《中年好聲音4登峯之戰》星期日晚（8月23日）假啟德體藝館舉行，7強參賽者盛裝亮相競逐終極王者寶座，並由翡翠台晚上7時30分現場直播。止步10強無緣晉級的鄭仲豪與陳旭培為今晚的決賽擔任暖場嘉賓。雖然未能闖入7強，陳旭培指今晚的心情是輕鬆和享受，最初的失落好快就過去了，覺得中年好聲音4的旅程，在當時就畫下句號是OK的，「因為我哋可以有時間調整好自己，今日輕輕鬆鬆唱暖場」。
止步10強無緣晉級的鄭仲豪與陳旭培為今晚的決賽擔任暖場嘉賓。巴士的報記者攝
回顧當晚的淘汰賽，鄭仲豪指自己可能始終無法習慣比賽的舞台，有很多細節的地方可以做得更好，不過人生就係咁，「我覺得盡力咗，無悔，就OK了」。陳旭培指自己時隔10年再玩比賽，亦已經很長時間未再唱歌，因為自己參賽的最後幾集，已經沒有什麼好後悔了，「果個狀況已經係自己可以做到最好的表現了」，特別最後一首歌，唱給了太太聽，已經滿足了。
點擊看圖輯
止步10強無緣晉級的鄭仲豪與陳旭培為今晚的決賽擔任暖場嘉賓。巴士的報記者攝
止步10強無緣晉級的鄭仲豪與陳旭培為今晚的決賽擔任暖場嘉賓。巴士的報記者攝
止步10強無緣晉級的鄭仲豪與陳旭培為今晚的決賽擔任暖場嘉賓。巴士的報記者攝
止步10強無緣晉級的鄭仲豪與陳旭培為今晚的決賽擔任暖場嘉賓。巴士的報記者攝
止步10強無緣晉級的鄭仲豪與陳旭培為今晚的決賽擔任暖場嘉賓。巴士的報記者攝
止步10強無緣晉級的鄭仲豪與陳旭培為今晚的決賽擔任暖場嘉賓。巴士的報記者攝
止步10強無緣晉級的鄭仲豪與陳旭培為今晚的決賽擔任暖場嘉賓。巴士的報記者攝
鄭仲豪指今次參賽，失去了好多時間，但就得到了很多寶貴的經驗，認識很多朋友，希望未來也機會能與更多在香港樂壇打拼的人一起合作，做更多有意義的事。「這不是一個終點，而係一個新的開始」。陳旭培救治，參加中年好聲音的經驗和舞台都好難得，在過去的十個月，與一眾戰友一起在音樂路上追夢。
止步10強無緣晉級的鄭仲豪與陳旭培為今晚的決賽擔任暖場嘉賓。巴士的報記者攝
止步10強無緣晉級的鄭仲豪與陳旭培為今晚的決賽擔任暖場嘉賓。巴士的報記者攝
對於未來的發展，鄭仲豪笑言自己在主持方面沒有天分，拍戲就OK。陳旭培就拍戲與主持都有意嘗試。
TVB音樂選秀節目 《中年好聲音4登峯之戰》今晚（23日）假啟德體藝館隆重舉行，久未露面的曾志偉見證節目成長，形容節目從BB到四歲生日，一屆比一屆做得好，又表示怕亂選心水歌手會被誤當為內定。
曾志偉
曾志偉
曾志偉
曾志偉見證節目成長
曾志偉見證節目成長
曾志偉表示：「睇住佢成長，由個 BB 到𠵱家四歲生日啦係咪呀，同埋一屆比一屆做得好啦，啲歌手一屆唱得好比一屆唱得好啦，咁觀眾又非常之鍾意呢個節目啦，呢個最開心嘅。」他又謂：「今屆好多外援，好似睇緊世界盃咁，馬來西亞、紐西蘭對台灣，好可惜我哋香港隊係差咗少少。同埋我哋議員隊全軍覆沒，原本諗住支持吓我哋嘅人 ，阿康都去到 last 一個啦。但係呢啲真係好難講，你睇有時呢，喺十幾名嗰陣時呢，你覺得阿康係一定有機會頭三名，咁啱嗰一次可能揀錯歌，或者任何嘢就會令到評審隊突然間就係爭緊一個。」
曾志偉怕亂選心水歌手會被誤當為內定
曾志偉怕亂選心水歌手會被誤當為內定
曾志偉怕亂選心水歌手會被誤當為內定
被問到心水歌手是誰？曾志偉笑言：「呢啲時候唔好立亂揀，好危險一陣又話內定。每一年我哋都估錯，所以唔想再估落去。（之後停辦？）唔係停辦，押後少少啫，押後十幾日，畀多少少時間啲選手報名。因為呢三年，呢四年都嚟得好急，可能賽制應該會改少少嘢啊，咁就一定會再做嘅。但係幕後裏面，大家都要喺度策劃緊㗎啦，我覺得我已經唔喺 TVB，但係聽聞係咁。」
他分享其近況：「咪搞緊公司囉，我都係呢行，都係希望能夠畀多啲機會啲藝人。呢五年喺 TVB 就做多咗好多電視嘅嘢，其實我將電影呀同埋其他嘢都擺低咗，咁我自己都想追返上前，尤其係呢五年對 AI，我覺得就基本都唔夠啦，學習多啲 AI 嘅嘢，未來都係 AI 嘅世界。」他續說：「我會幫好多藝人，尤其佢哋發展國內嘅，慢慢啦，出咗嚟先係半年。」提到與蔡思貝合作，他謂：「因為佢（蔡思貝）搞緊女足，等佢做完曬宣傳先，再慢慢地，唔急嘅。佢一路做宣傳都未得閒，等佢做完曬先。」被問到合作需要甚麼條件？他回答：「識做戲就得㗎啦，我仲有好多新人㗎嘛，無乜所謂嘅，一定要畀多啲機會啲藝人，同埋有啲老朋友，咁都希望幫到佢哋。」
談到衛詩雅近日受傷一事，曾志偉說：「我知道嗰陣時，佢（衛詩雅）已經入醫院啦，跟住就唔想騷擾佢啦，跟住佢就攞獎啦，恭喜佢啦。我覺得呢個意外大家都唔想，始終都係意外。最可幸嘅就係佢攞返咁嘅百花獎，呢個係咁多年佢努力，佢應得嘅嘢嚟㗎，咁多陣時我睇電視，我自己都好開心，佢又講得好好啦。」他大讚衛詩雅是一位很好的演員，「想佢好快康復，希望多啲機會佢合作。無得防，始終咩叫意外，就係意料之外，佢發生嗰個過程，都係無人會諗到咁樣嘅，受傷同埋會咁嚴重，咁所以係拍戲就係咁嘅。」他覺得：「唔淨止拍戲，所有嘢都係意料之外，其實冇人想發生，即係我都話意外就係你諗唔到，差錯腳又係一個意外，你見咁多演唱會，好多人跌咗落去升降機台，又係意外，大家都想小心啲，但係就發生咗，所以冇得講。」
