香煎三文魚飯賣60蚊網民嫌貴 店家霸氣反擊：唔啱咪唔嚟囉！

香港地百物騰貴，買個飯盒動輒都要五六十蚊起跳，想食得平就只有幫襯快餐店或者兩餸飯，但對於追求健康飲食的朋友來說，選擇空間似乎又窄咗啲。最近，一間本地食店在社交平台Threads高調宣傳一款專為「健康、運動人士」而設的「香煎三文魚飯」，豈料餐點份量與售價曝光後，隨即引來大批網民圍攻，直斥「細夾唔抵」，更有人將之與快餐店同類產品比較，結果惹來店家霸氣反擊，一句「啱咪嚟囉，唔啱咪唔嚟囉」掀起熱議。

網上圖片

從店家上載的照片所見，這份索價60蚊的香煎三文魚飯，賣相可謂相當「精緻」——一個拳頭大小的白飯、三大粒西蘭花，再加上一塊煎三文魚，營養價值固然滿分，但份量卻令不少網民搖頭。有網民直言「得3舊西蘭花？三文魚咁細條？60蚊喎」，更有人揶揄「加隻蛋會唔會無咁慘」，認為以這個價錢來說，性價比實在偏低。

網上圖片

最令店家不滿的，是有網民將這份三文魚飯與同樣主打健康餐的快餐店作比較，認為無論份量還是價錢都輸蝕，狠批「搵笨」。面對排山倒海的負評，店家隨即在IG Story發文反擊，強調「60蚊食個100g三文魚餐，邊度貴？」，更霸氣拋下一句：「即係大家有要求係正常嘅，最好添，啱咪嚟囉，唔啱咪唔嚟囉」，態度相當強硬。

網上圖片

雖然店家的霸氣回應被不少網民解讀為「惱羞成怒」，更有人預言「咁嘅態度好快執」，但店家似乎化悲憤為動力，連日來頻頻推出新品，包括同樣賣60蚊的「巨大化照燒雞扒蛋包飯」，以及65蚊的「即燒澳洲牛肉飯」。

網上圖片

從相片所見，這兩款新品的份量明顯比三文魚飯豐盛得多，難怪有網民笑言「極度懷疑出三文魚飯係用嚟吸流量再襯托其他飯」、「今次就差唔多，點解同三文魚爭咁遠」。不過，亦有網民直言「見到你咁樣爆粗X threads友，即刻唔會幫襯」，看來這場「三文魚飯風波」還未完全平息。

邁入炎夏，本港不時會迎來暴雨，天文台需要發出黃色、紅色甚至黑色暴雨警告信號。而日前有網友在網上分享一件紅雨生效期間令人哭笑不得的職場奇聞，該網友指，一位剛剛畢業的新同事，竟然出動母親大人親自致電上司，成功為自己爭取到「紅雨假」，令全公司同事都驚嘆不已。

紅雨。資料圖片

該名網友在threads撰文分享，指日前紅雨警告生效期間，一位新入職的同事在公司WhatsApp群組中率先發問：「紅雨係咪要返工？」上司隨即截圖HR通告回覆，清楚列明公司規定只有黑雨才不用上班。然而新同事並未就此罷休，繼續回應：「但我呢邊真係好大雨，我屋企人話紅雨唔使返…」上司雖然對情況表示理解，但依然強調公司規矩，不過也體貼地補了一句：「慢慢返，唔急，最緊要安全！」

示意圖片

《愛回家》劇照。示意圖片

當所有人以為事情就此告一段落時，上司突然便接到該位新同事的來電，而電話另一端傳來的並非新同事的聲音，而是其母親。這位母親在電話中「連環出擊」，語氣堅定地為孩子爭取權益：「我明你哋公司規矩，但規矩係死㗎，人係生㗎嘛！我覺得俾xxx放假會好啲，一陣淋濕咗，全身濕晒返到公司，冷氣吹親又要病、最後都會病假…不如咁啦，今日俾佢Work from Home啦…」

《愛回家》劇照。示意圖片

面對這番情理兼備的「談判」，上司最終被對方的舉動嚇到，無奈之下同意讓該名新同事在家工作。不過收線之後，上司對整件事感到哭笑不得，直言自己「好似變咗班主任」。其他同事得知後也紛紛開玩笑：「下次我又叫阿媽打嚟幫我請假先！」

事件曝光在網上掀起熱議，不少網民紛紛分享類似經歷：「曾經我公司嘅一個intern嘅屋企人打電話俾我阿姐（上司），問可唔可以紅雨唔使返公司，阿姐即刻就答應，仲同佢講『冇問題安全梗係最緊要啦，請你嗰位公子留喺屋企，今日唔使返公司，叫佢好好休息』，佢阿媽勁開心係咁多謝阿姐，轉頭我阿姐就叫HR出咗封信叫佢以後唔使返。」、「所以而家00後阿媽代要求wfh，我一啲都唔驚訝。」