古巨基與太太陳韻晴（Lorraine）於2014年在美國拉斯維加斯註冊結婚，2019年12月，Lorraine以51歲高齡生下一子古晉匡（Kuson），今年元旦日，古巨基無預警宣布自己再做爸爸，二胎囝囝Kuderson平安出世，可喜可賀！昨日（8月18日）是古巨基的54歲生日，一家四口的溫馨合照更首度曝光！
古巨基與兩個囝囝
經理人霍汶希（Mani）在IG晒出為古巨基及容祖兒媽媽慶生的照片，並留言：「八月之星生日派對，恭祝金鳳同古Sir生日快樂，祝願你哋幸幸福福開開心心！#古Sir成家一齊着家庭服真喺好溫馨#兩位mini古sir真喺好得意呀#家庭成員由三個變四個」。
相中可見，除了Mani與祖兒，古巨基太太與兩個囝囝，以及蔡卓妍（阿Sa）都有到場一同慶祝，場面熱鬧又溫馨！ Mani更公開古巨基一家四口的溫馨合照，可見他們全家齊齊穿上藍紅間條親子裝，細仔Kuderson臉圓圓、肥嘟嘟，與哥哥Kuson簡直如出一轍，兩兄弟都好可愛！
霍汶希IG圖片
Mani又晒出慶生的影片，開心留言：「好開心可以一齊慶祝生日呀！今次仲有我好鍾意嘅鬼馬Kuson做拍檔~齊齊俾驚喜古Sir & 金鳳#生日快樂」。不少網民都紛紛為兩位壽星送上生日祝福！
影片截圖
影片截圖
影片截圖
影片截圖
影片截圖
影片截圖
影片截圖
古巨基今日（8月19日）亦晒出全家福，可見大仔Kuson為爸爸送上親筆的生日卡，好有心思！古巨基感性道：「每大一歲就越覺得沒有什麼比家人健健康康齊齊整整更重要。」他又分享兩個囝囝及家人的近況：「哥哥甩牙了，弟弟出牙了；哥哥上小學了，弟弟學行路了。加上家中四大長老都身體健康，這些都是我和太太現在幸福的點滴和感恩的心情。I love my family, 因為他們所以有今天的我。謝謝大家的祝福。」字裏行間都透出滿滿嘅幸福感，令人感動。
古巨基IG圖片
古巨基IG圖片
古巨基IG圖片
古巨基IG圖片
古巨基早前出席「Talks at Google」，是繼謝霆鋒後，第二位「講Talk」的香港藝人。向來多才多藝的古Sir，除了歌手身份，更是演員、設計師、漫畫家及企業家，今次他除了分享入行三十五年的心路歷程，更暢談對人工智能（AI）影響音樂產業的睇法，席間又化身「湊仔公」，場面搞笑又溫馨。
古巨基早前出席「Talks at Google」。
講座一開始，主持人指無論是80後、90後抑或00後，心目中總有一首古巨基金曲，由《友共情》、《愛與誠》到《愛得太遲》，每首都是集體回憶。古Sir聽完即搞笑回應：「其實我失戀嘅時候都係聽《愛與誠》。」引來全場笑聲。
VIDEO
觀看相關影片按連結：https://youtu.be/rixcd95VVuM
古Sir透露，兒時偶像是張國榮（哥哥），認為哥哥不單止是歌手，更是一位藝術家。他自爆童年時未想過當歌手，反而立志要開畫展，笑言會四處亂畫。不過他同樣喜歡唱歌，「我細個冇筆盒，得個筆筒，於是我就攞住個筆筒當咪，一邊聽張國榮、譚詠麟、梅艷芳嘅歌，一邊背歌詞跟住唱。」後來參加電視台訓練班，由小演員做起，做過「同學甲乙丙」甚至「死屍」，輾轉當上娛樂節目主持，才被唱片公司發掘。
影片截圖
古Sir在講座中詳細分享其音樂創作理念，坦言自己享受做「概念大碟」，由《遊戲 基》、《大雄》、《Human我生》、《時代》到《維多利亞》，每張專輯都有一個完整主題。他解釋堅持原因，「以前會諗，點解呢十首歌會擺埋一齊？大家又會唔記得邊隻歌係邊隻碟，所以一定要俾個原因佢哋，要條『橋』行先。」他以《Human我生》為例，指專輯由《我生》講BB出世，到最後一曲講述離開世界，記錄了一個人的一生，一定要順序由頭聽到尾。他笑說：「你唔可以聽聽吓第一首，然後跳去第十首死咗啦喎，咁樣好跳㗎嘛！」現場觀眾即時報以笑聲。
影片截圖
談及串流平台興起，古Sir認為時代變遷下，聽歌模式改變，但堅信做概念碟仍然有價值，「而家做完一隻歌就可以即刻放上YouTube，大家睇到MV、聽到歌，係全面咗，但對我嚟講，做專輯仍然要有個concept，係習慣嚟。」他透露正籌備下一個新Project，與多位新生代創作歌手合作。
影片截圖
提到近年熱話AI，古Sir謂一直有觀察。早前他以Music Panda的名義舉辦了一個名為「盲聽的歌聲」的比賽，發掘擁有好歌聲但不敢出鏡的參賽者，最後為勝出者製作一首由樂壇曲詞創作人度身訂造的歌曲，再以AI製作MV。對於AI會否取代歌手，古Sir表示「唔會！」「科技冇得驚，驚佢都係會嚟。好似以前錄音帶年代，你會唔會驚CD？到CD年代，會唔會驚數碼？冇得驚㗎！因為時代一直都演變，我哋可以做嘅係點樣喺演變𥚃面靈活自己去繼續做自己喜歡嘅事，保持初心。」他續說：「但我想強調，唱歌同做音樂，就算你彈支結他、唱嗰個聲音、寫嘅曲詞，有血有肉就係有血有肉！係人嘅創作就係人嘅創作！呢樣係替代唔到，你會Feel到有冇溫度。」
影片截圖
除了音樂創作，古Sir近年積極拓展幕前幕後版圖，其創立的YouTube頻道「ChillGOOD TV」是本地熱門資訊與音樂平台，作品曾登上 YouTube 香港年度十大熱門影片，深受網民喜愛，而當中的音樂節目「Music Panda」近年更為香港樂壇作出了不少推動力。
影片截圖
被問到人生如何面對低潮與挫敗，古Sir分享其個人哲學，「我有句座右銘，就係『唔試唔知時運高』同『試吓啦，唔使打一身嘅』。」他鼓勵大家要堅持自己鍾意的事，不怕輸勇於嘗試。就像當年會考自己本身讀理科，卻膽粗粗自修報考美術科，結果拿到C級成績，證明「鍾意」就是最大動力。
影片截圖
講座尾聲，古Sir被問到職業生涯中最「我得咗喇」的時刻，當大家以為答案會是哪個獎項的時候，他卻冧爆話：「我個仔出世嗰時！」全場即時掌聲雷動。他解釋現在最大的快樂就是家庭，更說為了陪伴兒子成長，暫時不會考慮舉行大型巡迴演唱會。「呢啲時光好寶貴㗎！琴晚佢睇YouTube片，關於BB點樣出世，然後佢望住我話：『so cute.』，我即刻拎電話俾佢睇番佢自己出世時個BB樣，呢啲點滴如果錯失咗就冇㗎啦！」至於哪裏是他人生的Happy Place，古Sir就話：「只要係有屋企人嘅地方，就係最靚嘅地方。」盡顯慈父暖男一面。
影片截圖
影片截圖
