愛．回家之三代同糖｜趙浚承高唱「呠呠呠」玩轉蕭正楠經典廣告 本尊大方拍片crossover兼自嘲

《黃道益活絡油呈獻：愛．回家之三代同糖》（下文簡稱《三代同糖》）昨晚（8月13日）其中一個劇情講述，唐芯偶像男團主音楊帆（趙浚承飾）曾紅極一時，卻因接拍了萬里（吳若希飾）策劃的超尷尬痔瘡廣告令星途盡毁…

焦點圖片

男主角趙浚承昨晚一出場即相當搶焦，以青綠外套搭金恤衫再襯格仔褲的他，拿著超巨型痔瘡膏扮結他瘋狂自彈自唱「呠呠呠」，之後還要露出「便秘樣」從馬桶中拿出痔瘡膏向鏡頭大派心心繼續高唱「呠呠呠」，無論歌詞或青綠造型，都令人想起蕭正楠20+年前的超經典「𠽌𠽌𠽌」餅店廣告。

TVB截圖

TVB截圖

TVB截圖

TVB截圖

TVB截圖

TVB截圖

TVB截圖

對於趙浚承致敬阿蕭經典廣告，網民大感驚喜，並指趙浚承某些角度與阿蕭「撞樣」：「佢個樣又幾似蕭正楠喎」、「諗起蕭正楠」。為了回應網民，無綫官網真的有找來「原裝」蕭正楠拍攝crossover片，並請來阿蕭最佳拍檔曹永廉友情客串。片段中，阿廉不斷對住棵樹「𠽌𠽌𠽌」，遭阿蕭搞笑喝止：「喂！你𠽌乜嘢呀？」兼大方自嘲：「就係為咗呢個 ，搞到我離開咗樂壇廿幾年呀！」一唱一和十分抵死。

TVB截圖

TVB截圖

TVB截圖

TVB截圖

TVB截圖

TVB截圖

另飾演萬里老闆Winson的容天佑，昨日在社交平台分享了抱住B女睇劇本的溫馨照片，並留言：「澄澄陪睇劇本」、「今晚開始出場」。照片所見，B女與天佑一樣，全神貫注地望著平板電腦眼都唔眨，極度Cutie，難怪有網民笑言天佑阿女有演員天賦，並大讚她的笑容很甜美。

容天佑在社交平台分享了抱住B女睇劇本的溫馨照片。

囡囡好可愛！

天佑在《三代同糖》中飾演貪威識食、但智商欠奉的富二代，為了配合老闆身份，天佑劇中經常以執到十分四正的西裝骨骨造型出場，十分符合其本身的公子氣質。

TVB截圖

TVB截圖

TVB截圖

TVB截圖

TVB截圖

TVB截圖

藝人容天佑去年11月與拍拖8年的富家女扶天恩（Winnie）結婚，今年5月迎來可愛囡囡澄澄，「升呢」做新手爸媽一家三口生活幸福美滿！不過，近日太太Winnie就在社交平台大吐苦水，爆工人姐姐精心部署走佬計劃，趁她離港工作時消失，並留下一屋爛攤子，混亂情況令她極度崩潰。

容天佑與Winnie一家三口。

Winnie詳細還原整件事經過：「我工人係我出trip嘅第一日冇返屋企。 佢知道我要離開香港七日，所以精心部署走佬計劃！第一日夜晚，當日係星期日，我老公收工返到屋企，夜晚11:00發現姐姐竟然唔喺屋企！？ 所以我WhatsApp佢問佢安唔安全，有冇事，佢已讀不回。 第二日我繼續WhatsApp佢，變咗一個剔，打電話都唔通，我又身處海外，一路做嘢一路擔心佢有啲咩事。」

直到第三日，Winnie堅持每隔小時就打電話及WhatsApp工人姐姐，到當日下午，對方終於覆機，「我問佢，你去咗邊呀？咩事呀？佢同我講我一路都喺香港，可唔可以等你返嚟先同你解釋？ 我同佢講，我唔知你喺邊度，又擔心你有啲咩危險，我覺得你有必要依家同我講發生咗咩事。 然後有另一個香港人拎咗佢個電話聽，佢同我講，hello我喺香港國際機場嘅地勤人員，你姐姐飛咗去某一個地方，但係俾人遣返咗，所以姐姐唔知道依家應該去邊。」

Winnie Threads圖片

Winnie自言其實已心中有數，「因為佢走佬嘅嗰一晚，我老公見到佢個櫃入面已經冇乜嘢，淨係留咗一杯飲剩嘅咖啡同埋食咗兩啖嘅方包擺咗喺枱面。當然，佢本身諗住走佬嘅話，我唔會想佢返屋企（好彩我離開香港嗰日，我將我個女帶咗去我媽咪度，屋企得反兩隻狗急到瀨咗尿嘅狗），所以我叫佢去agent度，等agent安排。」

Winnie Threads圖片

Winnie Threads圖片

Winnie Threads圖片

Winnie又指工人姐姐平日已經工作態度極差又欠缺衛生，今次走佬留下的爛攤子更是令她極度崩潰，「啱啱落機返到屋企，諗住大掃除做清潔，發現佢喺BB房倒瀉咗咖啡，冇抹返乾淨不特止，仲惹到成地都係蟻，所有尿片，同埋其他BB嘢都佈滿蟻，牆上面同埋地下已經有漬同埋好臭，基本上所有尿片都唔用得，成間房要反轉重新清潔，滅走晒啲蟻。」

Winnie Threads圖片

Winnie Threads圖片

Winnie Threads圖片

Winnie Threads圖片

Winnie Threads圖片

Winnie不但要面對污糟邋遢的屋企，還要應該工人姐姐無理的要求，「agent話姐姐要求我而家即刻買機票，佢要求明天返菲律賓」，一連串離譜經歷令Winnie無奈感歎：「而家請工人真係好難，請到好工人真係要好好珍惜，僱主太無保障了。File入面嘅合約又唔見埋，希望一個月後唔會收到收數公司嘅信啦！」帖文一出，不少網民紛紛留言同情二人遭遇。

容天佑與Winnie一家三口。