佐敦茶記食客落胡椒粉出事 鄰座大打乞嗤 兩主角高EQ「做一事」獲激讚

佐敦一間茶餐廳日前上演一幕充滿「花生味」的趣味小插曲。一名男食客在落胡椒粉時，不慎令隔離位阿叔大打乞嗤，更不幸狂噴到對方的通粉上。正當現場氣氛緊張之際，兩名涉事的叔叔輩主角卻以極高情商與驚人素養，憑著「做一事」將事件作教科書式完美處理，大度且得體的應對隨即引來網民激讚，直言這才是大事化小的完美示範。

佐敦茶記食客落胡椒粉出事 鄰座大打乞嗤 兩主角高EQ「做一事」獲激讚。資料圖片

有網民近日在社交平台 Threads 發帖，分享這段令他大有感觸的事件。他表示，有日去佐敦一間著名茶記食早餐，當時4個人搭一張枱。期間突然發生一幕小插曲：「有個阿叔落胡椒粉落兜通粉，啲胡椒粉飄到去隔離另一個阿叔度，佢忍唔住打咗個好大嘅乞嗤噴到碟通粉。」

佐敦茶記食客落胡椒粉出事 鄰座大打乞嗤 兩主角高EQ「做一事」獲激讚。資料圖片

樓主還原兩位主角面對這場突如其來的「衛生危機」極高素養的應對過程。中招的阿叔被噴到通粉後，並未即時發難，反而先開口道歉：「唔好意思，我搞到你。」然而，打乞嗤的阿叔卻展現出極高情商，連忙搶住認錯：「唔關你事，係我唔啱，我打乞嗤整到你。」兩人你一句「我唔啱」、我一句「我唔啱」，互相爭住攬責上身，場面既尷尬又充滿人情味。

細心的乞嗤阿叔沒有忽略身邊其他搭枱客。樓主接著表示，對方當時亦十分體貼：「同時佢都有問我同另一位食客有冇整到。」打乞嗤的阿叔吃完早餐後，便主動叫伙計寫單，並大方叮囑：「寫埋佢張單落我度。」臨走前，他還特意跟中招阿叔道別：「搞到你唔好意思，慢慢食。」隨後便拿著賬單走到收銀處付款。

佐敦茶記食客落胡椒粉出事 鄰座大打乞嗤 兩主角高EQ「做一事」獲激讚。資料圖片

看完全程的樓主大有感觸，坦言近日看完華富邨一宗命案的相關新聞後有感而發，感性總結道：「學識大事化小，小事化無，係一種智慧嚟。」

網民都激讚兩位阿叔主角極有素養。有人大讚：「有品加反應好快，呢啲真係值得學習。」有網民更慨嘆現今社會缺乏這種高尚人格：「品德，唔係人人有。」同時亦大讚兩人性格豁達：「睇得出兩位叔叔都有修養，都係大而化之，豁達開朗嘅樂天派。」

佐敦茶記食客落胡椒粉出事 鄰座大打乞嗤 兩主角高EQ「做一事」獲激讚。資料圖片

不少網民點出，這種和氣關鍵在於有人肯主動承擔責任：「呢啲唔係因為佢識大事化小、小事化無呀…… 係因為佢知道（肯承認／有擔當）自己理虧咋～～～～」有人則深表認同，指出人與人之間的相處很多時都是講求一個態度，只要感受到對方的誠意，事情自然能迎刃而解：「人其實都係感情動物，好多時都係講條氣Gur唔Gur，只要我Feel（感受）到你真係懊悔，真心想補救，其實已經放低咗九成，個實質補償反而係次要。」有網民亦表示：「通常用錢來解決問題，加上態度唔差，係唔會出事的。」最後，有人亦感嘆兩人的退讓讓大家都擁有愉快的一天：「忍一時風平浪靜，退一步海闊天空。」

一名港男近日在社交平台 Threads 上發文大吐苦水，透露家中因細佬一個驚人決定而陷入前所未有的家庭風暴。樓主表示，自己作為大哥「大半年嚟都冇搵到一份正職，老竇老母本來已經憂心到癲」，豈料細佬竟然瞞住全家，辭去一份月入高達6.5萬元的「鐵飯碗」，轉行到屋企附近做全職咖啡師，人工急跌至僅得1.5萬元。

細佬辭6.5萬鐵飯碗轉行做咖啡師遭父母鬧不孝。資料圖片

消息傳開後，老父當場氣得「拍枱開年」，痛斥細佬「讀咁多書走去做基層工，不知所謂」；阿媽更直情「喊到抽搐」，哭訴「全家嘅希望碎晒，以後都唔知點樣喺親戚面前講呢樣嘢」。面對父母排山倒海的壓力，樓主不禁迷惘發問：「細佬咁樣突然任性掉低個鐵飯碗，係咪真係好不孝？」

雖然父母「日日喺度喊苦喊忽，逼我做大哥嘅出面去勸返細佬聽話、搵返份正經工」，但本身仍未找到正職的樓主坦言「夾喺中間左右為難，真係唔知應該點處理」。他透露私底下觀察了細佬這一個月，卻發現了一個令他極度掙扎的痛心真相——這竟然是細佬「出嚟做嘢咁多年嚟，精神狀態最健康、笑得最多嘅一個月」。

細佬辭6.5萬鐵飯碗轉行做咖啡師遭父母鬧不孝。資料圖片

細佬向樓主傾訴，現在做咖啡師「唔使放工仲要 Whatsapp 覆機，唔使面對上司嘅情緒勒索」，收工時更終於能好好看一個日落，「第一次覺得自己活得似返個人」。面對「一邊係父母排山倒海嘅焦慮同安全感，一邊係親細佬好唔容易先搵返嘅條命同笑容」，樓主痛心拋出靈魂拷問：「為咗滿足父母嘅虛榮心而逼死仔女嘅精神健康，到底值唔值得？」

帖文曝光後隨即引來大批網民共鳴，紛紛為細佬抱不平。有人直指父母將壓力全壓在幼子身上極不公平，也有網民質問：「有無人關心過你細佬係咪做得唔開心？」更有人直言：「養兒唔應該係為防老，轉份低薪啲嘅工作，而唔係完全躺平已經好好。生仔嚟講，啲仔無喺出邊搞事、差人錢、問屋企拎返轉頭，已經執贏！」

細佬辭6.5萬鐵飯碗轉行做咖啡師遭父母鬧不孝。資料圖片

不少網民亦以自身「過來人」經歷大談心理健康的重要性，有人直言：「我都係讀好多書，3年前辭咗份收入不錯嘅鐵飯碗，提早廿多年退休，間中做吓低薪自由工作。照顧到自己加家用繼續有畀已 Ok。其實呢個世代放棄穩定高薪真係越來越普遍，唔係你媽咪口中咁驚世駭俗。最緊要人冇事，其他都係過眼雲煙！」

亦有過來人分享自己因壓力大而患病的慘痛教訓，勸誡大家不要等到身體出事才後悔：「我當年想裸辭，我媽話，咁咪辭囉，養返好自己身體先。最後我無辭職，3個月後因為壓力，由頭到腳生晒濕疹，睇咗半年中醫先叫好返，生濕疹嗰陣好抑鬱。所以病況，最後辭職先不藥而癒。」

除了批評自私家長的留言，亦有網民發表長篇精警回應，勸解樓主作為大哥不需要扮演「說客」去逼細佬回頭：「講真你細佬做嘅嘢需要好大勇氣。由 65,000 跌到 15,000，呢個唔係衝動，係佢深思熟慮過，寧願犧牲物質都要換返精神健康。一個人精神狀態健康、笑得出，呢啲比起份工嘅名銜同搵幾多重要好多。」

該網民續指，理解父母那一代人執著穩定和安全感，但這畢竟是細佬自己的人生，只要他能對自己的決定負責便足夠。他勸勉樓主：「你可以同父母講：『我明白你哋擔心，但佢而家精神狀態係呢幾年最好嘅。如果佢返去做份工令佢抑鬱、甚至出事，咁先係真正嘅不孝。』」

這位網民更體貼地提醒待業中、飽受家庭糾紛壓力的樓主，要先學會照顧自己：「你自己都未搵到工，壓力已經好大，唔好再攬埋所有人嘅情緒上身。每個人都要為自己嘅選擇負責，你細佬嘅勇氣，喺而家咁嘅經濟環境下，其實好值得尊重。」

細佬棄6.5萬鐵飯碗 做咖啡師