愛．回家之三代同糖｜車婉婉「嫲」煩師奶角色掀「萬貴妃」集體回憶 26歲Desta演活GenZ網民讚好自然好Cutie

娛圈事

愛．回家之三代同糖｜車婉婉「嫲」煩師奶角色掀「萬貴妃」集體回憶 26歲Desta演活GenZ網民讚好自然好Cutie

2026年08月11日 13:00 最後更新：13:34

無綫全新處境劇《黃道益活絡油呈獻：愛．回家之三代同糖》（下文簡稱《三代同糖》）昨晚（8月10日）首播，講述控制欲極強的公關女王唐萬里（吳若希飾）獨力照顧Gen Z女兒唐芯（李茵彤Desta飾）；另邊廂，與萬里鬧矛盾多年的唐母唐曹嘉冰（唐師奶，車婉婉飾）忽然由加拿大返港，並借故搬入萬里家，展開矛盾不斷、家嘈屋閉的三代同堂「同居」生活。

《三代同糖》一開播即發生兩大事故，先後是唐芯「校園非禮暴力事件」，及唐師奶「飛機讓座事件」，兩單都要萬里介入解決，三代之間的相處及碰撞火花十足，尤其吳若希與車婉婉！無論是吳若希質問婉婉是否真的持有「讓座事件」關鍵影片，婉婉表情十足地像「貓捉老鼠」般戲弄吳若希一幕；或是回憶片段中婉婉著緊又心痛地逼年紀尚輕的吳若希墮胎，既有喜劇節奏、亦有正劇中的張力，難怪有網民讚有新鮮感：「夠貼地、正路」。

點擊看圖輯

焦點圖片

首集兩大事件

車婉婉同吳若希

三代同堂

呢場戲充滿正劇嘅張力。

好鍾意唐芯醒完阿媽一拳後，仲要瞓得咁自在。

兩代《愛．回家》「阿女」留言力撐好有愛。

Desta啲妝全部都好淡，獲網民大讚自然。

Desta真係好似一個畀阿媽煩死兼激死嘅Gen Z。

對於婉婉接「根叔」劉丹棒出演全新處境劇，網民亦大讚啜核，皆因婉婉入型入格的「野蠻嘈嘈閉師奶」演出，令不少網民想起《皆大歡喜》的野蠻專橫搞笑萬貴妃，加上當年在《皆大歡喜》中，飾演皇帝的正是劉丹，令不少網民感嘆婉婉接劉丹棒擔正新處境劇當家相當有「玄機」。

而吳若希與Desta的對戲，則以尾段的床上戲最有Talking Point！劇情講述為了讓房給婉婉被逼與同床的吳若希Jinny的Desta，由於睡姿頗跩，結果於同一晚賞了Jinny兩吓「無情拳」，痛到Jinny「雪雪聲」，Jinny事後更將片段上載社交網兼留言：「我鍾意一個人瞓嘅原因」，除了成功引來「阿囡」Desta道歉，更獲《愛．回家》第一輯靈魂人物的「馬子妮」蔣家旻，及第二代主角「熊若水」呂慧儀留言力撐，蔣家旻：「今晚特別好愛回家，睇三代同糖」，呂慧儀：「睇到呢度，我笑咗！」吳若希即回覆阿蟹多謝支持：「多謝你呀蟹，恭喜你哋熊家都三代同堂。」互動極之有愛。

View this post on Instagram

A post shared by 吳若希 (@jinnyng)

至於演齡尚淺的Desta，這次擔正處境劇吸獲大量正評，網民對於26歲的她，竟能完美駕馭「細路女」Gen Z大感驚嘆：「Desta有驚喜，很自然」、「非常素的妝，但Carry到，都夠真實」、「純天然，唔造作」、「演得自然，真係似18歲細路女」、「佢素顏其實幾可愛」、「超級可愛嘅女仔，好鍾意睇佢」、「幾得意，幾適合個角色。」

往下看更多文章

唱錢︱實力派都被玩殘！梁釗峰四度被「DANGER」警號追殺「見好就收」成功為觀眾爭取一萬元現金獎

由森美、Eric Kwok（郭偉亮）帶領Plan V成員李茵彤（Desta）主持、Eric Kwok 擔任音樂總監的互動音樂Game Show《AlipayHK呈獻：唱錢》（英文名：Music Money Monster）昨晚（8月8日）播出一集的嘉賓是男子組合C AllStar成員，現已作獨立發展的梁釗峰。

一向唱Live冇難度的釗峰，賽前已緊張到「唉唉聲」對玩遊戲冇信心，並揚言上《唱錢》就是為觀眾謀最大福利，目標是爭取一萬港元，所以幾乎每首歌都「掙扎求存」演唱，結果關關難過關關過唱至Level 8，成功達到一萬元目標，決定不挑戰「Monster」：「Monster要9成以上好多時好多歌都Hit唔到，我唔知道有咩歌，所以不如畀家庭觀眾享受呢一萬蚊。」

釗峰今集挑戰Sing 盤過程猶如坐過山車般驚險，先後挑戰Level 5《分手總要在雨天》、Level 6《櫻花樹下》、Level 7《無人之境》、Level 8《記憶棉》，四首歌曲均唱得相當吃力，音準部分更屢次出現大波幅及音樂系統上「紅Bar」多次閃現，更驚心的是四首歌均在剩下數秒到十數秒的「緊急關頭」跌入危險區，所幸釗峰「咬實牙關」撐到最後，分別以89.1%綜合成績、88.6%綜合成績、82.3%綜合成績、89.1%綜合成績驚險過關，釗峰賽後表示：「真係有難度。」

在節目中，釗峰挑戰八首歌雖全部成功過關，但值得留意的是，唯獨挑戰Level 7《無人之境》時，唱到「臉容扭曲」及「青筋暴現」，表情管理全面失守，每一粒音幾乎都「搏到盡」唱出來，可惜三項數據全線跌破90%，分別獲得82.3%綜合成績、81.4%音準、83.1%拍子，成為全晚最低分的「死亡之歌」。釗峰事後坦言：「去到Level 7我把聲真係攰，因為我全神貫注同埋成日都大力（唱）咗，愈大力就會愈小心，愈小心就會捏得緊，效果就會愈差。」

至於全晚最高分，是挑戰Level 1《准我留下》，釗峰賽前表示：「有啲難度。」但在演唱時卻顯得輕鬆自如，三項數據成績全線達90%以上，分別獲得94.7%綜合成績、92%音準、97.3%拍子，森美、Eric Kwok聽後輪流表示：「輕鬆不特止，就算歌手上嚟唱都冇你好似輕鬆到咁」、「揮灑自如」、「頭先有一下佢即刻扭返上嚟所以冇事」。

今集釗峰除了「緊張大師」上身，更化身「金句王」，全晚爆出多句金句，由緊張到自我覺醒，句句都真情流露：「原來呢個System唔係咁容易」、「瀕死邊緣」、「真係頂住」、「梁釗峰唔好諗咁多，瞇埋眼就去喇」、「呢條路走落嚟都唔容易」、「玩呢個節目係為觀眾唔係為自己」，事後坦言能參加《唱錢》令自己獲益良多。

你或有興趣的文章

愛．回家之三代同糖｜車婉婉「嫲」煩師奶角色掀「萬貴妃」集體回憶 26歲Desta演活GenZ網民讚好自然好Cutie

愛．回家之三代同糖｜車婉婉「嫲」煩師奶角色掀「萬貴妃」集體回憶 26歲Desta演活GenZ網民讚好自然好Cutie