細佬辭6.5萬鐵飯碗轉行做咖啡師遭父母鬧不孝 待業哥哥察覺1真相左右為難

一名港男近日在社交平台 Threads 上發文大吐苦水，透露家中因細佬一個驚人決定而陷入前所未有的家庭風暴。樓主表示，自己作為大哥「大半年嚟都冇搵到一份正職，老竇老母本來已經憂心到癲」，豈料細佬竟然瞞住全家，辭去一份月入高達6.5萬元的「鐵飯碗」，轉行到屋企附近做全職咖啡師，人工急跌至僅得1.5萬元。

細佬辭6.5萬鐵飯碗轉行做咖啡師遭父母鬧不孝。資料圖片

消息傳開後，老父當場氣得「拍枱開年」，痛斥細佬「讀咁多書走去做基層工，不知所謂」；阿媽更直情「喊到抽搐」，哭訴「全家嘅希望碎晒，以後都唔知點樣喺親戚面前講呢樣嘢」。面對父母排山倒海的壓力，樓主不禁迷惘發問：「細佬咁樣突然任性掉低個鐵飯碗，係咪真係好不孝？」

雖然父母「日日喺度喊苦喊忽，逼我做大哥嘅出面去勸返細佬聽話、搵返份正經工」，但本身仍未找到正職的樓主坦言「夾喺中間左右為難，真係唔知應該點處理」。他透露私底下觀察了細佬這一個月，卻發現了一個令他極度掙扎的痛心真相——這竟然是細佬「出嚟做嘢咁多年嚟，精神狀態最健康、笑得最多嘅一個月」。

細佬辭6.5萬鐵飯碗轉行做咖啡師遭父母鬧不孝。資料圖片

細佬向樓主傾訴，現在做咖啡師「唔使放工仲要 Whatsapp 覆機，唔使面對上司嘅情緒勒索」，收工時更終於能好好看一個日落，「第一次覺得自己活得似返個人」。面對「一邊係父母排山倒海嘅焦慮同安全感，一邊係親細佬好唔容易先搵返嘅條命同笑容」，樓主痛心拋出靈魂拷問：「為咗滿足父母嘅虛榮心而逼死仔女嘅精神健康，到底值唔值得？」

帖文曝光後隨即引來大批網民共鳴，紛紛為細佬抱不平。有人直指父母將壓力全壓在幼子身上極不公平，也有網民質問：「有無人關心過你細佬係咪做得唔開心？」更有人直言：「養兒唔應該係為防老，轉份低薪啲嘅工作，而唔係完全躺平已經好好。生仔嚟講，啲仔無喺出邊搞事、差人錢、問屋企拎返轉頭，已經執贏！」

細佬辭6.5萬鐵飯碗轉行做咖啡師遭父母鬧不孝。資料圖片

不少網民亦以自身「過來人」經歷大談心理健康的重要性，有人直言：「我都係讀好多書，3年前辭咗份收入不錯嘅鐵飯碗，提早廿多年退休，間中做吓低薪自由工作。照顧到自己加家用繼續有畀已 Ok。其實呢個世代放棄穩定高薪真係越來越普遍，唔係你媽咪口中咁驚世駭俗。最緊要人冇事，其他都係過眼雲煙！」

亦有過來人分享自己因壓力大而患病的慘痛教訓，勸誡大家不要等到身體出事才後悔：「我當年想裸辭，我媽話，咁咪辭囉，養返好自己身體先。最後我無辭職，3個月後因為壓力，由頭到腳生晒濕疹，睇咗半年中醫先叫好返，生濕疹嗰陣好抑鬱。所以病況，最後辭職先不藥而癒。」

除了批評自私家長的留言，亦有網民發表長篇精警回應，勸解樓主作為大哥不需要扮演「說客」去逼細佬回頭：「講真你細佬做嘅嘢需要好大勇氣。由 65,000 跌到 15,000，呢個唔係衝動，係佢深思熟慮過，寧願犧牲物質都要換返精神健康。一個人精神狀態健康、笑得出，呢啲比起份工嘅名銜同搵幾多重要好多。」

該網民續指，理解父母那一代人執著穩定和安全感，但這畢竟是細佬自己的人生，只要他能對自己的決定負責便足夠。他勸勉樓主：「你可以同父母講：『我明白你哋擔心，但佢而家精神狀態係呢幾年最好嘅。如果佢返去做份工令佢抑鬱、甚至出事，咁先係真正嘅不孝。』」

這位網民更體貼地提醒待業中、飽受家庭糾紛壓力的樓主，要先學會照顧自己：「你自己都未搵到工，壓力已經好大，唔好再攬埋所有人嘅情緒上身。每個人都要為自己嘅選擇負責，你細佬嘅勇氣，喺而家咁嘅經濟環境下，其實好值得尊重。」

細佬棄6.5萬鐵飯碗 做咖啡師

不少人以為保安是「Hea工」，但一名港男到私樓做保安暑期工時，大呻要日行30層樓梯打卡，工作似軍訓。不過，有老行家卻隔空反駁，批評只是小朋友「唔識揀盤啫」，更大方傳授心得。

一名港男到私樓做保安暑期工時，大呻要日行30層樓梯打卡，工作似軍訓。Threads截圖

該名男網民日前在Threads發文，分享自己的「地獄保安」體驗。他形容每日猶如軍訓，清晨5時15分便要起床趕車，抵達後在座頭堅守12小時，其間沒有冷氣供應，更須由30樓沿樓梯逐層下行，打遍過百個巡更卡。就連如廁都要等同事接手才能離開，手機訊號被閉路電視系統干擾，幾乎等同無法使用。他苦笑說：「返到屋企必定秒瞓，一個月得4日假，人工又低。」

該港男說，清晨5時15分便要起床趕車。AI生成圖

帖文引來大批網民關注。有人推算樓主年僅19歲，日薪僅約500元，遠低於行業水平。有同行直言：「19歲做12碼，冇一千蚊日都唔好做。」樓主無奈回應，自己曾應徵十幾份工，均因「冇經驗同太後生」被拒，最終只能接受這份低薪職位。

正當樓主滿腹委屈之際，多名資深保安前輩現身「潑冷水」，直指問題不在行業，而在「唔識揀盤」。他們解釋，私人住宅單幢式物業的管理費最低，自然無錢請人，薪酬亦最差；相反，甲級商廈、豪宅屋苑的管理費充裕，福利待遇遠勝私樓。有前輩更教路，年輕人應投身大型商場的客戶服務或活動保安崗位，「商場多活動一定唔會悶，行行企企周圍走，唔使焗喺一個地方。」

該港男說，上班要在座頭堅守12小時，其間沒有冷氣供應。AI生成圖

除了入行貼士，亦有任職物業管理的資深員工爆料，提醒外界切勿低估保安的工作量：「唔好以為大堂保安好得閒，夏天跟冷氣滴水，一座樓一晚可以幾十單，已經跟咗大半日，仲未計日常運作。」

該港男說，每日要由30樓沿樓梯逐層下行，打遍過百個巡更卡。AI生成圖

帖文亦引發對行業生態的反思。有網民批評，近年社交媒體過度美化保安工作，令不少人誤以為是荀工，「讀書做過都奇怪近排做乜係咁吹捧做保安，仲要一面倒唱好」。過來人坦言，真正好做的崗位少之又少，大部分都是悶到抽筋或辛苦到爆。不過亦有網民分享自己屋苑的「極樂保安」實況，日更伯伯坐足全日，夜更阿姐與同鄉傾偈甚至瞓覺，證明只要揀對地方，保安的確可以好嘆。