Lester藍奕持新歌《純》懷念童年簡單的愛 與媽咪分享無聊日常 講廢話維繫感情

寰亞唱作歌手藍奕持（Lester）全新派台作品《純》MV上架，由Bryan Chiu 作曲、黃偉文填詞、蘇道哲編曲與監製。來自馬來西亞的Lester，隻身在香港讀書和出道做歌手，靠與媽咪「講廢話」和分享無聊日常維繫感情，舒緩孤獨感。

寰亞唱作歌手藍奕持（Lester）推出全新派台作品《純》，由黃偉文填詞、蘇道哲監製。

來自馬來西亞的他獨自來港發展，新歌反映其內心世界，嚮往義無反顧的愛。

新歌《純》正好反映Lester的內心世界，他說：「呢首歌講緊我嚮往嗰種義無反顧嘅愛，因為細細個付出或者接收愛，都好簡單直接。但長大後多咗啲嘢，例如責任感。今次MV喺一間空蕩蕩嘅房間拍攝，望出窗外，睇到飾演童年同埋少年版嘅我。我曾經成日覺得自己接收到嘅愛好唔足夠，就算有，都有距離，可能因為同家人、以前嘅朋友唔喺同一個地方。後來明白，即使有距離都可以去表達自己嘅愛，亦感受到對方畀自己嘅愛，慢慢就釋懷咗！」

他自言被「I Love You」養大，與家人經常攬攬錫錫，長大後變得內斂，加上分隔兩地，靠與媽媽分享無聊日常、講廢話舒緩孤獨感，煮飯影相傳給媽媽正是其示愛秘方。

MV在空房間拍攝，展現童年與少年回憶。

Lester自言被「I Love You」這三個字養大，與家人經常「Love」來「Love」去，與媽媽更常常攬攬錫錫，但長大後反而變得內歛，加上他與家人分隔兩地，難以直接面對面表達愛，心裏漸漸感到孤獨。不過，Lester終於找到「解藥」，他說：「當屋企人年紀漸老，對佢哋嘅愛多咗份責任感，唔再係我被照顧嘅愛，而係要孭起照顧佢哋嘅責任。嚟咗香港生活，我自己住，靠同媽媽講好多廢話去舒緩孤獨感。有時候自己煮完飯影一張相分享畀佢，咩都冇講，有時係啲好奇怪、好搞笑、好瑣碎嘅事。」分享無聊日常，就是Lester向媽媽示愛的獨門秘方。

MV其中一件道具是Lester的日記，團隊非常細心，將新歌《純》的歌詞、文案、他曾推出的唱片封面、樂譜、創作筆記等，寫滿日記內，Lester認證與他本人真實的日記的內容相似。不少Fans都表示期待Lester寫廣東話歌，他說：「其實我有試吓寫，因為寫咗好多年英文歌，都想有啲新鮮感，不過先學好廣東話先，俾啲時間feel到個韻味，然後融入落自己嘅作品度。」拍攝當日，Lester拍了很多即影即有相留念，並透露親簽後透過網上分享平台送給Fans。

他表示正嘗試寫廣東歌，盼先學好語言韻味。

一年一度「寰亞音樂」School Tour又開鑼了！今年主題為「MUSIC ON CALL」，吸引大批學校熱烈參與。今年由「仙氣女神」雲浩影（Cloud）率領首次參與School Tour的新人師弟藍奕持（Lester），穿梭港九新界的學校，為同學仔又唱又玩。第一天早上團隊先到屯門香港專業教育學院（IVE），下午轉戰港島區的聖類斯中學；第二日早上則抵達青衣IVE，下午移師沙田大圍五育中學，更邀得陳健安（安仔）加盟助陣，令現場氣氛更為高漲，同學仔玩遊戲非常投入。

寰亞音樂年度School Tour今年以「MUSIC ON CALL」為主題，由雲浩影（Cloud）率領首次參與的師弟藍奕持（Lester）穿梭港九新界學校，陳健安（安仔）亦加盟助陣。

這次的歌單滿滿心思，專為同仔度身打造。Cloud率先以人氣作品《回憶半分鐘》帶起全場氣氛，接著以《別畏高》鼓勵同學們勇敢向前衝。唱作歌手Lester以往多創作英文歌，加盟「寰亞音樂」後推出首支廣東歌溫馨小品《少甜》為活動暖場，隨後藉著新歌《純》寄語同學不忘初心、保存純真。兩人更合唱了Cloud的《我想和你虛度光陰》和大師兄馮允謙的作品《All That I Want》。台下同學們反應熱烈，Cloud和Lester更跑落與同學們握手和自拍，全場打成一片。

到了第二日下午安仔現身助陣，演唱《在錯誤的宇宙尋找愛》後，抽出同學仔上台玩「唱歌詞中有『如果』的歌曲」鬥多遊戲。台下同學仔紛紛熱烈「提水」，緊張刺激，最終由安仔隊勝出。安仔隨後獻唱新歌《仙女座事故》，並跑落台與同學仔零距離接觸，握手、簽名、合照，有求必應，更應現場同學點唱清唱《好好掛住》和演唱《戀愛腦之死》。

Cloud以《回憶半分鐘》及《別畏高》帶起氣氛。

Lester獻唱首支廣東歌《少甜》及《純》，寄語同學保存純真。

安仔在台上感性分享：「我中二、中三開始參加學校歌唱比賽，一直追自己好喜歡嘅嘢，唔覺唔覺唱咗差唔多20年，就係由學校禮堂開始，如果你哋有咩好想做，呢一刻就可以開始，堅持自己喜歡做嘅嘢一直走落去。」全場熱烈歡呼。特別是即將面對公開試的中六同學仔，安仔貼心打氣：「嚟緊你哋考DSE加油，如果溫書好攰就去聽歌、食嘢、瞓吓覺、耍吓廢！」活動尾聲，三人合唱《之後的一天》以歌聲鼓勵學生尋找專屬方式減壓。

首次參與School Tour的Lester心情興奮，說：「見到啲同學仔玩得開心我都好開心，仲有Cloud帶住我，多謝大家同我一齊玩！」Cloud和安仔則齊聲歡迎他加入，Cloud首次以「師姐」身份帶領Lester表演，坦言心情難免有點緊張，她笑言：「今次第一次做『大』，以往跟住啲大佬，今次更有責任感同埋使命感！」

安仔除獻唱新歌《仙女座事故》，又與同學玩遊戲兼分享追夢經歷，鼓勵大家堅持喜歡的事，並為DSE考生打氣。

安仔好奇問及兩人之前幾站與同學玩遊戲的戰績，Cloud透露自己贏了兩場，笑說：「唉，今朝輸咗，狀態唔係幾好。」而僅參加一場便獲勝的安仔被封為「遊戲王」，他則謙稱這全是同學仔的功勞。眾人表示，最開心的莫過於見到同學仔玩得盡興、投入，並期望接下來能到訪更多學校，將音樂正能量傳遞給每一位學生。

他們興奮表示「寰亞音樂」School Tour現正再度開放申請，歡迎全港各學校及同學仔踴躍參加，想讓歌手們帶着音樂和歡樂突襲校園，火速去Instagram DM「寰亞音樂」（@mediaasiamusic）查詢及報名！

三人最後合唱《之後的一天》作結，活動現再度開放學校申請。