港媽贈3萬龍鳳鈪賀子娶妻 婚後要求代為保管被拒 嬲爆狠批：反骨無情

娶新抱本來是開心事，天下父母都盼著子女婚姻美滿、家庭幸福，但一旦牽涉金錢財產，親情隨時可能變質。近日一位港媽在社交平台Threads嬲爆發文，事緣她當年送贈一對價值約3萬元的龍鳳金鈪給兒子作結婚賀禮，婚後卻想取回「代為保管」被兒子斷言拒絕，氣得她連環狠批兒子「反骨無情」、「禽獸不如」、「狼子野心」，帖文一出即引來大批網民熱議。

網上圖片

示意圖。AI生成圖片

這位港媽在Threads上大吐苦水，開首便寫道「真係好心痛，唔知自己做錯啲咩，會養出一個咁反骨無情嘅仔」。她憶述當年兒子結婚時，自己送贈一對價值約3萬元的龍鳳金鈪，惟事後愈想愈不對勁，認為「擺喺新抱同新抱媽媽個保險箱入面唔好」，於是「好心同個仔講，想叫佢放喺我同佢嘅保險箱等我可以保管返，而且間唔中自己想拎出嚟睇吓都得」。

示意圖

本以為兒子會欣然配合，豈料對方一口拒絕，令發文者極度不滿，狠批「我付出咗咁多，供書教學，養到佢咁大，而家只係想好心幫手保管返對金鈪，佢竟然唔肯！正一禽獸都不如！狼子野心！」她又解釋指「當日佢結婚，我送對龍鳳鈪時已經話左對龍鳳鈪係畀佢哋兩個，唔係淨係畀個新抱」、「理應係代表我個仔有50%，新抱有50%」、「既然我個仔有份，咁即係我都有份啦，咁我有份，有咩理由唔可以畀我保管？」

示意圖

發文者更不滿「點解我問個仔攞返時，佢居然話龍鳳鈪係應該畀新抱？佢有無放我呢個阿媽在眼內？」帖文隨即引起網民關注，惟大部分網民均不認同其觀點，反斥「送咗出去又要攞返嚟保管咁都得？咁當初就咪鬼送啦，真係夠晒cheap」、「送出去又要保管，你早出聲，我做仔會叫你咪X送」、「你都送咗俾佢，點解你要保管返呢，同埋佢嘅嘢佢想點咪點，唔好直接就話佢貪錢啦」。

亦有網民嘗試藉此剖析發文者心理，「表面係金器之爭，實質係覺得個仔俾人搶咗……已經很多人鬧你了，我反而想勸你一句：汝之執念而至瞋恨，應慎之戒之，否則他朝將成大憾」。

網上近日瘋傳一段村屋閉路電視影片，畫面令人極為不安。一名戴帽的老伯途經一間村屋單位門前時，竟鬼祟走近晾衫架，將整個頭湊近一條白色的女性內褲「索一索」，隨後急急腳快步離去。影片曝光後，大批網民齊聲鬧爆老伯的行徑，直斥極其嘔心及變態。

FB影片截圖

據了解，有網民在社交平台fb專頁「香港突發事故報料區及討論區」分享該段影片，並附上一句「搵家人認領返佢。」從片段所見，一名戴帽的老伯行經一間村屋單位門口，瞥見住戶擺放在門外曬衣架上的多件衣物，當中包括一條白色的女性內褲。老伯隨即鬼祟地環顧四周，確認四下無人後，便逐步走近晾衫架。

FB影片截圖

FB影片截圖

接下來的畫面更加令人側目。老伯先用手揉捏該條內褲，繼而將整個頭部湊近內褲，做出嗅聞的動作，整個過程大約持續了10秒，之後他才迅速離開現場，行徑相當可疑。

影片曝光後，網民齊聲鬧爆伯伯的行為，紛紛留言怒斥「令人反感」、「非常嘔心」及「真係羞家」。不過亦有網民發揮創意留言揶揄，有人笑指「阿叔話聞一聞心情開朗」，亦有人抵死地稱「阿伯～嗰條係阿強條底褲嚟㗎」、「做咩聞我老爺條女裝底褲，佢得一條！」、「聞一聞醒腦提神，索一索舒筋活絡」，更有人戲謔「睇清楚啲，佢係拎底褲前面塊手巾仔嚟抹手加擤鼻涕」，留言區一片花生味。

FB影片截圖

事件亦令不少街坊提高警覺，提醒住戶切勿將內衣褲等貼身衣物晾曬在戶外或容易被路人觸及的地方，以免被弄污或發生不愉快事件。