由王心慰（Amy姐）監製、翁善瑩編審的「人性反思」另類寫實劇集《森下仁丹Bifina Si益生菌呈獻：非份之罪》，逢星期一至五晚八點半翡翠台播映。主要演員有吳啟華、陳煒、阮浩棕、劉佩玥、朱敏瀚、吳偉豪、賴慰玲、何沛珈、徐榮及單立文等。
（左）曾海昌、伍禮騫
昨晚（7月24日）一集《骯髒的子彈》相當貼題，黃世龍（鄭子誠飾）離奇被殺後，兇器手槍繼續「神奇之旅」，輾轉落入芳姐（江欣燕飾）、錢大富（單立文飾）、芳姐、麗莎（譚凱琪飾）、「白頭殺手」（鄔嘉駿飾）、芳姐，再返回「白頭殺手」手上，就在「白頭殺手」準備殺芳姐滅口時，卻因子彈表面有咖喱漬「Kick住」「Kick住」未能成功發射，令芳姐神奇地挽回一命！
佢哋兩個講金句時，肉緊到爆晒青筋。
兩個都好有喜感。
至於兩大奸角，黃世龍及錢大富則分別死於被殺及意外，而錢大富的死更是相當諷刺，日防夜防被暗殺的他，最終在安心一刻，死於隔籬房住客麗莎意外走火的子彈，子彈穿越牆壁後變成碎片穿透錢大富大腿內側、再導致其心臟接駁器爆炸，極之離奇！
譚凱琪嘅「港女」嘴面，正！
呢句金句好絕。
譚凱琪一秒變兇狠好入戲。
譚凱琪金句：你出去偷食就得，我打卡就唔得架？
昨晚「貪心清潔姐姐」江欣燕及「拜金人妻」譚凱琪的表現均相當亮眼，二人還有不少破格對白！先說譚凱琪，打卡成癮的她，為了入酒店最Top房間打卡、竟不惜與單立文扮有染，令「老公」翟威廉誤以為自己戴綠帽，在二人爭執期間，譚凱琪一面刁蠻大拋「貪慕虛榮」金句：「你出去偷食就得，我打卡就唔得架？」不過論到最impressive，還是譚凱琪在翟威廉發夢場口，一秒溫柔變兇狠說出：「我心裏面淨係得你一個咋，所以我好想攬住同你一齊死啦！」情緒轉換之快令網民甚為驚艷。
江欣燕金句：除咗陰屍紙，我都冇見過咁多個位嘅支票呀！
至於向來演喜劇有一手的江欣燕，面對手槍一再如陰魂般返回自己手上，以《家有囍事》經典對白「乜又係你呀，陳生？」表達無力及震撼感已是喜感十足。另無論當江欣燕拿著100萬銀碼支票，雙眼發光說出：「除咗陰屍紙，我都冇見過咁多個位嘅支票呀！」，或是面對目睹100萬支票被逼「化為烏有」的緊張及無奈，均相當好戲，某程度反映了小市民面對突如其來的「不法橫財」得而復失的狂喜及狂悲心情，絕對有血有肉。另值得留意的是，江欣燕在劇中和張彥博的「一唱一和」和「相遇相知」，喜感火花默契兼備，獲網民大讚是意想不到的最佳拍檔。
江欣燕呢句對白，係咪見字有聲呢？
貪錢樣好正。
貪錢樣好正。
神同步保鏢保清白金句：身為一個專業嘅保鏢，係絕對唔可以飲酒架
除了主角，本單元的配角亦各有各精彩，當中最令人印象深刻的，要數憨直搞笑兼而有之的「花生保鏢2人組」曾海昌及伍禮騫。身為單立文貼身保鏢的二人，由於誤會豹哥有「易服癖」及真‧亂搞男女關係，原本食晒花生的兩位，在連番錯摸下開始擔心「貞操不保」；為了自保，二人想盡辦法、兼默契十足地拒絕豹哥所有埋身邀請，其中一幕二人驚驚青青地齊聲講出：「身為一個專業嘅保鏢，係絕對唔可以飲酒架」喜感大爆發，成功吸獲網民關注！
值得留意的是，曾海昌及伍禮騫私下都是大隻仔兼天生一副好身手，曾海昌2011年透過參加《功夫新星》入行，擅長功夫是詠春，並曾奪得世界健身先生銀牌。至於伍禮騫則是2016年《香港先生選舉》十強人馬，入行後憑藉健碩身形與開朗形象成功入屋，並因在《愛·回家之開心速遞》中飾演蝦蝦霸霸大學生「子丹」而為觀眾熟識。
由王心慰（Amy姐）監製、翁善瑩編審的《森下仁丹Bifina Si益生菌呈獻：非份之罪》，星期五（7月31日）播出最終單元《恐怖情人》大結局！
《非份之罪》昨晚（31日）播出大結局，最終單元《恐怖情人》揭開真兇竟是外表溫柔的Angie（劉佩玥飾）。
Davis（阮浩棕飾）
《恐怖情人》大結局亮點，絕對是女主角劉佩玥（阿Moon）長達20分鐘的崩潰控訴戲碼！經過反轉再反轉，昨晚驚揭殺死靈媒Sylvia（余思霆飾）及網紅Liz（何沛珈飾）的真兇，竟是外表溫柔嫻淑的Angie（劉佩玥飾）。
事緣Angle因為設局陷害Davis媽咪（黎燕珊飾），反露出破綻引發Davis懷疑！為了引爆Angie真面目，Davis特意在親熱時叫錯舊愛Sylvia名字，成功令Angie嬲到眼凸兼成個彈起，失控爆喊的Angie，怒摑Davis的同時，還不斷歇斯底里喪鬧兼刀指Davis，情緒既反覆又激動。混亂間，Angie意外刺中家中毛公仔，結果掉出Sylvia人頭，大受衝擊的Davis嚇到即時作嘔！
阿Moon上演長達20分鐘的「淚之自白」，情緒遊走於委屈、癲狂暴怒與絕望之間，眼神空洞失焦，聲線極具感染力。
獲網民激讚「令人相信Angie真係癡咗線」。
情緒遊走委屈心痛癲狂暴怒之間
在這段長達20分鐘的「淚之自白」中，阿Moon經歷了幅度甚大的情緒過山車，既有「得不到愛」的無力感、自怨自憐的委屈感、暴風式的震怒，還有扭曲式的憎恨及妒忌；為了配合角色的情緒起伏，阿Moon除喊出「河流式淚痕」，聲線亦是遊走於絕望、痛心、憤怒與癲狂之間，當中尤以絕望時釋出的空洞失焦眼神最大感染力，令人確切感受到其生命在枯萎，演技極之亮眼。另Angie對於死者Sylvia及Liz，以及Davis媽咪的「歪理級指控」，亦是句句經典，完全符合網民神劇標準：「我冇錯，錯嘅係佢哋」、「我覺得佢係抵死架」、「你阿媽想日日同你一齊吖嘛，我就要佢永遠都失去你」，當中最令人心寒一句，是她解釋為何要鋸掉Sylvia的頭：「Sylvia你覺得佢靚吖嘛，我就要切佢個頭落嚟擺喺呢度，我要佢日日望住我哋有幾咁恩愛」、「我要佢死都死得唔眼閉！」
其實與陳煒在《一億殺機》中的角色一樣，阿Moon飾演的Angie原本也能開心簡單地生活下去，無奈因為對Davis執念太深，反覆的「我只係唔想冇咗你」、「點解唔係咁樣嘅」以及「我人生最錯嘅事就係不惜一切咁愛你」極端想法，最終令她走上絕路，毁掉了兩條寶貴生命的同時，亦親手摧毁了自己的人生，以及自己最執著的愛情。昨晚結尾，亦憑藉一個心口上的胎痣，揭出了童養媳的真正身份是Angie，《恐怖情人》單元正式淒美落幕。
對於《非份之罪》圓滿落幕，網民大感不捨，搞笑大嘆：「點解《非份之罪》會完！」，更有網民妙想天開，希望已退休的監製Amy姐與編劇能添食再拍第2季！網民昨晚絕對是「讚不絕口」，並大大力嘉許了《非份》幕後：「文戲情緒張力好澎湃，亦感受到劇情推進，實屬令人眼前一亮嘅新嘗試」、「Shout Out To All編劇」、「好耐冇試過睇電視睇到咁緊張」、「這個戲真心好睇」、「真係今年暫時睇過最好睇嘅劇集，肯用新人，配搭有驚喜，劇本夠精彩，絕對係佳作」、「睇完心情久久未能平復，太震撼，真係好難想像套戲咁好睇」、「令人窒息的愛」、「未到最後都唔知邊個係童養媳再世攞債」、「仲以為周家少爺嘅故事係老作，原來係真」、「非份之罪係近年TVB懸疑劇世一」、「今晚呢集絕對配得上全劇大結局。」
為配合角色，阿Moon刻意在後段轉變濃艷妝容象徵「愛情」漸近。
何沛珈全程陪伴助她投入情緒。
網民讚Moon演技有說服力：令人相信Angie真係癡咗線
至於阿Moon昨晚的Solo擔網演出，亦贏得了不火好評：「真係做得好好，好自然，唔浮誇，睇到都覺得佢值得同情」、「完全感受到女方愛到完全失去自我」、「阿Moon呢Part真係好刺激」、「佢令人相信Angie真係癡咗線。」
另值得留意的是，為了配合劇情，阿Moon角色的妝容前後有明顯變化，在起初出場時，賢妻Feel爆燈的阿Moon、衣著妝容均偏向淡雅風，而到了後段劇情，阿Moon的妝容明顯偏向濃艷，原來這些都是阿Moon的專業小心思，阿Moon受訪時說：「真係冇諗過大家會發現到Angie個妝嘅唔同及轉變，本身呢樣嘢純粹係我嘅小小設計同輔助等自己入戲啲，Angie愈多打扮，愈多小心機，就好似象徵住佢同佢所諗嘅『愛情』愈近。」
談到20分鐘崩潰控訴戲（中間加插回憶部分），Moon透露即使是回憶獨白部分，為了讓觀眾看起來一氣呵成，她選擇在現場一次過順演，不靠後期配音，再顯專業一面：「其實呢場戲對我嚟講真係好大挑戰，拍之前我應承我自己我一定要將劇本全部對白同VO獨白內容喺現場一次過演出嚟，因為如果後期配音講獨白，有機會情緒同聲線演繹會唔接，所以一路演一路講一路爆真係好好玩。真係好想多謝導演、攝影師同所有幕後製作團隊配合，大家好畀心機喺唔同角度去拍、先可以好流暢咁畀我演繹到，所以呢一幕係大家合作嘅成果。」
網民大讚劇集是「近年TVB懸疑劇世一」，更敲碗開拍第二季。
感激何沛珈通宵力撐陪伴
Moon又感激在相關場口佔戲不多的何沛珈，全程在現場陪住幫助她投入情緒：「好多謝好多謝Amy姐畀呢個機會我，佢真係好叻好厲害，係我一位好尊敬嘅老師，能夠喺佢退休前參與到佢呢套劇，與有榮焉！當然仲要多謝我嘅好拍檔浩棕，唔知點解一望住佢，諗住我哋兩個角色經歷嘅嘢，我就瘋狂到收唔到聲。好多謝珈珈，因為我有個位好需要佢畀我望住嚟演，佢就全程陪住我去幫我（投入），所以一定要多謝珈珈。」何沛珈受訪時亦坦言為幫Moon Moon打氣，只有數秒戲份的她，亦在拍攝現場留足全程，果然好姐妹。
