超驚！所以搞到心跳手震，要食鎮靜劑先掂。所以我拍嗰陣都唔可以太緊張，如果唔係佢仲驚。」

Madam Lo嬲爆摑屍呢場，好多網民話好經典好逼真。

Madam Lo嬲爆摑屍呢場，好多網民話好經典好逼真。

陳煒爆李家鼎拍呢場戲好緊張。

陳煒爆李家鼎拍呢場戲好緊張。

陳煒爆李家鼎拍呢場戲好緊張。

《一億殺機》首集劇情簡介：
昨晚《一億殺機》劇情講述村長張建國（李家鼎飾）與妻子鄧淑嫻（盧宛茵飾）表面三代同堂、生活美滿；可惜一切只是金玉其外，建國兒子張宏智（徐榮飾）智商只有8歲、孫仔張紹聰／聰B（施焯日飾）只得有限度智商，由於重男輕女，建國亦未有打算將家業傳給孫女帶弟（林秀怡飾）。

除此之外，淑嫻因心痛新抱阿萍（陳煒飾）對兒子阿智疏於照顧且態度惡劣，加上懷疑阿萍「打斧頭」及有外遇，二人經常激烈爭吵，阿智、聰B、建國全部慘成磨心…某日建國心臟病發暴斃，根據其生前立下遺囑，逾億身家將全數交予唯一男孫紹聰打點！為此大感震驚的淑嫻及阿萍，為此在建國靈堂上仍爭吵不休，最終經不起淑嫻再三出言侮辱的阿萍，爆大鑊指聰B其實是自己和老爺親生骨肉，令原本已多事的張家更加雞犬不寧，最終聰B因難頂家嘈屋閉離家出走，結果竟離奇身亡！

由王心慰（Amy姐）監製、翁善瑩編審的「人性反思」另類寫實劇集《森下仁丹Bifina Si益生菌呈獻：非份之罪》，逢星期一至五晚八點半翡翠台播映。主要演員有吳啟華、陳煒、阮浩棕、劉佩玥、朱敏瀚、吳偉豪、賴慰玲、何沛珈、徐榮及單立文等。

徐榮呢一幕真係好慘。

陳煒啲演技多元到哩。

昨晚（7月9日）第三單元《一億殺機》一首播，無論劇情與演員表現均在網絡引發極大迴響，除了煒哥、Madam Lo及鼎爺，飾演智障角色的徐榮及施焯日亦贏盡關注好評，更有網民覺得從演多年、演技絕對有保證的徐榮，值得憑阿智這個角色贏取獎項肯定。先說第一集已慘死的聰B（施焯日飾），出名童顏的施焯日（Arthur），拍攝《一億》時由於22歲，樣子比現時更年青之餘亦更青澀，可愛的甜笑＋酒粒、再加上清純無雜質的雙眼，與劇中智商有限度、Pure又善良的聰B完全是「Perfect Match」，難怪監製Amy姐開劇前鼓勵他「做番自己便可」。

原本教極唔識，徐榮個狀態係蠢蠢地又有啲苦惱。

陳煒錫完一啖後，佢即刻好心急咁一輪嘴「背晒啲對白」，好似好雀躍咁。

除了外形與營造出來的感覺與角色零違和，施焯日亦有認真處理不少細節位！其中一幕聰B遭無理租客壓榨、帶弟衝出來代聰B出頭時，施焯日雖然沒有對白，但卻不時會展現「欣賞家姐」及「留心聽書」等不同狀態，又會聽到認真地點晒頭，感覺勁乖巧！之後被家姐訓話時，施焯日又會不自覺扁嘴和抿嘴，言行與Cutie小學生無異，難怪獲封「快樂小狗」。除了「可愛擔當」，施焯日亦是劇中「暖男＋感人擔當」，對身邊所有人都充滿愛意的他，昨晚一幕與「爸爸」阿智齊齊望向星空懷念已死去的建國一幕，兩人極度天真又帶點傷感的演繹，令場口充滿淚點。談到如何能演繹出如此清澈一面，施焯日受訪時坦言沒有太多竅妙，並謙稱：「都係努力咁抹去成年人嘅包袱，搵番小朋友最純粹想做咩就做咩嗰種感覺，喺現場感覺到啲咩，就做番啲咩畀大家睇。」

之後畀陳煒喝一喝，徐榮又去番「笠水」狀態，仲要慘豬樣。

跟住佢又好努力咁出盡力背對白，好心悒。

至於徐榮飾演的張宏智（阿智），短短一集，已成功令觀眾清晰知道這位只有8歲智商的「大朋友仔」熱愛蝸牛及畫畫，天性純真，經常與「阿仔」施焯日玩得開心過小朋友之餘，又十分喜歡自己老婆仔，時不時會要求錫錫，簡單直接！

開心嘅阿智。

徐榮呢幕聽到阿媽話幫佢娶陳煒，佢開心到跳紮紮呢幕都好impressive。

阿智都有唔開心嘅時候。

昨晚徐榮演出最精彩一幕，是煒哥為了氹他向奶奶Madam Lo撒謊滿足自己私欲，竟「Hands Up」姐姐上身以「錫錫」餌誘徐榮跟住佢教講大話，起初徐榮因智力問題，講到一嚿嚿：「啲燕窩我唔鍾意食，以後唔好『醒』（整）…好長我記唔到呀」，及後經煒哥「加料」錫額頭後，即火力全開，Speed up mode背晒成句：「啲燕窩我唔鍾意食，以後唔好『醒』（整），我食維他命丸『質』（得）喇。」辛辛苦苦完成任務後，徐榮再乖巧地跟住煒哥去廁所，並Bling Bling眼要求一齊沖涼，結果當然遭煒哥喝斥一番，徐榮第一時間嚇到定格兼慢慢向後褪，並按照煒哥吩咐繼續努力「背對白」，徐榮的超像真傾力演出，尤其一面無辜抽搐著努力唸對白，令場口倍添蒼涼，大大增加了網民對阿智這個角色的同情。

徐榮同施焯日好有火花。

從細微位睇得出，施焯日係照顧徐榮嗰個，符合番角色設定。

網民洗版式讚施焯日做得好同埋好Cute。

對於施焯日嘅死法，網民都覺得好離奇。

徐榮接受tvb.com訪問時，坦言難度頗高：「因為我之前都有演過智障人士，所以我今次都要諗啲唔同嘅演繹方法，希望出嚟有新嘅感覺畀觀眾。」由於阿智除了僅得8歲智商，還是肌肉萎縮症及腦痙攣患者，故在劇中不時會有抽搐及顫抖等動作，對此徐榮坦言演繹時頗吃力，而且更試過演到頸抽筋：，「演嘅過程係好攰，因為每次演都要好用力，所以我試過演到條頸抽筋。」徐榮續指望透過角色引起外界對相關患者關注：「我感受到佢哋嘅生活好唔容易同唔方便，希望透個角色令到社會多啲人關注同幫助佢哋。」