吳若希跌膊造型盡顯女人味 幽默控訴助手管得嚴

藝人吳若希（Jinny）最近正密鑼緊鼓拍攝TVB全新處境劇《愛．回家之三代同糖》，雖然拍攝行程緊密，但她都不忘忙裏偷閒，趁下雨天到咖啡店享受的悠閒時光，並在社交平台分享靚相。

相中，Jinny身穿白色喱士吊帶上衣配牛仔褲，外搭牛仔外套，輕鬆打造隨性休閒造型，外套巧妙滑落大玩跌膊誘惑，大方露出優美鎖骨，散發淡淡女人味，相當吸睛！Jinny亦貫徹幽默本色，留言「控訴」助手盈姐平日管教甚嚴，「雨天，感恩。我助手盈姐，成日都好惡～又唔支持我shopping，又唔俾我飲咖啡，但好難得，我搵到有樣嘢佢支持我，佢話好支持我po相」。

吳若希IG圖片

吳若希IG圖片

吳若希IG圖片

吳若希IG圖片

吳若希IG圖片

吳若希IG圖片

歌手吳若希（Jinny）與老公Alex育有一對仔女，分別是9歲的大女Giselle及5歲的細仔Kylian，一家四口生活幸福美滿！Jinny不時在社交平台分享一家人的生活點滴，近日她就分享了與仔女的搞笑對話及影片，直言：「我對仔女，真係我嘅開心果。」

吳若希一家四口。

Jinny指囡囡Giselle不時會聽她的歌，而囝囝Kylian在家姐的熏陶下，有時會在食飯期間唱她首本名曲《越難越愛》，「有一日，我個仔問我：『媽咪，咩嘢係越難越愛？』我解釋俾佢聽：『即係，我平時好鍾意啜你，但你成日反抗我，但係我依家都係咁想啜你！呢個就係’’越難越愛’’啦！』跟住⋯⋯⋯我再啜細佬，佢就大叫＂家姐，媽咪越難越愛我呀！』細佬呀！你好打意呀！！！」

影片中，Jinny就示範對囝囝「越難越愛」，她與一對仔女排排躺在床上，囡囡先笑言：「媽咪越難越愛我啊！」然後唱走副歌，而囝囝Kylian則向鏡頭展示自己的腳板，此時Jinny突然興起，轉身啜了囝囝面豬一啖，嚇到囝囝尖叫，畫面溫馨又搞笑！

吳若希IG影片截圖

吳若希IG影片截圖

吳若希IG影片截圖

吳若希IG影片截圖