深水埗Cafe請廚師月薪僅13K 工作範圍竟包埋洗廁所 網轟：好X癲

市道低迷，唔少小店為咗慳錢，真係乜嘢招數都諗得出。最近有網民發現，一間位於深水埗主打西日菜系嘅Cafe，喺網上招聘平台出Post請全職廚師，但開出嘅條件同福利就離譜到令人側目，引嚟大批網民圍插，直斥「好X癲」！

網上圖片

呢間Cafe對廚師嘅要求，認真唔惹少。招聘廣告列明，應徵者需要「需凍、熱甜品經驗、需懂汁水改肉、手工Pizza、手工意粉、法式精緻甜品、成本控制」，單係呢堆手藝，已經唔係普通廚師可以應付得嚟。但最令人震驚嘅係，呢份工嘅工作範圍，竟然遠遠超出廚房。

示意圖。AI生成圖片

廣告寫到明，廚師「有時需要幫手招呼客人（落單收檯）」、「需幫忙洗碗碟餐具」，更甚嘅係，仲要「每星期幾日幫忙簡單清潔公司廁所」。換句話講，呢位廚師唔單止要煮得一手好餸，仲要身兼侍應、洗碗阿姐同埋廁所清潔工，簡直係「一腳踢」嘅終極版。

示意圖。AI生成圖片

示意圖。AI生成圖片

至於員工福利方面，就更加令人睇到眼都凸。呢份全職廚師嘅月薪，竟然只得13,000至14,000。所謂嘅「福利」包括：「每天免費員工餐（可用當日客人剩下但未污染的食材自行烹調）」、「每日一次85折優惠購買公司咖啡」、「大假5天+勞工假+ 4天例假」。驟眼睇好似有免費員工餐，但仔細一睇，所謂嘅「免費餐」，竟然係要用「客人剩下但未污染的食材」嚟自己煮，即係要食人哋食剩嘅嘢，認真離譜。

示意圖。AI生成圖片

呢個招聘Post一出，即刻喺網上引起熱議。大批網民睇到眼火爆，紛紛留言怒轟：「好X癲」、「一腳踢，黐線」、「人工仲少過做保安」、「廚師煮嘢食之餘又要洗埋廁所」、「仲要有經驗，呢啲店快啲執笠算，狗屎垃圾都開間店」。亦有網民直言：「仲要得咁嘅人工，簡單啲做個侍應算啦」

近日有清潔公司管理層在Threads發帖，分享一次「微服出巡」的遭遇。話說他日前親自駕駛垃圾車到公屋收集廢物，其間一名婦人當住佢面，手指指對住小朋友大聲訓話：「畀心機讀書，如果唔係就會好似佢咁，要倒垃圾又賺唔到錢。」

近日有清潔公司管理層在Threads發帖，分享一次「微服出巡」的遭遇。Threads截圖

事主隨後在帖文公開真正身份，原來他不單止「讀過書」，更是公司部門主管，手下管理超過一百部垃圾車。他平時「開跑車返工放工，住私人樓宇，已經供斷」。當日只因有同事臨時有事，他想幫輕下屬先親自頂替出車，點知一番好意竟被當成「反面教材」。

當日只因有同事臨時有事，老細想幫輕下屬先親自頂替出車，點知一番好意竟被當成「反面教材」。AI生成圖

帖文一出隨即引來大批網民熱議，事主亦在留言區爆料行業內幕。他直言現時「垃圾行業出現斷層，個個就快退休，冇年輕人入行」，但其實只要「識基本文字，個人正常少少，唔怕蝕底去做去學，好快就可以升上管理層」。

有網民附和指，這行絕對唔係外界想像中咁低人工，更分享曾見過一名駕駛垃圾車的大叔，「扭軚入嚟嗰陣戴住隻地通拿」，直言香港雖然細但世界好大，勸大家唔好做井底之蛙。事主更透露，駕駛吸渠車等厭惡性工種，極少公開招聘，可見行內臥虎藏龍。

當日只因有同事臨時有事，老細想幫輕下屬先親自頂替出車，點知一番好意竟被當成「反面教材」。AI生成圖

帖文亦引來不少來自各行各業的網民大吐苦水。一名自稱退休的空中服務員分享，當年經常聽到有媽媽對子女說：「畀心機讀書，如果唔係就會好似佢咁，要喺飛機上面派餐。」他笑言自己收埋多年的「完美對白」一直未有機會用：「記得要聽媽咪話畀心機讀書，將來搵到錢帶仔女搭飛機，可以試吓坐我哋嘅商務艙。」

有網民狠批該名母親的行為，直斥「就算你唔係負責人，班免費享用緊納稅人津貼嘅公屋居民，當面去羞辱努力工作嘅人都幾可笑」。亦有網民指出，在人工智能年代，文職隨時被AI取代，反而勞動階層才是無法被替代。

不過網絡世界向來意見紛紜，部分網民對事主的回應不太認同，質疑他若果真係財務自由，根本無需介意一個路人的閒言閒語，直指他「玻璃心」及「自卑」。

在人工智能年代，文職隨時被AI取代，反而勞動階層才是無法被替代。資料圖片

但同時亦有網民替事主的前線員工感到不值，指出員工平日就是這樣被無禮對待，認為社會應該多一點同理心：「冇咗你哋成個社會會好麻煩，我哋應該心存感激對待每一個工作嘅清潔叔叔同姨姨。」