Archie冼靖峰相隔兩年出新歌 Skylar盧映彤@MYNT第一次拍MV即擔正

Archie冼靖峰事隔兩年推出新歌《由天台記載》，他很感激仍然有這個機會出歌，在這段時間不斷裝備自己，亦有不同新計劃籌備中。MV邀請到Skylar盧映彤@MYNT擔任女主角，二人接受訪問時互笠高帽，同時形容能與對合作是榮幸，Archie更大爆對方令自己一秒入戲，演繹『朋友以上，戀人未滿』的狀態。

冼靖峰相隔兩年推出新歌《由天台記載》。

Archie邀盧映彤（Skylar）首度擔正MV女主角，演繹「朋友以上，戀人未滿」曖昧關係。

Skylar表示自己第一次拍MV兼做女主角，緊張到前一晚幾乎沒有睡，怕演得不好會影響拍攝進度，不過最後拍攝如期完成，證明導演滿意她的演繹。Skylar說：「我們是一個『朋友以上，戀人未滿』的狀態，我們因為漫畫書而結緣，然後在天台有一連串帶點曖昧的氛圍感。」Archie補充天台就是故事中二人的秘密基地。

要演繹曖昧的感覺二人事前要否熱身？Skylar笑言：「唔使喎，好犀利喎，佢頭先先同我講……佢可以一秒就可以入戲出戲！」Archie馬上補底：「我講下笑啫。」Skylar續說：「但係你個眼神係有戲嘅我feel到嘅……」Archie反問：「你望到咩？啱啱你又話望唔到……」二人立刻失笑，一人一句充滿火花。再追問Archie是否Skylar令他一秒入戲時，Archie大方承認：「係呀，冇錯！」他補充表示二人在《魔音女團》節目時已認識，所以沒有甚麼尷尬的感覺。

Skylar

Archie新歌靈感來自電影《心動》，由林若寧填詞寫出「朋友以上，戀人未滿」的遺憾；監製舒文的指導令Archie找到最純粹的聲線去演繹：「今次錄音頭2、3個鐘都喺度雕琢點樣唱好頭兩句，掌握到個語氣同音色之後就好順。」既然歌曲關於遺憾，Archie有沒有相關經歷令他更能投入歌曲之中，他說：「每個人都會有一啲遺憾，可能係來不及講的說話，生活的壓力，沒有走近多一步。而且遺憾就係冇辦法修補先叫遺憾，可能都係靠時間過去沖淡。我好記得我初戀女朋友就教我，跌落地下打爛咗嘅紅酒杯就算黐返好都好，都仍然係有裂痕有傷疤。我由16歲記到依家！係經歷過先會明白。」

Archie大讚Skylar令他一秒入戲。

無綫音樂節目《伯樂音樂學院20週年呈獻：J Music 》，今晚（10月10日）10點45分翡翠台播出。今集邀請了女子組合「魔音女團」MYNT（六位成員分別是：宋宛穎Sabrina、倪嘉雯Carmen、莊子璇Hilary、倪樂琳Ellyn、盧映彤Skylar、喬美莎Chelsea）、文佐匡（Sean）擔任嘉賓，接受主持李尹嫣（Victoria）及冼靖峰（Archie）訪問，場面熱鬧。

MYNT、Archie及Sean一齊合唱《紀念日》好好聽。

大家傾得好開心。

MYNT純白造型唱《純粹好感》 Hilary成「遊戲王擔當」
今集「一晚限定」環節，登場嘉賓是MYNT、Sean及Archie，現場合唱經典歌曲《紀念日》。眾人聲音各具特色，合唱起來交融出意想不到的化學作用，令人聽出耳油。節目中設有遊戲環節「看圖估歌名」，Hilary連答多題，其中一首歌《國際孤獨等級》竟然全場只有她舉手回答，答題命中率極高，獲眾人激讚：「好犀利！」

Hilary連中幾題，簡直係「遊戲王擔當」。

六位「美少女」圍圈甜唱，畫面好靚。

MYNT希望大家見到佢哋進步。

今集精彩環節，是MYNT獻唱新歌《純粹好感》，六位「美少女」身穿純白色系服裝上陣，圍圈甜唱，各人更對鏡頭擺出「甜美」、「無辜」、「呆萌」可愛表情，畫面簡直融化人心。MYNT出道短短三個月已經推出兩首歌曲及出席多場活動，兼奪得「最耀眼新晉女子組合」獎，談到《Turn my magic on》與《純粹好感》這兩首不同曲風歌曲在演繹上有何分別，Hilary表示：「《Turn my magic on》我哋會用比較磁性同沉實聲音去唱，《純粹好感》會投放多啲感情。」對於曝光率極高兼奪獎，眾成員都好感恩：「呢個獎對我哋嚟講唔單止係強心針，仲有好多唔同嘅信心」、「係一個好大突破」、「希望大家見到我哋嘅進步」。

Archie深情演唱勁好聽，令人聽出耳油。

Archie請到Skylar擔任MV女主角。

Archie深情演繹《由天台記載》晒高音
在「來自聲聲的你」環節，嘉賓Archie現場獻唱新歌《由天台記載》，以充滿感情的聲線演繹，溫柔聲線中帶爆發力，高音技巧盡顯功架，令人聽得動容。談到歌曲背後意念，Archie表示：「呢首歌關於愛情上面嘅遺憾，而天台就係去講呢種遺憾出嚟嘅地方。」另談到MV女主角由Skylar擔任，Archie激讚對方非常專業：「呢個故事講青春，Skylar年紀輕有青春感，佢因為呢個MV專登去染粉紅色頭髮，非常專業。」想知道更多精彩內容，敬請密切留意今晚播出的《J Music》。