佐敦茶記食客落胡椒粉出事 鄰座大打乞嗤 兩主角高EQ「做一事」獲激讚

佐敦一間茶餐廳日前上演一幕充滿「花生味」的趣味小插曲。一名男食客在落胡椒粉時，不慎令隔離位阿叔大打乞嗤，更不幸狂噴到對方的通粉上。正當現場氣氛緊張之際，兩名涉事的叔叔輩主角卻以極高情商與驚人素養，憑著「做一事」將事件作教科書式完美處理，大度且得體的應對隨即引來網民激讚，直言這才是大事化小的完美示範。

佐敦茶記食客落胡椒粉出事 鄰座大打乞嗤 兩主角高EQ「做一事」獲激讚。資料圖片

有網民近日在社交平台 Threads 發帖，分享這段令他大有感觸的事件。他表示，有日去佐敦一間著名茶記食早餐，當時4個人搭一張枱。期間突然發生一幕小插曲：「有個阿叔落胡椒粉落兜通粉，啲胡椒粉飄到去隔離另一個阿叔度，佢忍唔住打咗個好大嘅乞嗤噴到碟通粉。」

佐敦茶記食客落胡椒粉出事 鄰座大打乞嗤 兩主角高EQ「做一事」獲激讚。資料圖片

樓主還原兩位主角面對這場突如其來的「衛生危機」極高素養的應對過程。中招的阿叔被噴到通粉後，並未即時發難，反而先開口道歉：「唔好意思，我搞到你。」然而，打乞嗤的阿叔卻展現出極高情商，連忙搶住認錯：「唔關你事，係我唔啱，我打乞嗤整到你。」兩人你一句「我唔啱」、我一句「我唔啱」，互相爭住攬責上身，場面既尷尬又充滿人情味。

細心的乞嗤阿叔沒有忽略身邊其他搭枱客。樓主接著表示，對方當時亦十分體貼：「同時佢都有問我同另一位食客有冇整到。」打乞嗤的阿叔吃完早餐後，便主動叫伙計寫單，並大方叮囑：「寫埋佢張單落我度。」臨走前，他還特意跟中招阿叔道別：「搞到你唔好意思，慢慢食。」隨後便拿著賬單走到收銀處付款。

佐敦茶記食客落胡椒粉出事 鄰座大打乞嗤 兩主角高EQ「做一事」獲激讚。資料圖片

看完全程的樓主大有感觸，坦言近日看完華富邨一宗命案的相關新聞後有感而發，感性總結道：「學識大事化小，小事化無，係一種智慧嚟。」

網民都激讚兩位阿叔主角極有素養。有人大讚：「有品加反應好快，呢啲真係值得學習。」有網民更慨嘆現今社會缺乏這種高尚人格：「品德，唔係人人有。」同時亦大讚兩人性格豁達：「睇得出兩位叔叔都有修養，都係大而化之，豁達開朗嘅樂天派。」

佐敦茶記食客落胡椒粉出事 鄰座大打乞嗤 兩主角高EQ「做一事」獲激讚。資料圖片

不少網民點出，這種和氣關鍵在於有人肯主動承擔責任：「呢啲唔係因為佢識大事化小、小事化無呀…… 係因為佢知道（肯承認／有擔當）自己理虧咋～～～～」有人則深表認同，指出人與人之間的相處很多時都是講求一個態度，只要感受到對方的誠意，事情自然能迎刃而解：「人其實都係感情動物，好多時都係講條氣Gur唔Gur，只要我Feel（感受）到你真係懊悔，真心想補救，其實已經放低咗九成，個實質補償反而係次要。」有網民亦表示：「通常用錢來解決問題，加上態度唔差，係唔會出事的。」最後，有人亦感嘆兩人的退讓讓大家都擁有愉快的一天：「忍一時風平浪靜，退一步海闊天空。」

近日天氣持續酷熱，不少市民寧願留在家中消暑都唔出街，連寵物都怕熱唔願郁。不過啟德近日就有一隻松鼠狗成為網絡紅人，佢陪住飼主現身Airside等商場時，竟然成日躺平喺地下拒絕前進，即使飼主牽繩拉扯「拖地」都唔肯起身，場面搞笑。正當網民以為松鼠狗係因為天氣太熱先至唔願行，原來背後另有玄機，而且只要飼主講出三個字「密碼」，松鼠狗便會即刻開心彈起奔跑，反差萌爆燈。

threads影片截圖

Threads自7月起就流出此隻躺平小狗相關的照片及影片，片中所見飼主是一名中年男子，幾乎每日都帶住佢去Airside散步，他們更曾到訪荃灣南豐紗廠、新蒲崗Mikiki等地方。不過大部分時間見到小狗都係「躺平」狀態，即使飼主拖行都唔肯起身，因而吸引大批路人及網民將此搞笑場面拍下上載至社交平台分享。

threads影片截圖

threads影片截圖

有網民留言笑稱「見咗佢咁多次，冇一次係用四隻腳嚟行路，每次都趴喺地下唔肯行。然後叔叔就陪佢慢慢拖住咁行，搞笑得嚟又好sweet」、「Airside夜晚一見到有嚿啡色地拖就知係佢了」、「airside多個景點」、「人哋係去放狗，佢係去拖地」、「冇一次係四隻腳行路 笑死」、「我係南豐見過佢地，一樣做地拖，原來係啟德名物」、「地板涼浸浸」、「狗形地拖」、「好cute cute」、「天氣太熱，商場地下涼浸浸」、「原來狗可以咁賴皮」、「唔想返屋企的表現」。

threads影片截圖

正當網民以為松鼠狗純粹因為天氣太熱先至唔肯起身之際，有兩名網民分享影片及與飼主叔叔對話，原來真相係因為佢已經散完步要回家，但松鼠狗唔肯走，結果躺平「賴死唔走」。不過只要飼主同佢講「去玩、繼續行」，佢就會企返起身好活躍。影片可見飼主只要說出三個字：「去玩啦」，或者數「一二三」，松鼠狗便會立即彈起身開心地奔跑，有網民見狀笑指「平時扮死狗 原來咁得意！」。

影片可見飼主只要說出三個字：「去玩啦」，或者數「一二三」，松鼠狗便會立即彈起身開心地奔跑。threads影片截圖