Coffee林芊妤呻「遇上宇宙最強情敵」自爆遭囡囡搶老公兼「老屈」

娛圈事

Coffee林芊妤呻「遇上宇宙最強情敵」自爆遭囡囡搶老公兼「老屈」

2026年09月02日 10:00 最後更新：10:16

36歲的林芊妤（Coffee）於2018年與圈外男友翟志榮結婚，翌年誕下囝囝翟德彥，去年11月初迎來二胎囡囡，榮升幸福的四口之家！Coffee不時在社交平台分享湊B日常，近日她就大呻自己「遇上宇宙最強最強最強最強的情敵」，而這位情敵正正就是囡囡。

Coffee晒出老公與囡囡的恩愛合照，爆被囡囡「搶老公」，「訓醒見到呢個畫面，其實晚晚都係我攬實妹妹同哥哥瞓覺嘅，今朝妹妹醒咗自己坐咗起身玩，我睇睇下佢玩～我哋又唔小心再訓着咗，跟住我起身就見到佢哋兩個攬埋一舊訓緊，我而家終於知道我老公呢7年嘅感受‍，我俾人搶咗個老公呀！」

點擊看圖輯

林芊妤一家四口。

Coffee與「情敵」

Coffee林芊妤IG圖片

View this post on Instagram

A post shared by 🧘🏻‍♀️C O F F E E L A M🧘🏻‍♀️ (@coffee89921)

Coffee又分享一段被囡囡「老屈」的經歷，「跟住今日晏晝我喺間房度餵緊妹妹飲奶，老公突然行入房搵我，妹妹望上去既時候咬實咗我個乳頭痛，我嗰刻痛到即刻捻一捻佢個鼻等佢鬆口，佢係鬆咗口但係竟然喺度大喊，跟住我老公即刻9秒9抱起佢喺度安慰佢，然後問我做乜要整喊佢！👩🏻：what?????!!!!我先係受傷嗰個呀！！生女原來係咁既感覺～好委屈啊！要反吓眼先得！」帖文一出，這段真實又搞笑的家庭互動，引得大批網民留言爆笑，不少人都共鳴表示生女之後爸爸多數都會變成「女兒奴」。

往下看更多文章

Coffee林芊妤為囡囡大搞1歲生日派對一家四口盛裝現身被朋友笑隆重過自己結婚

37歲的林芊妤（Coffee）於2018年與圈外男友翟志榮結婚，翌年誕下囝囝翟德彥（彥彥），去年11月初迎來二胎囡囡Rea，湊成一個「好」字，榮升幸福的四口之家！Coffee不時在社交平台分享湊B日常，轉眼間囡囡Rea已經1歲大，向來重視家庭的Coffee日前就為囡囡大搞1歲生日派對，熱鬧程度更比她當年結婚更為隆重！

Coffee當年只在親友見證下低調完婚，但對仔女的慶祝活動向來親力親為又費盡心思，今次囡囡Rea的1歲生日，她更是隆重其事！Coffee在IG晒出生日派對當日的照片，可見一家四口齊齊盛裝上陣，大仔彥彥全程對妹妹呵護備至，一家四口互動非常有愛。

View this post on Instagram

A post shared by 🧘🏻‍♀️C O F F E E L A M🧘🏻‍♀️ (@coffee89921)

面對朋友取笑「你個囡個1歲生日會仲隆重過你結婚嗰陣時」，Coffee毫不掩飾身為母親的驕傲與儀式感：「無錯呀，因為自從我8年前做左人媽媽之後，先知道慶祝小朋友既生日有幾咁重要，因為媽媽根本就係最神奇最偉大既魔術師，你哋諗吓呢件事幾咁神奇，小朋友嘅眼耳口鼻、所有器官、皮膚、血液、手手腳腳，全部都係我既身體入面由一粒蝌蚪開始做出嚟，佢地仲會隨着時間慢慢進化，雖然最後製成品都係成個我老公咁嘅樣。」

Coffee亦娓娓道出懷孕學哺乳的辛苦，「但究竟嗰九個月入面我身體經歷咗啲乜？根本就係打咗一場只有自己先知既硬仗，而且生完出嚟仲要繼續棉乾碎濕咁日湊夜湊，餵人奶又將自己所有骨膠原啊血啊精華奉獻晒俾佢地，真係諗起都覺得自己偉大到想喊，再加上過咗一歲就好似跨過咗一個大嘅關口，單純諗吓就已經覺得1歲生日好需要大搞特搞慶祝下，跟住再同自己講返聲，辛苦晒！我已經做得好好同好叻架啦！！！」字裏行間道盡由新手媽媽至成為兩孩之母背後的辛酸和感動。