有網民在社交平台發文，指小西灣一間速剪理髮店收費與價目表不符，明明標明「男仕$70」，剪髮後卻被多收10元，而髮型師給出的理由竟是「因頭髮過咗耳仔」，令事主及一眾網民大感匪夷所思。
網上圖片
網民在小西灣居民的Facebook群組發帖，為朋友抱打不平。帖文指，其朋友光顧一間速剪理髮店，價目表清楚寫明「男仕$70」，惟剪完後結帳時卻被要求多付10元。當朋友追問收費為何與標價不符時，髮型師解釋是因為「頭髮過咗耳仔」。樓主對此大感不滿，強調朋友「是一般男士髮型，沒有過耳也沒有過膊」，並表明「以後唔會再幫襯」。為了避免更多人「中伏」，樓主決定將事件公開，提醒街坊留意。
網上圖片
從事主貼文內容描述，該「極速單剪專門店」門面為玻璃門，門外貼有宣傳海報及營業時間，其中一張以白紙黑字列印的「價目表」尤其顯眼，而價目表」的內容列明「男士精剪$70」、「油頭，女士髮型$80」，而學生穿校服則為$60。不過底部仍有一行細字：「髮型設計、長髮(是指到膊)、Bob頭、Gel頭、吹頭，各需加$10」。價目表清楚寫明「長髮」的標準是「到膊頭」，似乎與髮型師所講的「過耳仔」明顯有出入。
AI示意圖片
帖文曝光後隨即引發網民熱議，大批網民批評店家手法「巧立明目」。不少網民認為，為了區區十元而損害商譽，做法極之短視，直言「賺多十元。冇咗個客，呢啲咪戇Ｘ囉」、「做生意要老老實實先可以長久」。
對於「頭髮過耳要加錢」的邏輯，網民更紛紛留言嘲諷：「頭髮唔過耳仔我就不用剪啦」、「唔長就唔洗剪啦，癡線架」、「咁女性多數長頭髮，係咪要用把尺每吋收費？」有網民更抵死地問：「你朋友個耳仔係咪墮到落個膊頭度㗎」、「佛祖對耳都無咁勁」。
