TVB音樂選秀節目《中年好聲音4登峯之戰》於8月23日晚上假啟德體藝館隆重舉行，一身深藍色晚裝現身的海兒接受傳媒訪問，回應近日被指停工及封盤的消息。
海兒
海兒
海兒派心
海兒派心
海兒派心
海兒派心
海兒派心
談到《中年好聲音4登峯之戰》，海兒說：「好緊張啊，因為過得好快又一年， 眨下眼就又一年，今年都錄得幾耐，呢一次錄影都十個月啦，所以 It's a long journey。」被問到會否停工時，海兒表示：「我應該冇得放假住，𠵱家都一路工作，都排到去一月啦，跟住嚟緊去到年尾仲有兩個舞台劇，十二月嘅時候就有一套，跟住仲有一套就傾緊，之前咪做 Nancy 嘅，Nancy 都傾緊 on tour 就去廣州、澳門啊、順德嗰啲會傾緊 on tour 嘅，所以暫時都冇得放假住。（梗係好囉？）真係超級好。」
點擊看圖輯
海兒
海兒
海兒派心
海兒派心
海兒派心
海兒派心
海兒派心
海兒接受傳媒訪問
海兒接受傳媒訪問
海兒接受傳媒訪問
海兒接受傳媒訪問
她又回應早前的報導，「因為見到有啲報道話以為我會去外國留學，其實呢個我都唔好意思嘅，其實篇文我中文唔係好好，咁我用英文嘅 AI 翻譯，可能會搞到有少少誤解，所以真係留返喺香港搵錢，譬如下個星期又接咗一個代言就要拍攝㗎啦，跟住又有好多唔同嘅工作，排到去一月，所以就暫時唔會離開香港住，都要搵多啲錢。」
被問到感情事，海兒謂：「其實封盤呢......如果有一日我真係結婚嘅話，我一定會第一時間同你哋講，應承！，唔好發誓啦，但係應承啦。（會唔會請飲？）我請！全部請哂！我備多盒紙巾。」談及相處之道，對她來說：「我覺得同任何人相處，經理人、屋企人、朋友又好，最重要呢都係大家心地善良啦，愛惜大家啦，識得包容、遷就，我覺得同所有人相處舒服都係呢個必要條件嚟嘅。（拍咗幾耐啊？點樣稱呼佢？）嘩！你會咁樣叫㗎？K 先生咁？我又冇聽過可以咁叫，普通點叫人咪點叫人囉，人哋叫咩名咪叫咩名，大家叫咩名咪叫咩名。我不嬲識人同交朋友，或者所有嘢冇話係興趣係好重要嘅，但係我覺得最好就有少少重疊啦，人生上，無論係朋友又好，屋企人又好，咁我哋相處嘅時間都可以多啲一齊，開心可以做嘢，即係一齊享受時間嘅，活動囉我會話。」
被問到會否吵架？她直言；「其實我好少同人嗌交，你可以問下我啲經理人，我通常俾人鬧，唔係我講㗎。小鳥依人？我間唔中都會，睇下同咩人一齊。因為我仲有好多嘢想做嘅，我覺得感情方面，我都係......唔係我人生呢個階段嘅重點囉我會話。譬如我啱啱講話我要修讀嗰個課程，就係講關於去幫小朋友點樣保持佢哋聲帶嘅健康同發聲正確嘅，因為其實我就咁親戚啦，有啲小朋友可能四、五歲，突然間會把聲好沙啊，或者 feel 到佢哋講嘢嘅時候好用力啊，學唱歌嘅時候可能聽到好多成人唱歌嘅方法，會好直接去抄咗成人講嘢或唱歌嘅聲音，咁我𠵱家讀緊呢個課程可能都要讀一年有多啦，有分好多個步驟啦，去到最後個步驟，可能去外國留少少時間嘅，但係暫時就喺香港 online，𠵱家資訊發達，就可以係上網讀，面試嘅時候都係透過 online 嘅，我之後呢就想開一個叫 Voice Care Centre 嘅一樣嘢啦，就係幫啲小朋友保護聲音，學識點發聲，但係其實做呢個可以話係 Business 嘅嘢，都要用可能七位嘅數字，跟住嚟緊我自己呢都想出一啲非主流嘅歌曲嘅 Album，諗下如果整一個 Album，十首、八首歌都差唔多，夾埋都要七位數字，所以𠵱家就係努力工作，Focus 係事業為上，我成日都答，事業為上、搵多啲錢，跟住就可以做我自己想做嘅嘢，係最重要。（拍拖就少啲？）你覺得我平時多唔多講？咁咪係啦。我覺得每個人定義有少少唔同嘅，我覺得我對我人生𠵱家嚟講，我覺得好幸福快樂嘅每一個方面，無論係事業上、屋企上，或者學業上、感情上，全部嘢都非常開心。」
