傅穎被前隊友好友留言暗寸「唔識社交」反擊：沒必要攻擊對方

傅穎(Theresa)早前接受訪問，詳談當年在隊內遭欺凌的經歷。她透露，拍劇期間身體不適，卻曾被其中一名隊友「指住嚟鬧」，當時她沒有反擊，只是默默離開現場。即使後來Cookies變成「四餅」，她亦指自己被隊友孤立的情況仍然持續。

Theresa早前接受訪問，詳談當年在Cookies隊內遭欺凌的經歷

她透露，拍劇期間身體不適，卻曾被其中一名隊友「指住嚟鬧」

後來Cookies變成「四餅」，她亦指自己被隊友孤立的情況仍然持續

Theresa形容，有時隊友原本正談笑風生，但只要自己一出現，現場就會突然安靜下來；而當她嘗試與隊友說話，亦曾慘遭無視。這段往事近日再度引起討論。

Theresa今日（1日）更在社交平台分享一名網民的留言，對方認為她當年被欺凌，可能與性格及社交能力有關，並留言：「你係天生唔識同人社交又高敏，就唔好成日話欺凌你啦：）冇朋友都要好好學下同人溝通😊加油」

有網民發現，留言者原來是Stephy的好友

其後有網民發現，留言者原來是鄧麗欣(Stephy)的好友，而Stephy本人、方力申，以及「茶水間KOL」區文詩亦有追蹤對方。Theresa亦知道對方與幾名前隊友關係密切，因此決定公開回應。

她解釋自己為何要反擊：「為什麼要回覆她？因為我應該，而且需要公開回覆。我認識的人既然都有關注她，是老死，我更應該回覆。」

對於有人認為「唔鍾意一個人」未必等於欺凌，Theresa亦作出反駁。她表示：「唔鍾意一個人，你可以唔同佢玩，唔同佢講嘢，對方亦未必好想同你玩，但係冇必要對對方做帶有攻擊性的行為。」

至於外界質疑她為何經常重提被欺凌的經歷，Theresa就反問：「聯合幾個人杯葛一個人，日日玩針對，事後被問起不能再提，你做得到嗎？」

Theresa反問：「聯合幾個人杯葛一個人，日日玩針對，事後被問起不能再提，你做得到嗎？」

她又將事件延伸至校園欺凌問題，問道：「如果這樣是對的話，那麼受到校園霸凌的學生，他們該怎麼去面對？」

其後，Theresa再公開更詳細的回應，強調自己其實非常冷靜，並沒有因事件而動怒：「話說到這裏，這些人的朋友，真的沒必要給我留言。別以為我很生氣的在控訴，現在我比任何時候都冷靜。」

Theresa強調自己其實非常冷靜

41歲前Cookies成員傅穎（Theresa，現改名傅寶誼）近日捲入「冇朋友」爭議。早前有鄧麗欣（Stephy）的好友留言挑釁，指她「天生唔識同人社交又高敏」，更叫她「唔好成日話欺凌你啦」，認為冇朋友亦應該學習與人溝通。

Theresa近日捲入「冇朋友」爭議

鄧麗欣其後出席活動時澄清，留言並不代表自己立場，同時亦代朋友向所有受事件影響的人致歉。不過，Theresa日前就在抖音上載一段短片，以「攻擊力強的人可以忽略這條片」為題，大談自己對社交及人際關係嘅睇法。雖然全片冇點名任何人，但內容就被網民解讀為疑似回應近日嘅「冇朋友」論，當中不少說法都相當有骨。

Theresa先從心理學角度分析成年人嘅社交模式，指人與人之間其實存在一種「邊界博弈」。她表示，較擅長處理人際關係嘅人，通常具備爭取話語權嘅能力，以及一定程度嘅攻擊性；相反，性格溫和、攻擊力較弱嘅人，就未必適合呢套遊戲規則。

Theresa先從心理學角度分析成年人嘅社交模式

她形容：「性格溫和、攻擊力弱嘅人，就好似一個攞住木劍上戰場嘅士兵一樣，唔係你唔夠努力，而係呢個遊戲規則本身就唔係好適合你。」

Theresa又提到「高敏」體質，認為攻擊力較弱嘅人往往對周圍情緒更加敏感，容易察覺其他人細微嘅情緒變化、客套背後嘅疏離，甚至係隱藏嘅敵意。對佢而言，即使睇得出呢啲微妙氣氛，都未必代表一定要出手反擊。

她認為，如果勉強自己融入複雜圈子，反而可能不停吸收其他人嘅負面情緒，最終造成精神內耗。她又引用心理學家榮格嘅觀點，指：「內傾者的能量源於獨處，強行融入喧鬧嘅人群等同透支緊你，唔好覺得越多越合群先代表優秀。」

她又引用心理學家榮格嘅觀點，指：「內傾者的能量源於獨處，強行融入喧鬧嘅人群等同透支緊你，唔好覺得越多越合群先代表優秀。」

對於「冇朋友」呢個說法，Theresa亦似乎有自己一套答案。她強調：「減少社交絕對不代表孤僻封閉」，而係主動進行「社交斷捨離」，篩選真正真誠、簡單、冇太多拉扯嘅關係，同時遠離充滿是非、會消耗自己嘅圈子。

她建議，主動進行「社交斷捨離」，篩選真正真誠、簡單、冇太多拉扯嘅關係

她更直言，自己嘅優勢可能並唔係人際交際，而係深度認知、獨立思考以及安靜創造，因此冇必要逼自己變成另一種人：「你既學唔識人哋好假好圓滑，亦可能冇咗你本身自帶嗰種真誠，當然過份真誠亦都唔係一件好事。」

她直言：「你既學唔識人哋好假好圓滑。」

講到最後，Theresa更加語重心長：「除非對方相伴時比你獨處更加舒心，如果說唔係唔需要勉強相聚，將你慳返落嚟嘅心力收返自己身上。」

她又指，複雜人際關係表面上可能睇落好風光，但背後亦可能伴隨更多是非及反噬，因此「唔需要勉強去入局，唔需要逼自己去參予嗰啲拉扯」，最後更以一句「你條命都好矜貴」作結，態度相當鮮明。

其實Theresa過往亦曾公開談及自己與Cookies隊友之間嘅恩怨。她早前重提Cookies變成「四餅」後嘅經歷，憶述當年一上車，隊友就陷入「靜音冷暴力」，令她一度每日返屋企以淚洗面。

而楊愛瑾（Miki）2013年接受電台訪問時亦曾談及事件，坦言當年「大家真係好細路女」，並指自己等人當時難以接受Theresa嘅處女座完美主義及說話方式，事件甚至要驚動高層出面調停。

不過十多年過去，昔日恩怨亦已經逐漸淡化。Theresa 40歲生日時曾在社交平台晒出與Miki嘅合照，更加上心心符號，足見兩人早已放低過去，關係亦由昔日嘅芥蒂走向破冰。