沈震軒首挑戰獨腳戲兼沉浸式舞台音樂劇 自爆首場演出險「攞命」：跳到癲唔夠氣頂硬上！

沈震軒（Sammy）近日挑戰入行以來首個獨腳戲兼沉浸式舞台音樂劇《Ko's Coffee》。這次演出認真唔簡單，Sammy要全場一個人獨唱足足十七首歌，更要跟觀眾近距離交流，絕對是演技跟體能的大考驗。

沈震軒挑戰入行以來首個獨腳戲兼沉浸式舞台音樂劇《Ko's Coffee》。

Sammy指自己本身已經是音樂劇發燒友，而且十分喜歡Live Band的感覺，「雖然我唔係一個舞台劇演員，但我好鍾意現場去感受觀眾、對手嘅即場反應，從而去放一啲Energy出嚟去演戲。」加上這種project形式的劇場在香港比較少有，這部劇可說是先河，「如果做得好嘅話，希望可以帶動多啲呢個新體驗俾香港觀眾，甚至乎可以去遠啲、去唔同嘅地方演出。」

沈震軒

沈震軒

提到演出前準備，Sammy直言最大挑戰是背劇本。他自爆以前拍電視、電影的習慣，不會將劇本背到滾瓜爛熟，「以前啱啱入行嘅時候背到一字不漏、入咗血嗰隻，但去到現場，當導演或者演員有任何改動嘅時候，我就改唔到。」不過今次玩獨腳戲就大不同，因為整個氣氛要靠自己帶動，所以他都要逼自己比平時背熟多一點，「但都要留返啲空間俾自己臨場調節，睇現場氣氛同導演夾。」

沈震軒

對於這種表演形式會否壓力山大，Sammy坦言現在心態大不同，「我覺得去到而家呢一個比較成熟嘅年紀，對好多嘢反而個表演壓力冇以前細個咁大，反而會係一個enjoyment。」他更謂劇本性格跟自己十分相似，都是喜歡跟人分享，所以會抱住做Comedy show的心態，「呢個唔可以叫壓力，叫動力啦！係來自於我想點樣每場再比上一場做好啲，食中每一個笑位嘅Punch，感動位嘅Punch。」

沈震軒

不過講到蝦碌事，Sammy謂第一場演出差點「攞命」，「我第一場表演嘅時候真係用盡晒所有嘅力，放晒出嚟去做，之後發覺有問題，去到一啲位要唱歌跳舞，跳到癲、好用力去演戲嘅時候，之後唔夠氣，回唔切氣！因為獨腳戲冇得抖，好快要接住去下一個Chapter，但見到現場氣氛因為頭先個Energy推到好高，佢唔想Drop咗落嚟，所以同自己講：『頂埋落去！』」他指經過今次「教訓」，之後要重新練氣。

沈震軒

雖然過程辛苦，但Sammy話今次演出令他有全新體會，「可能我慢慢都會幾想轉為一個舞台劇演員，我覺得真係幾好玩，因為我自己都係一個歌手，舞台劇，尤其是音樂劇，近乎係將兩樣嘢combine埋一齊。」能夠同時間做現場唱歌表演及演戲，令他發現原來自己終極最想做的可能是一個音樂舞台劇演員。

沈震軒

「東張女神」梁敏巧（Maggie）日前為沈震軒執導的網劇《LIGHTMAC呈獻：不死愛美麗》擔任女主角，即時引起網上熱烈討論，特別是她的「林亞珍」造型，實在意想不到原來她相當有喜劇細胞。今日（2月27日）沈震軒正式發布網劇的下集，驚喜的是原來特別邀請到Maggie在《女神配對計劃》的對象劉啟進（Matt）客串演出，同樣是飾演專業人士，不過今次就由律師，變身成醫美「聖手」劉醫生，親自出手為Maggie分析同診斷皮膚狀況，演得非常投入。

「東張女神」梁敏巧（Maggie）近日為沈震軒執導的網劇《不死愛美麗》擔任女主角，其「林亞珍」造型驚喜爆紅，獲讚極具喜劇細胞。

沈震軒今日（27日）發布下集，神秘嘉賓終於曝光，原來是邀請了Maggie在《女神配對計劃》的追求者Matt客串演出。

當以為劇情將是醫生同顧客發展感情線，沒想到結局來個大反轉，Maggie在「劉醫生」打造之下成為索爆「女神」，最後竟然跟醫美太子爺陳衍丞（Kenneth）飾演的「不死人」司徒厲拉埋天窗。拍攝當日，Matt現場目擊二人手拖手一幕，因遷就鏡頭而NG好幾次時，更忍不住「拳頭」硬了，直接翻白眼表示：「我冇眼睇！」呷醋呷到出晒面，當導演一嗌Cut機，Kenneth即時「補飛」說：「唔好意思呀，兄弟！戲嚟㗎咋，唔好嬲啦！我會好好補償你呀，第時你同Maggie一齊拍住拖嚟LIGHTMAC做Treatment啦，全部入我數！」Matt表示今次短劇雖然凌晨時分要捱眼瞓拍攝，不過可以一過戲癮，都玩得非常開心，希望再繼續拍攝第二輯、第三輯，令他跟Maggie可以寓工作於「拍拖」，十分高興。

沈震軒自編自導自演。

Maggie在Matt打造之下成為索爆「女神」！

最後Maggie竟然跟醫美太子爺陳衍丞（Kenneth）飾演的「不死人」拉埋天窗？

在拍攝當日，Matt目擊二人手拖手一幕，忍不住「拳頭」硬了！

今次網劇非常成功，自編自導自演的沈震軒笑言：「今次劇集玩得好開心，不過我呢個『不死人』就仲係單身，見到網上反應咁好，我都好想有下集，到底加唔加番條感情線畀自己好呢？」

左起：梁敏巧（Maggie）、劉啟進（Matt）、沈震軒、陳衍丞（Kenneth）