失業加上散工「斷更」，一名港人日前在Threads發文求助，指與子女面臨「無錢買飯」困境，無奈懇求網民施以援手，未料帖文迅速引來大批熱心市民及本港商戶響應，有人代叫飯、送菜及麵包，更有人提供工作機會。事主獲援助兩日後決定婉拒繼續受助，最終更經網民介紹成功找到工作，感激香港人的善心。
示意圖片
該名港人在Threads發文求助，坦言自己帶着小朋友生活極為艱苦：「請問，會唔會有好心人可以叫個飯或者麵包俾我同小朋友？」事主透露，自5月失業後便一直依靠炒散維持家計，惟近期連散工的機會也大幅減少，疑因手頭上的現金不足且工作未有出糧，頓時陷入無錢買糧食的絕境。
帖文曝光後迅速掀起熱議，大量熱心網民蜂擁留言伸出援手。不少網民表示願意幫助事主：「呢兩日你同小朋友再需要食飯出聲，希望幫到你解決燃眉之急，小朋友有書簿需要可pm，邊區？」、「我可以買飯俾你，仲有小朋友玩具，需要？」、「邊間麥當勞去最近，我可以用apps買，俾個number你，自己去拎」、「我賣菜嘅，你喺邊區啊，我可以送菜給你！」、「有需要可以出聲，我可以喺譚仔app落外賣俾你，俾個no.（number）你去拎」。
《愛回家》劇照。示意圖片
甚至有同樣正面對經濟困難的網民留言表示：「雖然我唔係有錢，餐搵餐食餐餐清，但一餐半餐仲請得起你同小朋友，我留言喺度，有需要排隊輪到我幫手就PM我啦！」除了廣大市民，本港多間大小店舖亦主動留言，表示願意為事主及其子女免費提供食物。
此外，不少熱心網民亦為事主的長遠生活出謀獻策，直言「其實有需要真係可以攞綜援」、「得閒申請定外賣平台。沒工開就看有沒單做賺點小錢。或者去見醫院d3級助理大約萬多蚊人工」、「先去HKTV做倉啦！係辛苦小小，但係出現金，計埋OT都有8嚿」、「攞綜援係一個好選擇。因為你長貧難顧咁，當然有人有些少因素攞唔到綜援，可以考慮下食物銀行」。
不過，由於網絡求助個案真偽難辨，亦有部分網民提出理性質疑，溫馨提醒事主切勿濫用大眾的同情心，呼籲大家在發揮善心的同時亦需保持理智。
AI圖片
事主在獲得網民兩日幫助後，於留言區發文致謝，並透露自己手頭上還有兩份現金工作，預計工作後將有220蚊收入，解決燃眉之急後便婉拒大家繼續提供援助：「我覺得解決咗今日就算了，唔好再受大家恩惠了。」
最終，事主更通過熱心網民的介紹順利獲得一個工作機會。事主對於香港人的團結與大愛感觸良多，感慨表示：「再次喺度多謝大家對我哋咁上心呀！人生第一次切身感受香港人嘅威力，不論係大小商舖都叫我可以去舖頭食飯、去舖頭攞食材，甚至係同樣失緊業嘅網友都話可以幫我哋提供食物，其實我真係無以為報，只可以到自己有返能力嘅時候再幫返有需要嘅人，祝福所有心善嘅人，事事順利身體健康」。
