外賣海南雞飯食到尾聲 食客驚見飯盒藏手機仲識響 網笑：泰識phone味！

網上不時流傳外賣食物藏有異物的事件，蟲屍、毛髮屢見不鮮，但日前有女食客在社交平台分享的經歷可謂離奇到極點。事緣她點了一份海南雞飯外賣，吃到尾聲之際，竟發現外賣盒底部凸起，隨後更傳出電話鈴聲，揭發飯盒內竟藏有一部手機，螢幕上顯示的聯絡人姓名更是泰文，接聽後一度被人懷疑偷手機，令她無奈大嘆「廚師呀廚師，點解你會將個電話擺咗落個飯盒到？」

threads截圖

該名女食客在threads發帖，憶述當日點了一份海南雞飯外賣，形容即將吃完之際「我見到個（外賣）盒（底）凸起咗，有嚿好硬嘅嘢」。樓主當時已覺奇怪，未幾突然聽到盒內傳出電話來電鈴聲，才赫然發現飯盒底部竟藏有一部手機，她直言「我本身覺得個飯好好食，但我宜家真係有少少反胃」。

手機未響時，樓主完全察覺唔到飯底有部手機。threads圖片

threads圖片

從樓主上傳的影片和照片所見，黑色外賣膠盒底部平放一部智能電話，電話表面沾滿黃色飯粒，由於螢幕當時是黑屏，不仔細看的確難以發現電話。而樓主幾乎吃完整個飯盒，電話鈴聲才響起，手機螢幕亦隨之亮起，可見來電的聯絡人姓名顯示為泰文，估計機主並非港人，只能無奈表示「廚師呀廚師，點解你會將個電話擺咗落個飯盒到？」

threads圖片

樓主續稱，接聽電話後對面傳來女聲，猜測是機主的同事，不過對方第一句竟然是「點解我朋友電話喺你度？你係邊個？做咩偷咗我朋友電話？」經過一輪了解後，有兩人上門欲取回電話，樓主指他們「好緊張咁企喺門口唔敢拍門」，她之後將外賣盒連電話歸還對方，獲給予100元以作補償，並稱「佢又真係咁啱得咁蹺，喺我啱啱食完嘅時候打嚟，遲多1分鐘我都當垃圾掉咗」。

threads圖片

帖文曝光後隨即引來大批網民熱議，不少人驚呼嘔心，並指出手機含菌量極高，「第一張圖係完全保護色咁隱藏咗」、「據講手機表面比廁板含菌量更勁喎」、「好恐怖，成個電話都可以擺得入去個飯到」、「所以你係食緊佢啲面油」、「同奶佢個mon冇分別」、「我睇緊啲咩，AI都作唔到」、「好彩你趁熱食，如果你成盒拎去叮就大鑊」、「我估阿廚師應該係平時貪方便玩手機，將個手機放喺啲外賣兜到，咁啱忙起嚟又唔記得咗電話放咗喺入面，就直接𢳂咗啲飯落去」，並建議「報食環啦」。

threads圖片

有人則調侃樓主，「咁開心，食海南雞飯送電話」、「你就好，平時通常係生菜墊底，你係電話好高級」、「宜家啲商家為咗俾少啲飯真係無所不用其極」、「成餐飯最值得開心就係真係泰國人整」、「唔知以為執行緊臥底任務」，又玩諧音留下爆笑留言，「海南機飯」、「泰識phone味」。

屯門大興邨鼠患問題再惹關注，有街坊拍片直擊公屋地下大堂驚現「鼠蹤」，一名男子以長傘敲打垃圾桶後，隨即有老鼠「彈出」，更沿樓梯狂奔至電話機房，見有人後竟施展「縮骨功」鑽入隙縫，期間另一隻老鼠亦從機房跑出，現場至少兩鼠出沒。片段引發網民熱議，狠批鼠患猖獗，擔心老鼠「入埋屋」。

fb影片截圖

fb影片截圖

fb影片截圖

fb影片截圖

日前有街坊在Facebook專頁「大興邨關注組」 分享一段長約40秒的影片，顯示一名男子手持長傘在大興邨其中一座公屋的地下大堂，走近一個垃圾桶並用傘敲打桶身，隨即有一隻老鼠跑出，沿樓梯直奔電話機房，一度折返後因見有人在外，最終施展「縮骨功」從隙縫鑽入房內。豈料此時又有另一隻老鼠從機房跑出，更在機房內伸頭探視，現場合共至少有兩隻老鼠，表現極為猖狂。

fb影片截圖

fb影片截圖

不少網民在帖文留言指鼠患問題嚴重，形容老鼠「識縮骨功」，又直言「唔整死佢，遲早入埋屋仲大鑊」、「對老鼠仁慈就對自己殘忍」、「裡面放老鼠藥」。