陳瀅「重遊舊地」勾起昔日回憶 自爆做動漫迷打破「女神」形像：我好鍾意打機

藝人陳瀅呢日出席始創中心「機動狂熱．港式情懷」活動，與港式懷舊藝術品打卡又同AI人型機械人一齊跳「鯊魚舞」互動！陳瀅笑言講懷舊會先諗起港式美食，仲要講唔停口認真識食：「我一諗起懷舊，就會先諗起美食。因為喺香港真係有好多美食，係由好多年之前到依家，都依然有好多唔同版本嘅。例如可能蛋撻啦，又或者老婆餅啦，即係呢啲都已經係好多年之前已經做出來嘅。咁到依家可能又會有個摩登（現代）版。」

陳瀅

陳瀅出席始創中心「機動狂熱．港式情懷」活動

陳瀅出席始創中心「機動狂熱．港式情懷」活動

陳瀅與港式懷舊藝術品打卡

陳瀅「重遊舊地」

陳瀅自爆愛打機

陳瀅表示以前暑假都會約朋友行街，仲會約埋家人齊齊Shopping！呢日現身商場活動「重遊舊地」，勾起佢昔日回憶：「我以前讀小學嗰陣，每年夏天我都會返嚟香港探親戚朋友。咁蹺有屋企人住喺呢個商場附近，所以每逢暑假都會成日約表姐、表哥一齊玩。當年呢度有好多遊戲攤位，玩完就上去買文具準備開學，今日返呢度真係好懷念、好多回憶，如果可以喺呢度約返佢哋就更加好！」

呢日活動主題為機動狂熱，陳瀅自爆做動漫迷，打破「女神」形像：「即係細細個我好鍾意打機，之後去識玩、打愈嚟愈多遊戲嘅時候，我唔會玩啲『好女仔』嘅遊戲，一定唔係啲『養寵物』game，反而劍擊、動作、甚至機械人對戰會仲啱我玩。」

藝人黃宗澤（Bosco）、蔡潔及陳瀅繼邵氏劇集《執法者們》後，日前再度合體到南京出席品牌活動。三位男神女神一登場即引爆全場尖叫，現場氣氛極之熱烈，眾人保養得宜的肌膚亦成為全場焦點。當日Bosco以一身黑色禮服型格登場，陳瀅身穿吊帶長裙散發獨特魅力，而蔡潔則以粉藍色晚裝亮相，仙氣十足。

蔡潔、黃宗澤、陳瀅

黃宗澤、蔡潔、陳瀅

三人一聚頭就滔滔不絕，談及現場觀眾大讚他們皮膚好，問到保養與美容心得時，Bosco金句百出，透露自己平時全靠多做運動、多出汗以及多喝湯水來維持好狀態。被問到心靈保養法時，他更幽默開玩笑稱：「對多些漂亮的女人，自己都會變靚點！」隨即氹到身旁兩位女神好開心，他又非常期待能與蔡潔和陳瀅再度拍戲，更笑言以前合作時兩人「經常不理我」，打趣希望能嘗試不同的角色組合。

蔡潔、黃宗澤、陳瀅

蔡潔、黃宗澤、陳瀅

蔡潔、黃宗澤、陳瀅

提到他早前於健身室拍攝照片上載社交網，右肩手臂一大片紫色瘀傷，更暗示中咗「七傷拳」，粉絲心痛不已，矛頭直指他的好友吳卓羲，Bosco笑說：「佢邊有咁利害吖！」傷勢其實只是舊患，現在已冇大礙，跟吳卓羲無關，純粹講笑而已。

黃宗澤

首次來到南京的陳瀅表示，此行前先到上海玩了幾天，嚐了不少在地美食。提到皮膚保養，她認為「睡眠」至關重要：「近來發現原來換個好枕頭和適合的床非常重要，睡眠質量極度影響肌膚恢復。」她補充道，自己每週會堅持至少運動三天，並結合蒸桑拿發汗，促進血液循環，由內而外調理肌膚。

陳瀅

黃宗澤、陳瀅

蔡潔、陳瀅

至於蔡潔則分享了獨到的「減壓美容法」，她認為都市人壓力大，找到屬於自己的解壓方式最能提亮氣色，例如自己平時就很喜歡與寵物玩樂。她笑言自己不是個愛喝水的人，甚至「喝太多水會頭暈」，因此主張保養不需盲從標準，找到最適合自己的生活方式即可。對於未來劇集合作，蔡潔透露常被問到會否在新劇中升級飾演Bosco媽媽，她笑言:「只要劇本好，怎樣演都無所謂」，展現專業態度。

蔡潔

黃宗澤、蔡潔

陳瀅、蔡潔

黃宗澤、蔡潔、陳瀅