6旬男客睇樓突鎖門「爆石」妻子淡定補刀焫著業主 經紀曝後續

近日一名90後女地產經紀在Threads發文，分享一次令人哭笑不得的帶客睇樓經歷。事主早前帶一對年約60歲的夫婦睇樓，初時參觀幾個交吉盤尚算正常，直至踏入一個有業主居住、全屋新裝修的單位，噩夢正式開始。

近日一名90後女地產經紀在Threads發文，分享一次令人哭笑不得的帶客睇樓經歷。Threads截圖

女經紀憶述，該對夫婦一入屋已毫不客氣，「個先生好自然咁，將自己件外套直接放咗喺人哋梳化上」。她見狀心知不妙，為免得失業主，唯有「默默行過去，幫佢拎返起件外套，自己拎住算數」。本以為已化解危機，豈料好戲在後頭。

兩人繼續參觀，行到洗手間時，男客人竟直接走入廁所，然後「關門，仲要鎖門」。女經紀當下已心知不妙，但最令人崩潰的是，站在門外的太太不但沒有阻止，反而氣定神閒地補上一句：「記得開抽氣扇呀。」

女經紀說，男客人好自然把自己件外套直接在業主梳化上。AI生成圖

這個視旁人如無物的「爆石」舉動，令現場氣氛瞬間跌至冰點。女經紀無奈表示：「我企喺客廳，望一望業主太太——已經黑面。」面對一屋異味與極度尷尬，她直言「嗰一刻真係好想原地消失」。參觀結束後，一行人只能靜靜離開，她直呼「真係一世難忘」。

帖文引來大批網民熱議，紛紛怒斥該對夫婦毫無禮貌，「去有人住緊嘅屋睇樓，咩都唔掂唔係常識嚟架咩」。有網民推測男客早有預謀，聽到太太叫開抽氣扇「即係處心積慮，plan好咗上嚟係開大嘅」。不過樓主就估計對方只是「睇睇吓，突然想去廁所」。

對於為何業主不即時制止，不少網民大惑不解：「我係業主即刻開佢波啦！公廁呀？」樓主則大喊冤枉，解釋一切發生得太快，「已經發生緊，阻止唔到」。她強調，即使客人開口問，她亦會盡量拉走對方，「話去樓下會所，盡量都唔會用業主個洗手間」。

這個視旁人如無物的「爆石」舉動，令現場氣氛瞬間跌至冰點。AI生成圖

事件發酵期間，有網民質疑真偽，留言嘲諷「日日上嚟打字作文9up」、「搵到錢嘅地產邊得閒喺度作文」。樓主展現高EQ逐一反擊：「同閣下一樣，多舊魚」、「而家個個手機不離手，打幾隻字要幾耐？」她更大方自嘲「我都想係9up」，連有網民建議她「不如試下唔好用ai寫」，她也幽默回應：「多謝提醒，咁我下次寫得亂啲」。

帖文亦引來不少業主和同行分享慘痛經歷，有網民指「以為鬼故」，樓主笑言「可能鬼故都冇咁恐怖」。有業主大呻曾遇睇樓客未經同意打開廚櫃檢查，亦有客人不問自按燈掣。更誇張的是，有同行經紀留言分享睇樓遇過「空中飛人」，樓主聽聞也只能嘆句「慘」。

帖文亦引來不少業主和同行分享慘痛經歷。資料圖申

不過亦有暖心經歷，有網民分享曾遇經紀帶客睇樓傾到半夜餓到胃痛，業主太太即時淥杯麵開啤酒招待，結果兩個鐘內極速成交，樓主也送上祝福：「恭喜恭喜。」

最令人意想不到的是，大批網民紛紛追問這對「無禮夫婦」最終有無買樓。有人笑問「試過好屙先買？」、「嗰個單位屙屎唔係咁暢順，所以買咗第二個」。雖然有網民直指這種客「只係屙屎，唔係睇樓」，但女經紀親自揭曉神反轉結局：「最後呢個客人係有同我買的，但最後係買咗另一間。」

早前一名港女在擲彩虹時，驚喜擲中最細的紫色格，原以為中大獎，豈料看清獎品後，心情瞬間由天堂跌落地獄。

早前一名港女在擲彩虹時，驚喜擲中最細的紫色格，原以為中大獎，豈料看清獎品後，心情瞬間由天堂跌落地獄。Threads截圖

早前一名港女在擲彩虹時，驚喜擲中最細的紫色格，原以為中大獎，豈料看清獎品後，心情瞬間由天堂跌落地獄。Threads截圖

早前一名港女在擲彩虹時，驚喜擲中最細的紫色格，原以為中大獎，豈料看清獎品後，心情瞬間由天堂跌落地獄。Threads截圖

擲彩虹講求實力與運氣，力度太大容易出界，太細力又未必落入中獎範圍，有時即使看似命中，還要經職員左量右度、甚至翻查閉路電視確認有否砸界，要中獎絕非易事。

該港女在社交平台分享，當日成功擲中紫色，本是「好消息」，但當她查看獎品選項時，同步迎來「壞消息」，原來最難中的紫色，獎品竟然是小朋友玩的「沙灘玩具套裝」。

早前一名港女在擲彩虹時，驚喜擲中最細的紫色格，原以為中大獎，豈料看清獎品後，心情瞬間由天堂跌落地獄。Threads截圖

有網民分享，紫色獎「好壞參半」。Threads截圖

帖文引來大批網民熱議，不少人對獎品水準表示震驚，「紫色都只係得沙灘套裝…？！紫色喎」、「我同我女朋友掟果陣，會期望唔好中紫色，中左會笑X對方」、「我尋日紫色係珍寶珠咋」，但都有網民指出，「紫色係最cheap嘅大獎，around $30以內」、「紫色睇分店啦 但普遍都係廢野」、「所以識玩一定要中黃色，有時係嘢飲，有時係日本大牌子薯片」。

亦有網民感嘆，「而家掉彩虹啲禮物全部都cheap晒」、「冇小朋友呢樣根本係垃圾獎品」。不過亦有樂觀網民嘗試安慰，稱讚發文者「憑實力贏取一套沙灘遊玩組合」。