非份之罪｜林秀怡回復尖臉演律師獲讚顏值躍進 難忘與徐榮超感人父女淋雨戲

由王心慰（Amy姐）監製、翁善瑩編審的「人性反思」另類寫實劇集《森下仁丹Bifina Si益生菌呈獻：非份之罪》，逢星期一至五晚八點半翡翠台播映。主要演員有吳啟華、陳煒、阮浩棕、劉佩玥、朱敏瀚、吳偉豪、賴慰玲、何沛珈、徐榮及單立文等。

呢場淋雨戲好感人，秀怡同徐榮都做得好有Feel。

由於聰B拎咗把好細嘅遮去接家姐，家姐為咗聰B唔好淋濕，搞到自己濕晒，呢啲咁細微嘅嘢，阿智都看在眼內，認定帶弟絕對錫聰B。

反而全屋智商正常嘅人，就因為各懷鬼胎，一口咬定帶弟好憎聰B，煞是諷刺。難怪唔少網民都讚《非份之罪》嘅劇本寫得好好，尤其刻劃人性，更是帶出唔少反思位。

昨晚（7月10日）第三單元《一億殺機》來到第二集，劇情繼續反轉再反轉！聰B（施焯日飾）被發現口插甘蔗慘死後，警方先後和聰媽悅萍（陳煒飾）、聰B「嫲嫲」淑嫻（盧宛茵飾），及聰B異父異母家姐帶弟（林秀怡飾）落口供，經初步調查，由於帶弟被張家工人秋姐（區靄玲飾）指自小已甚為討厭聰B，加上聰B臨死前傳了一句「家姐我唔會再聽你講，啲錢係我嘅，我會決定點分」給帶弟，帶弟本身又正好需要200萬出國進修，令帶弟成為最大嫌疑人…不過當警方進一步調查，卻發現帶弟確實有不在證據，而案件最新嫌疑人，則突然指向得悉聰B是老公與新抱所出後、大發雷霆的淑嫻。淑嫻不但被揭發曾於案發當晚買過甘蔗兼去過探聰B，還被發現曾棄掉當晚所穿外套…

由於《非份》頭兩大單元均無限反Cup，被呃咗唔少次的網民，昨晚腦洞大開，瘋狂留言競猜誰是兇手，對於久違了的全網競猜Big Boss遊戲，網民大感過癮：「好正，可以係咁估邊個係兇手」、「好睇，個個都似兇手」、「就快懷疑晒全世界」，並爭住柯南上身預判編劇個預判：「大女邊個生（林秀怡角色）係成個單元嘅關鍵」、「要諗到12點前後咁複雜」、「咁醒諗到嘅只有律師大女」、「兩婆媳扮嘢合謀？」、「會唔會阿智（徐榮）一直係扮傻」、「早兩個單元查案的都唔係兇手，所以陳煒冇事」、「細佬個Message一定係有人假扮佢Send畀家姐」。

呢幾句對白真係好感人，阿智傻氣但懂事嘅性格，更加令人心痛。

呢幾句對白真係好感人，阿智傻氣但懂事嘅性格，更加令人心痛。

經過一整晚推理後，結果頭號嫌疑Big Boss竟是阿智及工人秋姐，網民先是破格推測秋姐真身是帶弟親婆婆，直指她服侍張家多年全因伺機幫不被允許入門的智障女兒報仇；至於徐榮，九成網民覺得他其實一直扮傻自保，加上警方調查盧宛茵（Madam Lo）時，徐榮一再補刀令Madam Lo水洗唔清，網民更加肯定他就是真兇！

秀怡預告遲啲同Madam Lo都有場好難忘嘅對手戲。

林秀怡瘦咗又靚咗，仲要演技在線，讚！

由於劇情望落個個角色都好有可疑咁，搞到網民估真兇估到頭都大。

由於劇情望落個個角色都好有可疑咁，搞到網民估真兇估到頭都大。

林秀怡自揭一開工拍戲即時肥時瘦
而自播出後不斷有角色彈出的《一億》，近年罕有在劇集演出的林秀怡，連續兩晚的演出都吸獲了高度的關注及正評！飾演律師帶弟、聰B家姐的林秀怡，不時以行政套裝Look現身，加上臉形尖了不少，獲網民大讚顏值大躍進兼好靚女！對此，林秀怡受訪時，自嘲患有「一開工即肥症」，故估計觀眾之後會不停見到她時肥時瘦：「我一收到劇本，就開始戒口，想清減少少，真係好少。不過我發現我有一個好奇怪嘅症，叫做『一開工即肥症』，如果大家見到我瘦瘦哋，應該係開拍冇幾耐嘅時間，如果見到我腫腫地、肥肥地，就係拍到中後段嘅時間，愈開工就愈腫，哈哈哈哈。」

徐榮同施焯日嘅同框戲好好睇。

徐榮就算NG緊都堅持阿智上身，好專業。

智障阿智心水最清 沉寂洞悉家中人情冷暖
林秀怡之前曾憑《是咁的，法官閣下》的律師角色黃瞳首獲提名「最佳女配角」，演技早已備受肯定。而在《一億》中，林秀怡亦將帶弟外冷內熱、對家中兩惡女無日無之「戰爭」的厭倦、對弟弟的痛錫，以及內心承受無限委屈的處境演繹得恰到好處。昨晚，帶弟夾雜著被警方高度懷疑、及懷念亡弟聰B的複雜情緒，淋著雨傷痛回憶昔日聰B落雨接自己放工的開心Moment，此時，患有腦痙攣智障爸爸阿智撐著大傘為帶弟遮風擋雨（寓意人生及現實的風雨），並憑著極細微的日常觀眾，力排眾議力撐帶弟真心愛錫細佬，阿智：「你好錫聰B，所以我拎把大遮畀聰B，等佢可以遮你，你唔使淋濕個頭好似我咁傻。」看著爸爸傻頭傻腦說出如此睿智的說話，帶弟煞是感動，紅著眼捧著阿智的面說：「老豆你好傻，聰仔都好傻。」場面相當感人。

林秀怡受訪時，坦言自己很喜歡這幕戲，並透露相隔三年、直到現在都仍叫徐榮「老豆」，並視「老豆」如偶像：「我到依家仲叫緊佢做老豆，佢真係好好，同埋我想講老豆好勁，因為要演智力障礙人士嘅難處真係好多，老豆為咗演好個角色真係做咗好多功夫，真係好佩服佢。」另tvb.com昨日上載《一億》NG片，主要內容是Madam Lo將徐榮真實與角色名字撈亂，拍攝期間不斷叫錯徐榮做「阿榮（實際角色名為阿智）」，而徐榮每次更正Madam Lo時，都是用「阿智」Tone「撒嬌」糾正：「媽媽！我叫阿智呀！」徐榮的「堅持入戲」，令網民笑破肚皮，並大讚徐榮真的好專業。

由王心慰（Amy姐）監製、翁善瑩編審的「人性反思」另類寫實劇集《森下仁丹Bifina Si益生菌呈獻：非份之罪》，逢星期一至五晚八點半翡翠台播映。主要演員有吳啟華、陳煒、阮浩棕、劉佩玥、朱敏瀚、吳偉豪、賴慰玲、何沛珈、徐榮及單立文等。

陳煒一嚟個面口就好衰，因為對住佢完全唔愛嘅徐榮。

陳煒同Madam Lo鬥惡極好睇。

陳煒同Madam Lo鬥惡極好睇。

昨晚（7月9日）是第三單元《一億殺機》第一集，由於本單元角色性格鮮明、位位主要演員包括陳煒、徐榮、施焯日、盧宛茵、李家鼎均甚有發揮，加上劇情夠癲夠破格，昨晚播出後在網絡引發極大迴響，網民大讚TVB拍出了大膽又新鮮的題材：「好耐冇睇過咁癲嘅TVB劇，好睇！刺激」、「故事推進節奏快，沒有太多枝節，睇到入晒戲」、「一集入面交代咗好多嘢」、「阿孫竟然係鼎爺個仔，真係估唔到」、「走出一貫TVB劇框框」、「真實事件改編後更懸疑，好有追看性」、「期待今個單元又係反轉再反轉」、「劇情真係幾好」、「仲要有啲寓意，反思人性」、「套劇好有新意」、「個個都演技爆發」。

陳煒同Madam Lo鬥惡極好睇。

睇吓李家鼎個樣煩到。

陳煒毒舌金句狂轟Madam Lo
昨晚一眾演員之中，獲得最多掌聲，絕對是飾演「毒舌惡新抱」的陳煒（煒哥），與盧宛茵（Madam Lo）有連場激烈嘈交戲的煒哥，與Madam Lo各自施展渾身解數，以極盡八婆嘴面、一個手指指鬼咁忟（盧宛茵）、一個嘴藐藐、面目猙獰兼叉晒腰（陳煒），齊齊上演連場「六國大封相」，其中陳煒的「冷笑」、「用力瞪眼」兼「咬牙切齒」表情，配以啜核非常的毒舌對白：「做咩呀？唔忿氣呀？你咪落去地府搵老爺追究問責囉！」簡直是一等一「惡女天花板」，與Madam lo的潑婦罵街式疲勞轟炸、堪稱絕配！網民：「陳煒Madam Lo高手過招 Super Acting！」而煒哥接受tvb.com訪問時，坦言與Madam Lo「日嘈夜嘈」好攰：「真係鬧到好攰，同埋其實要鬧同打Madam都好擔心，因為佢始終係前輩，平時我對佢都好恭敬。」

睇個樣都知煒哥係上風啦。

睇個樣都知煒哥係上風啦。

呢幕鼎爺個咆吼好逼真，隔住個Mon都Feel到佢嬲到盡頭。

剛柔並濟演技大爆發 網民高呼：煒哥值得一個視后！
雖然惡到出位，但不少網民留意到煒哥對著親生仔施焯日時，卻能完全展現溫柔狀態，大讚她忠又得、奸又得、硬又得、溫柔又得，加上顏值身材兼備，網民大讚煒哥好睇，並洗版式力推她榮膺今年視后。網民：「煒哥啲戲真係勁，忠又得、奸又得」、「煒哥好正，夠晒惡，但對住個仔又好溫柔」、「演技好，人又靚」、「真係好戲」、「煒哥值得一個視后」。

昨晚最焦點場口，則分別是李家鼎對著煩爆Madam Lo的「爆血管式瘋狂咆吼」，以及Madam Lo得番老公與陳煒出軌後、衝入殮房怒摑屍體一幕！先說咆吼位，劇情講述原本身體極度不適的建國（李家鼎飾），明明已一面病容返回家中，但仍遭發癲Mode的妻子淑嫻（Madam Lo飾）咬住唔放，誓要建國在她與阿萍之間二揀一，被煩到心浮氣躁兼極度不適的建國，最終忍不住爆seed大嗌「你收聲呀！」終極一吼後更虛脫倒地、一命嗚乎，夠晒Dramatic，網民更力讚鼎爺好戲到完全唔似做戲！而對於Madam Lo邊鬧邊怒摑出軌老公屍體一幕，網民大讚拍得勁逼真及超出預期，並認為該幕絕對是TVB劇最癲場口經典之一！

煒哥啲嘴面夠晒刻薄之餘，仲要夾雜惡形惡相同陰陰嘴，表情轉移冇得輸。

再加煒哥幸災樂禍樣，冇得輸。

呢句對白，尋晚網民又係覺得好經典。

其實除了以上，鼎爺向煒哥「霸王硬上弓」一幕，亦在網絡引發熱討，網民對於鼎爺接拍床戲大感新鮮！對此，煒哥接受tvb.com訪問時，大爆與鼎爺拍攝這場床戲時，鼎爺緊張到要吃鎮靜劑：「鼎爺同我講話佢一介武夫，從來冇拍過床戲，超驚！所以搞到心跳手震，要食鎮靜劑先掂。所以我拍嗰陣都唔可以太緊張，如果唔係佢仲驚。」

Madam Lo嬲爆摑屍呢場，好多網民話好經典好逼真。

Madam Lo嬲爆摑屍呢場，好多網民話好經典好逼真。

陳煒爆李家鼎拍呢場戲好緊張。

陳煒爆李家鼎拍呢場戲好緊張。

陳煒爆李家鼎拍呢場戲好緊張。

《一億殺機》首集劇情簡介：
昨晚《一億殺機》劇情講述村長張建國（李家鼎飾）與妻子鄧淑嫻（盧宛茵飾）表面三代同堂、生活美滿；可惜一切只是金玉其外，建國兒子張宏智（徐榮飾）智商只有8歲、孫仔張紹聰／聰B（施焯日飾）只得有限度智商，由於重男輕女，建國亦未有打算將家業傳給孫女帶弟（林秀怡飾）。

除此之外，淑嫻因心痛新抱阿萍（陳煒飾）對兒子阿智疏於照顧且態度惡劣，加上懷疑阿萍「打斧頭」及有外遇，二人經常激烈爭吵，阿智、聰B、建國全部慘成磨心…某日建國心臟病發暴斃，根據其生前立下遺囑，逾億身家將全數交予唯一男孫紹聰打點！為此大感震驚的淑嫻及阿萍，為此在建國靈堂上仍爭吵不休，最終經不起淑嫻再三出言侮辱的阿萍，爆大鑊指聰B其實是自己和老爺親生骨肉，令原本已多事的張家更加雞犬不寧，最終聰B因難頂家嘈屋閉離家出走，結果竟離奇身亡！