謝賢離世丨謝霆鋒喪父後青島開騷 仰望天空照網民直呼心酸

謝霆鋒送別父親謝賢「頭七」後，敬業返回內地，今晚（7月25日）於青島舉行《進化演唱會》，是喪父後首度公開演出。他在社交平台分享多張綵排照片，身穿黑色T恤、頭戴鴨舌帽及太陽眼鏡，手持電吉他全情投入，其中一張更站在巨型星球模型上懸吊半空，場面壯觀。雖經歷喪父之痛，他仍表現專業，秉持父親「The show must go on」態度。

香港影壇傳奇「四哥」謝賢本月16日因肺炎與世長辭，享壽89歲。

謝霆鋒送別父親謝賢後，今晚（25日）於青島舉行演唱會，是喪父後首度公開演出。

照片中他遙望天空，令不少網民及圈中人留言為他加油打氣，場面感人。面對網上謠言，謝霆鋒日前透過公司發嚴正聲明，斥責捏造死因及遺產分配等虛假資訊，強調將依法追究，維護父親最後尊嚴。

霆鋒在社交平台分享綵排照，身穿黑衣黑帽，手持電吉他全情投入，秉持父親「The show must go on」態度專業演出。

仰望天空的照片令網民動容。

張栢芝同謝霆鋒的大仔謝振軒（Lucas）轉眼已經18歲，由昔日嘅小朋友正式升呢做型男。今年Lucas更踏入人生新階段，正式入讀澳洲頂尖的澳大利亞音樂學院（AIM），主修音樂。

Lucas轉眼已經18歲

小時候很可愛

貴為星二代，Lucas一舉一動自然備受關注，不過佢私下生活一向相當低調。近日就有網民喺內地一間大牌檔「野生捕獲」Lucas，見到佢同好友圍坐喺簡單嘅餐枱食飯。

早前都被捕獲過去平民餐廳食飯

餐枱上冇咩豪華美食，反而只見幾碟平價家常小炒同汽水，一班人食得相當開心，氣氛熱鬧。Lucas當日身穿簡約休閒服，頂住一頭自然微捲短髮，面對周圍路人目光依然表現得相當淡定，完全冇避忌。

今次就喺內地一間大牌檔食飯

呢種貼地作風隨即獲網民激讚，認為Lucas雖然自細喺鎂光燈下長大，但依然相當接地氣，冇架子之餘亦相當自然。

從側面望過去，Lucas擁有高挺鼻梁、分明眉骨同利落輪廓，五官輪廓相當突出，被指完美遺傳爸爸謝霆鋒媽媽張栢芝嘅靚樣。甚至有網民認為佢散發住幾分陽光氣息，18歲型男感直接拉滿。

Lucas由細靚到大

就連食飯期間夾餸嘅動作都被捕捉到，有網民形容Lucas舉手投足間帶住一股瀟灑霸氣，連夾菜都夾得相當豪邁。