Aska張馳豪新歌《樂活道》挑戰自己講男女關係 發住高燒頂硬上拍MV

Aska張馳豪推出全新單曲《樂活道》，作為他第三首跳舞歌今次一於「變曳」去突破自己。MV有600萬粉絲的網紅貓爺客串，而Aska與女主有火辣貼身舞，更有近距離親密鏡頭，畫面挑逗得讓人看得心癢癢。

Aska推出全新單曲《樂活道》。

觀看相關影片按連結：https://youtu.be/KQFdFlwb3sQ

雖然Aska在MV中型仔兼表情殺食，但當時他原來抱病上陣，開拍前還要食退燒藥，他說：「連續幾日發燒，今次真係頂硬上！好耐未試過病到咁嚴重，平時我都唔睇醫生，之前小病都係食成藥休息下就好，但係今次真係太辛苦。」

Aska張馳豪

Aska張馳豪

雖然身體抱恙，但Aska沒有怠慢，為求有好表現前一日仍在加緊排舞，他說：「今次隻舞好多footwork，練咗2、3個禮拜，對我嚟講係個新挑戰。（你病住仲咁chur夠唔夠休息㗎？）休息都夠嘅，呢幾日盡量瞓多啲，同埋有戴Sleep Tracker（戴睡眠追蹤器） ，佢話我呢兩晚係特別差，雖然瞓嘅時間好多，但係壓力高又深度睡眠好少，佢都真係幾準，哈哈！」他續說：「今次MV仲要拍到凌晨，都係靠腎上線素頂住撐住，只要一唔roll機我就休息保留體力。」

Aska張馳豪

Aska張馳豪

今次新歌《樂活道》給聽眾一種夜晚的氛圍， MV特意到尖沙咀的酒吧取景，而且要與女主角親密互動，被問到會否會否尷尬或者事前要破冰熱身？Aska說：「冇特別點熱身，大家都好專業，一埋位就根據導演要求去演。」Aska又分享為甚麼新歌會選擇這個主題，他笑言：「因為公司話我唔夠曳，覺得平時個形象太死板！我就諗點樣可以突破自己，俾個新鮮感大家呢？所以主題上就直接啲，有一個對象喺入面，歌詞係向嗰個對象講嘅嘢，而對方又想同我發展，一齊去探索呢段關係。」

Aska張馳豪

Aska張馳豪推出全新單曲《我開始看明呢下》，有別於年頭《一個人的生日歌》的哀傷，亦不同於《樂活道》的性感狂野，新歌曲風輕快鬆馳，有一種放開不再執著，照顧好自己才有氣力繼續探索前面的路。

Aska張馳豪

今次MV是Aska的新嘗試，初嘗可愛的反差萌風格，他說：「MV故事係講我擺脫日常工作嘅枷鎖，去到異世界旅行遇到一個知心友，雖然佢個樣係一隻怪獸，但係佢帶住我探索世界的不同角落。最後去到沙灘嗰一幕就終於釋放，拋開晒所有壓力終於釋懷。」

Aska張馳豪

Aska張馳豪

新歌《我開始看明呢下》由舒文監製，Aska回想起舒老闆在錄音時希望他以一個過來人的身份去唱，他說：「經歷過感情上、事業上、關係上的事情，之後睇明咗，明白到唔需要咁執著，將事情放到咁大。有啲事情喺當刻你會覺得好重要，但回頭睇返，其實只係你生命中嘅一個插曲。」

被問到如何演繹這種豁達的態度，Aska分享自己出道幾年的心態轉變，他說：「雖然到依家每一次大型重要嘅演出，我都係仲會好緊張，但呢幾年嚟經歷過不同演出，依家會學識調節自己心態或者梳理自己嘅情緒。」他續說：「依家整體心態佛系啲，對事情嘅反應唔好咁大，遇到問題會去諗解決方法，抽離啲去睇事情，令自己思路清晰啲，唔會咁易內耗。」

Aska張馳豪

Aska張馳豪