「恨駕女團」拜賽車手盧思豪為師 周家怡為賽車椎間盤受傷入院

由周家怡、李靖筠（Gladys）及海兒（Hedy）主理的駕車節目《恨駕女團》愈玩愈極致，由最初的遊車河分享駕駛樂趣，到介紹各款靚車名車，今次直頭要挑戰考賽車牌，絕對唔講得笑。

觀看相關影片按連結：https://youtu.be/-nQqHvqXdzM

今次「恨駕團隊」專誠請來香港傑出運動員、曾連續奪得香港房車錦標賽總冠軍、並在多項亞洲及世界級賽事中取得佳績的香港知名賽車手盧思豪作為三位女將的師父。這個「賽車手育成企劃」來到第二集，思豪坦言對三人充滿信心，「我訂立嘅賽車牌課程裏面，個重點唔係真係在於要揸到幾快，基本上係要認識賽車呢件事、知道安全性、同埋完成到一啲簡單嘅任務其實就可以pass到，所以我冇擔心過。」

影片截圖

影片截圖

思豪又指「好勝心」是賽車手必備條件，但家怡跟Hedy有不同見解，家怡說：「我想自己會有一個可以唔好好勝、諗住要想快，其實係要做好每一個Step。」Hedy則說：「其實我覺得三個（家怡、Gladys及自己）都好好勝，嗰種叫對自己有信心嘅人，覺得自己可以嘅，好識同自己講I can do it嘅人。我會話，唔可以唔好、唔可以做唔到、唔可以衰，我絕對係咁。」

影片截圖

影片截圖

影片截圖

影片截圖

影片截圖

訓練隨即開始，不過鏡頭一轉，家怡竟然躺在醫院病床。問到入院原因，家怡最初笑說：「休息吓囉。」之後才認真解畫，「要做賽車手吖嘛，做賽車手要練體能啦，我就非常認真對待呢件事，操咗十幾日，點知琴日操緊嘅過程可能攰得滯，跟住就閃到條腰。我做一個動作，好似hyrox推wall ball，我接個波嘅時候上身唔夠力，個波就撞咗落去，撞正我椎間盤個位，咁樣就必咗出嚟。」她形容撞到那刻感覺恐怖，「直程唔行得，好恐怖㗎嗰吓，我直程覺得：『嘩！揀中咗我！」因為真係痛得好緊要，即刻入咗醫院，變咗無奈地（拍攝）要停。」

影片截圖

影片截圖

受傷後，節目組為安全起見，曾提議取消整個企劃，但愛車如命的家怡堅持，「我覺得咁難得開咗個頭，我唔知大家想唔想，但我都好想嘅，哈哈。我就覺得不如搞啦，唔好停啦。老人家成日都話筋骨一百日就好，咁睇吓三個零月係咪再好啲啦。」於是企劃暫緩三個月。

影片截圖

影片截圖

影片截圖

一個月後，家怡康復進度良好，已經可以開車。三個月後，家怡終於回歸大隊，更謂物理治療師指她已經康復超過九成；Gladys亦於這段期間考獲棍波牌；團隊終於出發離開香港，到肇慶廣東國際賽車場進行實地賽道特訓。試駕前夕，盧思豪教導如果在賽道上失控或異常時，如何透過舉手、燈號向後方車輛及工作人員示意，確保生命安全。大家做足準備，興奮又緊張地準備正式駛入賽道體驗。

影片截圖

由陳心遙監製、GenZ新晉導演胡翠兒執導、周家怡、金燕玲、陳湛文、楊雅文、張迪文主演，「第七屆首部劇情電影計劃」大專組得獎作品－溫情輕喜劇《媽樣年華》宣布於10月23日上映，並即將於9月中起追加口碑優先場。

《媽樣年華》將於10月23日正式上映。

女主角周家怡得知電影確定上映的消息後，坦言心情既期待又雀躍，亦為能夠參與這部作品感到十分開心。家怡指出，導演拍攝此片的初心很好，既想鼓勵自己的媽媽，同時亦希望鼓勵所有人懂得愛惜自己，並真正明白自己喜歡的事。家怡坦言，今次演出對她而言是一次全新的嘗試：「本身好喜歡能夠為觀眾帶嚟正面信息嘅電影，因此特別投入演繹《媽樣年華》美圓呢個角色，加上從來都冇試過跳鋼管舞，呢個又係一個好好嘅經歷。」拍攝過程中經歷不少難忘事，令她很想與觀眾分享，更希望大家看完電影後，會有所感受「真係要錫自己多啲，同埋真係要知道自己真係鍾意啲乜嘢。

《媽樣年華》劇照

《媽樣年華》劇照

家怡今次戲中挑戰鋼管舞（Pole Dance），是演戲生涯中一大突破，她特別感謝導演胡翠兒，因為對方不單陪她一起練習，更為了寫好這個劇本而親自去學鋼管舞。家怡坦言練習過程相當艱辛，她亦因此更加尊敬所有鋼管舞者。她憶述，練習期間曾不慎受傷，疼痛明顯影響進度：「如果唔係受傷，我諗係冇咁痛嘅……但係因為受咗傷，嗰個痛係會令到你根本好似做唔到，我直情連Pole都上唔到。」當時距離拍攝日期不遠，心理壓力頗大，幸而劇組體諒她的情況，調整了部分拍攝進度，讓她稍作康復後再加快練習。

《媽樣年華》劇照

另一邊箱，首執導演筒的導演胡翠兒當時亦很矛盾，不知應催促家怡練習，還是讓她休息。而家怡自己亦很著急，不斷自行預約不同工作室練習。從完全不會，到慢慢能夠完成動作，這個過程讓她深刻體會角色的感受，並將這些體會融入演出之中。家怡對此仍然歷歷在目：「整個學習與拍攝過程雖然辛苦，但感到非常得意，亦成為一次寶貴的人生體驗。

GenZ新晉導演胡翠兒

家怡回首這部演戲生涯上的階段性作品：「今次拍攝意義重大，唔單止有演技上嘅挑戰，更加係一次身心成長的歷程。從受傷後的挫折、到堅持練習的過程，再到同專業舞者合作嘅啟發，都讓我更深刻理解角色所面對的掙扎與自我接納。」家怡希望透過《媽樣年華》，能夠把這些真實的感受傳遞給觀眾，鼓勵大家勇敢面對自己、珍惜自己。

《媽樣年華》劇照

而家怡於電影中首度與初登大銀幕楊雅文（泰妹）共同練習鋼管舞，對方角色既是鋼管舞班同學，更是戲中兒子張迪文的曖昧對象。家怡表示合作過程十分愉快，對泰妹表現讚不絕口，大讚泰妹既可愛又聰明，令人喜歡，家怡分享：「從泰妹過去嘅訪問中得知，對方喺充滿愛的環境中成長，性格爽朗、包容度高，因此合作起嚟特別順利，而泰妹亦非常勤力，喺練習期間表現積極。

《媽樣年華》劇照

談到舞蹈表現，家怡特別提到泰妹跳鋼管舞的功力：「佢真係跳得好靚，好正。」她認為鋼管舞與武術其實可以掛鈎，因為同樣需要強大的力量，而泰妹本身有武術底子，因此跳起來更顯功架。兩人一起練習的過程，亦成為她眼中珍貴的回憶。她總結：「第一次同泰妹合作嘅體驗好正面，期待未來有更多交流機會！

《媽樣年華》劇照

而入行四年的泰妹初登大銀幕表現備受期待，透露自己相當幸福，拍攝《媽樣年華》被愛包圍：「自己同導演胡翠兒年齡相近，得到佢邀請參演一個17歲已經精通鋼管舞嘅女生，其實內心都有一定壓力，因為現實生活中嘅自己唔認識鋼管舞，不過導演胡翠兒同策劃駱子康一直陪伴住我學習，佢哋進步仲要非常快，短時期內已經可以喺Pole上面飛，所以令我更加有力量要不斷進步。」而泰妹亦特別難忘家怡及Elaine姐等的鼓勵：「大家都特別關心我，有時見到我放飯冇食嘢都會提醒我要食多啲嘢，又俾信心我可以做得到，希望觀眾朋友都會欣賞到每一位鋼管舞者嘅自信美。

《媽樣年華》劇照