中年好聲音4｜「小野貓」蔡宓婕滿意舞台發揮失落三甲不失望 盼回歸平淡家庭生活

全城矚目的歌唱比賽節目《中年好聲音4》決賽《登峯之戰》於昨晚（8月23日）隆重舉行，經過一輪激戰，尹景順以大熱姿態成功奪得冠軍寶座及十萬元獎金，許雲妮屈居亞軍，鄭家聲奪得季軍。而有「小野貓」之稱的蔡宓婕雖然落敗，但她對自己的表現已很滿意！

蔡宓婕（本網記者攝）

蔡宓婕表示，在如此緊張的狀態下，自己整體發揮算不錯，第一首歌仍有進步的空間，可以做得更加好，而唱第二首歌就完全放開享受舞台，玩得很開心，「所以第二首歌，我唱完之後都覺得值得啦！唔理咩名次啦，我自己係玩得好勁嘅！」提到之前她前明言想得到第三名，但最終失落名次，會否有失望？蔡宓婕直言沒有，因為想完成這個比賽的心情，比想拿到三甲的心情更加強，而且她與鄭家聲、吳亦偉是同分，人氣方面輸給鄭嘉聲亦是心服口服！她認為自己在台上已將自己能夠發揮的已經做得很盡，唱的兩首歌沒有很大失誤，已為自己感到驕傲，但唯一遺憾是沒有機會唱想送給在場支持自己父母的歌。

本網記者攝

本網記者攝

至於完成比賽後，蔡宓婕表示最想的是回到正常的生活，回歸作為媽媽、老婆、在舖頭賣衫的正常人，可以有正常的生活作息，不用再比賽、沒有壓力的生活。不過，她亦開明表示，如果日後有合適的幕前工作邀約，自己亦樂意嘗試，更大方笑言當初參加《中年好聲音 4》，初衷都是為賺錢養家。

本網記者攝

提到其他落敗的選手比賽後已離開，是否對自己的成績感到失望？蔡宓婕就認為大家對於自己理想中的名次和決心是不同的，或者他們在臺上有什麼突發事件發生是大家不知道的， 所以需要時間消化一下也是正常的，「我哋行到嚟呢個舞臺已經好唔容易，呢個都係一個經驗，唔理係咩失誤，或者好嘅或者唔好嘅，呢個都係我哋可以學習嘅嘢。」

本網記者攝

TVB音樂選秀節目《中年好聲音4登峯之戰》於8月23日晚上假啟德體藝館隆重舉行，評審之一的李克勤於賽後接受傳媒訪問，大讚今屆參賽者的水平非常高，並鼓勵失準的參賽者。

李克勤

李克勤

李克勤

李克勤

李克勤

李克勤

李克勤

對於成為今屆的評審之一，李克勤表示：「緣份嚟㗎嘛呢啲嘢係。其實我一直都有睇呢個節目嘅，不過喺屋企睇呢，同喺呢度做評判個感覺又完全唔一樣啦。我今晚係好享受嘅，因為水平非常之高啦，呢個亦都唔需要我再講，因為今年《中4》嘅參賽者嘅水平都真係好高嘅。睇到觀眾嘅反應亦都知道其實賽果都應該係眾望所歸，其實唔使我哋嚟評，都應該......如果大家有睇嘅，都應該同意嗰個三甲嘅賽果。」

李克勤大讚今屆參賽者的水平非常高

大讚今屆參賽者的水平非常高

被問到三甲是否其心水？李克勤回答：「係，絕對係，絕對係。不過就覺得有啲可惜囉，真係一個令到人哋好懵憎嘅錯誤囉，嗰個唔記得戴耳機係佢好唔好彩嘅係，嗰隻歌開頭係冇鼓嘅，咁如果開頭佢係有一啲節奏畀佢嘅，咁可能佢會 handle 得比較好啲。佢嗰隻歌本身全隻歌都好難唱，由頭到尾佢都要聽得好清楚去表達，就算佢後尾戴返嘅時候好明顯已經打亂咗成個部署。我冇辦法畀到好高分佢，所以呢個係可惜，係一個低級錯誤，我唔想用低級呢個字眼，但係點解要決賽先......呢個係可以避免嘅錯誤啦，應該係咁講。」

他鼓勵失準的參加者：「即係可能係佢人生中其實係得一次嘅啫，但係就偏偏係今日發生囉，但係都唔緊要嘅，因為米已成炊啦，咁就塵埃落定啦，好似我哋以前啲頒獎都係嘅，佢係其中一個唱得好嘅，咁頒獎禮都係啦即係贏，攞咗獎之後都係威水過一晚，第二日開始，大家重新又再嚟過。佢哋仲有漫漫長路可以畀佢繼續每日戴住個耳機，所以唔好氣餒囉，千祈唔好氣餒。」