謝安琪分享三個月近況囝囝James特意返港與家人同慶19歲生日

娛圈事

謝安琪分享三個月近況囝囝James特意返港與家人同慶19歲生日

2026年08月02日 23:00 最後更新：08月03日 09:56

歌手謝安琪（Kay）一向喜愛在社交平台與粉絲分享日常，幾乎每個月初都要出PO回顧過去一個的生活，近月她就忙於陪囡囡9歲女兒張靖（Kakaball）出國比賽、陪家人享天倫樂，所以昨日（8月1日）才有時間分享過去三個月的近況！

View this post on Instagram

A post shared by Kay Tse 謝安琪 (@kaytse)

謝安琪在過去三個月生活可謂多姿多采，不但與老公張繼聰和囡囡去了旅行，又陪父母四圍遊，正在澳洲留學的囝囝張瞻（James）更在6月時回港和家人一同慶祝19歲生日，「James返嚟同我哋慶祝佢19歲生日，我叫佢生日不如同啲朋友仔慶祝啦，佢話生日梗係要陪屋企人」，認真乖仔！

點擊看圖輯

圖片來源：IG@kaytse

更多相片

圖片來源：IG@kaytse

謝安琪又打趣自己最近「轉行」：「大家都好關心我呢幾個月過得好唔好，我可以好開心咁話俾大家聽，我呢幾個月轉咗去揸老細（父母）車，呢兩個就係我嘅老細，佢哋都對我好好㗎，會陪我呢個司機去飲咖啡，慰勞我咁辛苦揸車，唔覺意又押咗韻添，真係太多才多藝！」

不過，謝安琪期間卻不幸受傷，不慎遭愛犬弄傷大腿：「就係呢個巨型BB Sparky仔，我同佢玩拋玩具，佢一時興奮，一腳撐落去我肥美嘅大腿，一個完美嘅巨型腳印就製作好啦！我當然冇嬲佢啦，同埋佢真係知道自己整親我，即刻一臉內疚咁樣過嚟影張Selfie留念，此刻無價。」雖然謝安琪沒有放在心上，但她回覆網民時坦言受傷當刻的確很痛，更痛到忍不住落淚。

最後，謝安琪又透露上月陪Kakaball出國比賽影了很多相、拍了很多影片，並詢問大家：「要唔要整一個WOD舞蹈之旅大特集？出多一個post分享吓好唔好呢？」不少網民都紛紛留言嗌好！

往下看更多文章

謝安琪兌現承諾晒WOD舞蹈之旅特集陪囡囡比賽兼暢遊主題樂園享母女時光

歌手謝安琪（Kay）一向喜愛在社交平台與粉絲分享日常，幾乎每個月初都要出PO回顧過去一個的生活，7月時她陪囡囡9歲女兒張靖（Kakaball）及其舞團「I Dream」飛到美國，代表香港出戰世界級街舞賽事《World of Dance Summit Global Championship》，成功奪得全球第三名的佳績！