何沛珈首次生日正日開Fan Meet獲契仔契女爹哋齊撐場 感動爆喊自爆終極生日願望

藝人何沛珈於8月1日舉行生日粉絲見面會，當日正是她正日生日，特意選這一天跟一眾支持者慶祝，亦是她入行以來首次在生日正日跟粉絲一齊過生日，別具意義。當日現場約有30位粉絲到場，人數之多讓原本以為只有十個人左右的何沛珈本人也感到十分意外，令壽星女非常感動。

何沛珈日前舉行生日粉絲見面會。

名為Fan Meet 實為「答謝會」

何沛珈表示今次活動性質似「答謝會」多於生日派對：「揀正日嗰日，係因為呢個日子對我嚟講好重要，加上係第一次可以喺自己生日正日同大家一齊慶祝，所以特登揀咗呢一日。」

為答謝粉絲一直以來的支持，何沛珈特別準備咗8份禮物作抽獎之用，當中包括她最鍾意的零食、即影即有相機、月餅等，希望可以少少禮物答謝粉絲。活動期間更設有「任影唔嬲」環節，粉絲可以盡情同何沛珈合照留念。現場大家更一起合唱生日歌給何沛珈聽，全場氣氛溫馨感人。

以往何沛珈都是主持、演戲和綜藝節目為主，不過近來有不少登台唱歌工作的機會，何沛珈今次都特別以歌會友，贏盡全場掌聲。

何沛珈今次都特別以歌會友

契仔契女、爹哋齊現身

今次活動其中一個最特別的安排，何沛珈的契仔、契女同屋企人都有到場出席。何沛珈坦言，家人平日甚少有機會見到自己工作時嘅一面：「今次雖然唔算係正式工作，但難得可以俾佢哋見到，原來有咁多人咁錫我、咁愛我，我爹哋見到都好感動。」

何沛珈的契仔、契女同屋企人都有到場出席。

何沛珈的契仔、契女同屋企人都有到場出席。

粉絲逐一送心意禮物

活動上，每一位到場嘅粉絲都準備咗禮物送畀何沛珈。對此何沛珈直言其實內心相當矛盾：「我其實唔想佢哋使錢送禮物俾我，但當親手收到嘅時候，真係好感動，因為入面充滿住佢哋嘅心意。」當中令何沛珈印象最深嘅一份禮物，係一位粉絲將佢嘅樣子印在朱古力上，創意十足；而最令佢感動嘅，則係何沛珈契仔親手畫嘅一張卡。何沛珈笑言：「畫工雖然唔係大師級，但係那份心意真係令我好感動。」她亦透露一個小小心願：「如果將來我有能力嘅話，希望下次可以為每一位嚟到嘅粉絲都準備一份禮物。」

何沛珈

今年最大禮物：《非份之罪》大受好評 力推新劇《夫妻的博弈》

除了粉絲見面會以外，何沛珈亦分享咗今年自己最大嘅「禮物」，就係新劇《非份之罪》出街，並得到很多觀眾嘅喜愛：「真係冇想過大家會喜歡我嘅演出，我也收到很多網友嘅留言，好受寵若驚。」何沛珈同時亦借此機會力推自己嘅最新作品：「希望大家可以多多關注嚟緊嘅新劇《夫妻的博弈》，希望可以得到好嘅收視。」

何沛珈

生日願望：節目高收視、身體健康 感情事順其自然

被問到今年生日願望，何沛珈分享咗兩個心願：第一，希望自己有份參與嘅所有節目都可以高收視、多人收看；第二個願望則相對簡單樸實——希望身邊所有人都身體健康。

至於感情狀況，參加《女神配對計劃2》的何沛珈透露心聲，坦言現階段更希望覓得一位可以長遠一齊行落去嘅伴侶：「而家嘅我已經29+1，唔會好似以前咁心急、咁衝動，反而希望可以慢慢嚟，搵一個真係可以長久行落去嘅人。」何沛珈感謝一直支持自己嘅粉絲，並期待未來可以帶嚟更多精彩內容同大家分享。

何沛珈

由「金牌媒人」林盛斌（Bob）主持的TVB戀愛真人騷《Funki Finance呈獻：女神配對計劃2》，逢周日晚八點半翡翠台播映。

林福明好似氹得啲女神好開心喎。

幾老實吖！

Roxanne閨密游嘉欣都似乎好滿意。

《女神2》第一集首播後引爆全城熱話，網民連日盤點求愛勇者筍盤，中葡芬混血兒方智弘（Oscar）因俊朗外形、得體談吐一夜爆紅。本周日（9月13日）播映的第二集，五大女神何沛珈（Roxanne）、阮嘉敏（Mandy）、陳若思（Amber）、俞可程（Kanis）及郭珮文（Juliana），將撳燈挑選心水求愛勇者！

阿Bob化身外父審爆林福明，睇吓福明個樣幾咁乖巧。

睇嚟今集一樣唔少花生。

因為話想追樂小姐而成名嘅蔡楠。

好少見Juliana咁認真同埋主動話要問問題。

繼早前曝光的年薪150萬、擁有自住及出租物業的「野男」關經翰Oswald後，今日官方繼續發布其他焦點求愛勇者。其中一個熱話，是今年最年輕求愛勇者、19歲的蔡楠，蔡楠之前於海選面試曾公然表明想追樂易玲，口花花態度令花生團江美儀反晒白眼。據知，蔡楠現身女神撳燈擂台時，同樣令一眾女神大為鼓譟，連向來表現「人畜無害」的低調Juliana、亦忍不住問：「佢真係有興趣了解我哋，定係想出名？」

為了挽回形象，蔡楠大拋「回春論」企圖說服女神選自己：「我可以將我嘅活力推送畀你哋，令到你哋回春。」此言一處，全場隨即爆笑，主持阿Bob：「即刻嬲咗，回咩春？！」「閨密花生團」成員Kanis家姐亦激罕開腔兼吐槽：「我覺得佢好差呀」，口直心快的「高成彬」劉倬昕則謂：「其實好唔尊重人。」當中最受刺激的是今年最高齡女神Mandy，她激動反擊「回春論」：「我心境仲年輕過十九歲」、「我反晒白眼，大頭唔該。」之後講多錯多的蔡楠，更連阿Bob都辣㷫埋，除遭勒令「咪嘈」，阿Bob更激動謂：「出煙呀，癡線！」

呢吓回春引發全場陷入混亂。

呢吓回春引發全場陷入混亂。

到底邊位女神嘅前度咁情深？

到底邊位女神嘅前度咁情深？

35歲阮嘉敏成其他女神取笑對象 本尊反擊：職場欺凌呀！
由於阿Bob戲言想「回春」就要「撳燈」揀蔡楠，佻皮的Roxanne聞言即猛著Mandy撳燈，搞到Mandy勁勞氣：「你等等先！我喺呢度年紀最大啫，但你哋呢度全部大過佢，點解淨係我回春？你哋唔使回春呀！」最後不甘心大叫：「佢哋職場欺凌我！」

與蔡楠一樣令女神們好大反應的，則為年薪過百萬、科技公司創辦人兼大學講師，擁有四間公司「A0 CEO」林福明，林福明一出場，即以深情Tone大拋肉麻老派情詩冧女神：「喺以前年代，馬車好慢、書信好遠，一生只係夠愛一個人，唔知由幾時開始，拍拖兩、三次就叫正常，而A0就畀人當係異類，我就係一生只能愛一人嘅嗰一種人。」說畢引發全場爆笑，阿Ju更聽到「起晒雞皮」。

到底邊位女神嘅前度咁情深？

到底邊位女神嘅前度咁情深？

求愛勇者今集都一樣會各自施展渾身解數冧女神。

只與「聊天機械人」談過戀愛的林福明，心儀女神是Roxanne，而Roxanne的閨密亦對這位求愛勇者表示滿意，更肉緊地致電Roxanne扯行紅線：「其實我覺得呢個男仔幾好嘅，好聽話，同埋佢真係對你有興趣」、「想過人世嘅話，呢個都幾好嘅選擇，穩定。」為了說服Roxanne，阿Bob更「金牌媒人」上身，向林福明「查家宅」，而林福明更會盡顯直男本色：「我會好錫佢、乜都就晒佢。（幾時結婚？）盡快。（禮金呢？）你話幾多咪幾多。」令全場女神及閨密心心眼。到底Roxanne最終會否與林福明心意相通？

另值得留意的是，第二集的系列預告有個精彩位，就是本集將有其中一位女神的前男友、為了追回女神將站上求愛勇者舞台，該名勇者在預告片段中說出：「我這次來只為了一個人，和你分手後，一直都很想念你」，簡單幾個字冧爆全場，網民連日來亦熱估到底哪一位女神擁有一位如此深情的前男友，根據預告，製作組分別剪輯了郭珮文、Mandy感動喊樣、Roxanne掩嘴難以置信樣、Kanis爆冧笑樣及Amber震驚樣入事前預告，更有女神哽咽「好窒息呀，突然間！」引爆全城無限揣測，想知涉事女神是誰？就要密切留意本周日最新一集《女神2》。