「糧尾」得返幾百蚊，究竟可以點捱到出糧日？近日一名港人在Threads發文，透露戶口僅餘323元，因每日由粉嶺往返尖沙咀上班，更要在外解決三餐，遂向AI求助「如何存活到9月1日出糧」。AI扣除6日交通費後，計出每日三餐僅得23元預算，令事主苦笑。帖文引發網民熱議，紛紛分享各式慳錢妙招。
《愛回家》劇照。示意圖片
樓主在帖文中以「其實AI真係好X勁，教埋你點生存」為題，透露自己由粉嶺到尖沙咀上班，一日三餐都要「在外解決」，在僅餘$323的情況下，只好向AI求助，看看能否撐到出糧日。AI分析指，由8月25日至9月1日，假設需上班6天，加上要應付往返粉嶺及尖沙咀的車費，形容「絕對是一場極限生存挑戰」，故需將車費及飲食支出「壓到最低」。
《愛回家》劇照。示意圖片
經AI推算，由粉嶺往返尖沙咀單程車費約$14.9至$15.5左右，來回約$30至$31，以6天計算，車費支出為$185。換句話說，樓主僅餘$138元「飯錢」，以每天三餐預算合共只有$23。面對這個殘酷現實，樓主表示「真係唔該晒」，又認為自己可以捱得住，「撐得住嘅，冇嘢嘅」。
示意圖片
帖文曝光後，隨即引來不少網民留言，分享節省用餐成本的方法。有人鼓勵樓主「自煮」，「馬死落地行就係要帶飯，每一餐食三個印尼撈麵+一隻雞蛋$7，三餐= $21」、「每朝食兩塊麵包 $3，中午就帶米粉焗$2」、「留意下m記yuu嗰類有分儲嘅app，啲分可以redeem（兌換）嘢」、「買雞蛋然後烚幾隻都可以當其中一餐」。有網民則分享如何降低車費支出，「尖東可以啪八達通特惠站平2蚊搭地鐵」、「以後出糧買左（港鐵）月票先」。
對於網民傾囊相授的慳錢大法，樓主表示深受感動，「都係俾意見、鼓勵支持，冇踩多腳奚落我，香港人好有愛，謝謝」。
