公屋首派中東涌靚樓　港爸為4歲女升學陷兩難：要樓定搏第二派？

等了多年終於獲派公屋，理應開心，但有港爸卻為此苦惱。

等了多年終於獲派公屋，理應開心，但有港爸卻為此苦惱。FB截圖

他與太太輪候擴展市區三人家庭公屋，近日獲派東涌新落成的雋東邨雋永樓中層單位。然而一家三口長居馬鞍山，四歲女兒即將升讀K2，加上自己於荃灣上班，太太亦計劃重投職場，令他在「要樓」與「搏下一派」之間陷入兩難，帖文引來大批網民議論。

港爸在「要樓」與「搏下一派」之間陷入兩難，帖文引來大批網民議論。AI生成圖

樓主坦言，自己與太太渴望上樓，但現實考量令人卻步。一家人現居馬鞍山，首要擔憂是女兒的升學問題，不禁請教網民：「小朋友將來讀書，東涌區內中小學校多唔多？係咪通常誇區出青衣？」

此外，樓主本人在荃灣區工作，對東涌對外交通配套存有疑問；加上太太計劃日後做兼職幫補家計，亦關心「區內就職空缺多唔多」。

網民意見兩極。關注子女教育的網民一致建議樓主放棄東涌，有過來人現身說法，直言自己「第一派東涌，果斷放棄，二派沙田畢業，雖然舊樓」，引起多位同樣經歷的網民共鳴。

有網民直指東涌校網選擇有限，「東涌校網唔太好，好似連一間band 1都無」，與名校林立的沙田校網相比，「真係差唔多求其一間村校都同佢有得比」。

港爸在「要樓」與「搏下一派」之間陷入兩難，帖文引來大批網民議論。AI生成圖

對於跨區到青衣或葵涌求學，家長們連番勸阻：「跨區去青衣好辛苦㗎，你想你個女辛苦嗎？」更有同獲派雋永樓的家長表示已決定拒絕簽約，認為「小朋友返學時間太耐，冇必要為咗新樓而捱咁長通勤時間」。亦有網民建議，若樓主有長者同住或希望留於馬鞍山，可在拒派時向房屋署詳細陳情，爭取次派重返沙田。

支持接納單位的網民則從居住環境與經濟角度出發。有已入住雋東邨的街坊分享：「我要咗雋東邨，唔使捱貴租滿足了，慳返嘅租金足夠生活費同交通費有突，真心覺得唔錯。」

有網民分析，「屋就隨時住一世，小朋友讀書中小學加埋都係10幾年，新屋邨樣樣新，鄰居都係年輕家庭，起碼冇咁易遇到麻煩住戶。」更反問：「如果下一派係沙田區舊樓二樓垃圾房隔離，你會唔會要？如果冇問題就搏第二派。」

港爸上網諮詢網民意見。AI生成圖

交通方面，支持派指出東涌對外交通已大為改善，例如「村外有E32A到荃灣」，對在荃灣上班的樓主而言比從馬鞍山出發更直接。就業方面，鄰近赤鱲角機場提供大量職位，「機場D工多到你揀唔晒」，太太物色兼職絕非難事。

在公屋派位機制下，拒絕首派固然有機會換取更心儀地區，但亦伴隨獲派更舊屋邨或重複派位的風險。有苦主大吐苦水：「今日食咗個炸彈，一派雋東二派迎東。」亦有網民苦候三派依然在離島區打轉，提醒樓主派位難以預料，隨時未見沙田反再中東涌。

有網民總結：「世上好難有十全十美。」樓主其後留言感謝網民意見：「多謝各位有心人回覆，小弟收到好多意見，消化下先。」

雖然近年生育率持續偏低，但社會上仍有不少夫婦選擇生兒育女，暑假期間街上不時見到父母帶着子女逛街食飯，一家人樂也融融。不過，近日有網民形容現時的小朋友「生性到好恐怖」，更引來大批網民分享子女阻止父母消費的爆笑經歷，令一眾家長哭笑不得，甚至笑稱這班小朋友猶如「刻苦耐勞嗰代人轉生返嚟」。

示意圖。AI生成圖片

事緣早前有一位港女行街經過精品店時，親眼目擊一段母女之間的對話。她表示當時觀察到身旁一位媽媽正「揀緊Kuromi公仔」，正當媽媽滿心歡喜之際，身旁年約5歲的囡囡竟然出言勸阻，一本正經地對媽媽說「你唔好買埋啲又貴又冇用嘅嘢啦」。當媽媽試圖堅持回應到「呢隻好得意呀」時，囡囡竟繼續老積地建議「你不如買書睇吓仲好啦」，場面既搞笑又令人驚訝。

示意圖。AI生成圖片

示意圖。AI生成圖片

帖文曝光後隨即引起大批網民共鳴，紛紛分享自己子女的類似經歷。有網民表示「我個仔都係咁講野，當我行街睇緊化妝品，佢會話『你唔好又買埋啲無謂嘢啦』」；亦有網民分享「我仔都係咁，有次佢陪我行街，我睇咗個手袋問佢靚唔靚，佢當住個sales面前話：咁細裝得啲乜？」，令媽媽當場尷尬不已。更有人憶述曾在精品店閒逛時，「見到個6-7歲小朋友唔俾契媽買嘢俾佢，『契媽你唔好買啦，好貴呀，你已經買咗好多俾我啦！』，跟住跑去揾阿媽求救『媽咪呀契媽又想買嘢俾我啦』」，場面令人忍俊不禁。

示意圖。AI生成圖片

示意圖。AI生成圖片

樓主搞笑形容「刻苦耐勞嗰代人轉生返嚟」，因而出現大量心智與年齡不相符的小朋友；又有網民附和笑稱「孟婆湯越來越稀」、「《重生後決心買金助原生家庭脫貧》」。不過，亦有網民坦言「小朋友係學習屋企人講嘅嘢」，認為這班小朋友可能只是聽屋企人講得多，從而潛移默化，並非真的天生慳家。