日前「同心傳承・愛滿中秋」慈善月餅活動，聯合打造「鄰舍愛心慈善月餅咖啡禮盒」，邀請藝人陳家樂現身為活動打氣，佢仲自爆自己愛食月餅，懷念傳統的味道：「我都要食月餅，我鍾意呢種傳統嘅味道，一年先得一次機會！我未俾女女食，因為佢依家就食緊啲原型形食物，我想俾佢大少少先至去試！」
陳家樂出席「同心傳承・愛滿中秋」慈善月餅活動。
陳家樂出席「同心傳承・愛滿中秋」慈善月餅活動。
活動鄰舍輔導會為受惠機構，家樂表示希望早日與愛女齊做義工，為有需要人士服務：「頭先我聽到佢哋會派月餅比基層嘅朋友，我即刻有個畫面就係可以帶埋小朋友一齊去做呢件善事，我覺得都好有意義。比佢去學吓幫下同啲長者相處，都係一個幾好嘅教育。（會肉痛佢太辛苦？）我唔會心痛呢啲嘢，我好想佢快啲去感受多啲。有時如果佢跌親，唔係受傷嘅話我都會忍住，反而陳太就會想即刻過去抱起佢！我就會話『佢都無喊，做咩要抱？』。（你同陳太邊個話事？）如果佢真係無咩大礙就真係我話事嘅，但佢一喊陳太都會衝過去抱起佢。」
陳家樂
陳家樂一家三口
陳家樂講起愛女就滔滔不絕，他表示暑假未有計劃去旅行，因為女兒即將升上N班，要為開學做準備：「其實都係玩，上堂都係想佢習慣與不同的人相處。佢平時都係黐住我哋，要學習分離。（會送返學？）依家間學校都係喺屋企附近，如果冇工作我都會送返學。平時女女如果要玩嘅話就會黐我多啲，因為佢知道搵我嘅話唔使咁早瞓，如果要嗲、要抱嘅話就搵媽咪！」
陳家樂一家三口
陳家樂昨日（10月5日）推出首支個人單曲《我們都是無名氏》，歌曲除了是他第一次推出的個人作品，更是他首次嘗試填詞。
陳家樂推出首支個人單曲《我們都是無名氏》。
觀看相關影片按連結：https://youtu.be/Ouoit2TJTzU
提到歌曲創作靈感，原來跟家樂的婚禮有關，他指寫詞期間，發現很多曾經並肩的朋友，如今已經散落在不同的人生軌跡上，有些甚至連名字都記不起，但那份曾經一起奮鬥的感覺，一直留在心中，「我諗番起開始寫名去邀請朋友嚟我嘅婚禮，發現有好多人其實我同佢已經好少聯絡，甚至只係有一面之緣，甚至可能連名都唔記得，只係嗰陣時我哋有共同嘅目標、或者一啲共同嘅奮鬥原因，大家好近，但過咗之後大家就冇再聯絡，但係喺我想邀請佢嘅時候，我已經冇辦法再聯絡佢，所以開始形成咗呢首歌嘅構思。」他希望藉住這首歌，向這班「無名氏」說聲多謝。
MV圖片
MV圖片
歌曲製作班底，家樂直言要多謝太太連詩雅（Shiga），「呢首歌係我太太幫我搵咗佢嘅朋友、音樂嘅夥伴Dear Jane嘅Howie作曲，同埋仲有一位方浩權佢幫我執返啲詞再靚仔啲，因為我填完之後發現字係啱音嘅，但好難去唱出嚟，佢就幫我執靚啲，監製係琛哥，都係Dear Jane嘅監製嚟嘅，所以好多謝佢哋去幫我完成呢件事。」
MV圖片
MV圖片
MV方面，家樂找來好友導演簡君晋幫手，二人相識多年，當年家樂第一次任電影男主角，就是由簡君晋執導，而簡君晉的首部電影，亦是跟家樂合作，「佢亦都係電影《白日之下》嘅導演，佢好耐冇拍MV㗎啦，為咗我出山，再拍MV，所以今次嘅MV對我嚟講係好有意義。」
家樂找來好友導演簡君晋幫手拍MV。
家樂坦言希望大家可以透過這首歌更了解他，：「其實我好希望大家可以除咗喺電影嘅世界見到我，希望可以憑着歌曲或者今次我填嘅詞去更加了解陳家樂係一個有啲咩諗法嘅人，希望喺將來可以再同大家有多啲機會去傾偈，同埋我都好希望日後有機會成為到人哋嘅『無名氏』，可以俾到一啲鼓勵同大家一齊去前行，繼續努力。多謝大家。」
MV圖片
MV圖片
家樂坦言，今次跳出演員嘅身份，用音樂跟大家見面，是一個很大的嘗試，希望大家可以透過這首歌更了解他，「我好希望大家可以除咗喺電影嘅世界見到我，亦都希望可以憑着歌曲或者今次我填嘅詞去更加了解陳家樂係一個有啲咩諗法嘅人。希望喺將來可以再同大家有多啲機會去傾偈，同埋我都好希望日後有機會成為到人哋嘅『無名氏』，可以俾到一啲鼓勵同大家一齊去前行，繼續努力。」
MV圖片
MV圖片
