死有對証｜2大港姐級小花鬥吸睛！王菲貼身瑜伽Look VS黃嘉雯短打晒美腿

「逝者無聲，既是醫生，也是偵探的法醫，成為他們唯一的代言人。」《死有對証》劇情講述患有強逼症的熱血P牌女法醫程芷昕（陳曉華飾），與「毒舌老油條」林琛（韋家雄飾）及「衝動刑警」高俊（馬貫東飾），聯手偵破一單又一單的離奇案件，期間還會遭到兩名記者：「快狠準」詹柏宇（阮浩棕飾），及「貪靚新丁」單佩嘉（吳若希飾）聯手夾擊，劇情緊張又搞笑。

TVB截圖

TVB截圖

TVB截圖

TVB截圖

TVB截圖

TVB截圖

解剖場口極考究！陳曉華韋家雄「零情緒」演活專業法醫

與一般懸疑查案劇不同，兩位主角程芷昕及林琛，履行法醫工作只著重還原真相、找出死者真正死因；縱然懷著公義的心，亦從不越界理會死者死亡背後的恩怨情仇，不抱任何情緒單純的埋頭調查死因，加上二人不時拋出大量專業用詞、又要應付連串拍攝得仔細又講究的解剖場面，十分符合「專業劇」標準，難怪有內地媒體將之與無綫經典法醫古裝劇《洗冤錄》齊名。

觀看相關影片按連結：https://www.youtube.com/shorts/6q3SchC0lYo?feature=share

「人肉三餸飯」「Deep V壽衣」「十年白骨懸案」戲勢逼人

《死有對証》無論主線或是單元故事的走向均相當吸引，兼反轉又反轉。今日（9月6日）官方率先公布劇中八大焦點案件：「人肉三餸飯」、「Deep V壽衣」、「不倫浮屍案」、「失蹤富豪爭產案」、「瑜伽學校密室殺人事件」、「富二代殺妻案」、「霸凌案」、「十年白骨懸案」等，參與演員除了兩大奸人鄭子誠、陳少邦，還有無綫新一代上位小花王菲、黃嘉雯及李海銅等。

焦點圖片

今日劇組搶先發布了兩位港姐級小花王菲及黃嘉雯的劇照。飾演馬貫東女友、兼靚女瑜伽導師施美寧的王菲，在劇中將有大量教做瑜伽場口。觀乎官方發布劇照，王菲身形Keep得相當之弗，當中尤以零贅肉的蛇腰及堅挺臀部最為吸睛！至於在首個單元中《人肉三餸飯》飾演核心角色阮碧鳳的黃嘉雯，則有大量短打露長腿劇照。

劇照

劇照

劇照

劇照

劇照

劇照

劇照

劇照

劇照

其實王菲望落咁弗，全靠拍劇前做足準備，天生瘦底的她，除了勤練瑜伽增加柔軟度，還有操肌增肌打造健美線條，十分勤力。王菲受訪時說：「我本身都有做開瑜伽嘅，但嗰期（為咗角色）即刻上密啲，的確嗰時啲筋係鬆到近乎做到一字馬。因為我本身由細到大都偏瘦，所以冇特登為套劇減肥，反而因為自己冇乜肌肉，驚上鏡望落會『了』，所以就有搵PT同做Gym增肌，等個人望落去挺身啲、同實淨少少有番啲線條感。嗰時主要操手臂、大髀同Pat Pat。所以拍嗰期算係我最弗嘅時期，但因為都成三年前，依家少咗運動又年紀大咗，都開始肥番少少。」

劇照

劇照

劇照

2019年港姐亞軍暨最上鏡小姐王菲於2022年被爆與唱片公司太子爺兼唱作歌手張子丰（Fred），因拍攝劇集《法言人》而撻著，二人拍指四年來一直對感情事非常低調，但就不時被發現孖公仔現身，感情穩定。昨日（9月5日）凌晨，二人齊齊在社交平台報喜，宣布求婚成功！

張子丰在IG晒出多張二人的恩愛合哂，並公開求婚細節，時間定於日落前的黃昏時分，場景則是湖中央的一舟小船，他感性寫道，「曾經覺得人生好迷茫，但係妳（王菲）嘅出現，令我知道原來生活係可以好開心、好幸福咁過。然後有一刻，我知道呢個就係我想一齊過一世嘅人。我覺得，一定係個天派咗個天使落嚟俾我。」

張子丰IG圖片

張子丰IG圖片

張子丰IG圖片

張子丰續言：「由最初好習慣自己一個人生活，到而家自己一個人瞓會有啲淆底、一個人起身又有啲唔慣。好享受每一次二人世界，每個Weekend搵地方玩、搵地方探索、搵戲睇，要一齊睇晒全世界嘅戲。以前成日有一個唔知屋企係邊嘅感覺，而家知道，邊度有妳有我，邊度就係屋企」，並向未來老婆喊話，「『餘生多多指教』呢啲老土嘢唔講喇，總之以後我哋兩個拍住上，一齊繼續進步、繼續成長；一齊去探索呢個世界、感受每一分每一秒，精精彩彩咁過埋餘下嘅人生。」

張子丰IG圖片

張子丰IG圖片

張子丰IG圖片

張子丰IG圖片

張子丰IG圖片

張子丰IG圖片

張子丰IG圖片

王菲亦分享了多張求婚現場的甜蜜合照，相中她捧着巨大紅玫瑰花束，又晒出巨型鑽戒，與未來老公齊齊露出幸福的笑容！她直言對張子丰的求婚非常滿意，「記得剛認識你嘅時候，我就話過你成日懶有儀式感，果然到求婚呢日都繼續貫徹你嘅儀式感，但今次我中意！」

王菲IG圖片

王菲自言身為白羊座的自己本來是個超級「三分鐘熱度」的人，但唯獨對着張子丰，就算被對方每天都黏不厭，「每當有煩惱唔想理 就會萌生「想兩個人一齊逃離宇宙」嘅想法，所有嘢可以好簡單好平凡，好似只要兩個人一齊就乜都搞得掂，一齊放肆食一餐、一齊睇套好戲，就可以令我哋開心全日。」

王菲IG圖片

王菲IG圖片

王菲又分享了一段與張子丰的動人小插曲，「好記得有次聚會我哋有個男性朋友攬住你搞笑地講『張子丰同我一齊啦！』然後你突然間好嚴肅地講『唔得喎！因為只有同王菲一齊嘅張子丰先係the best version 嘅張子丰！所以我冇可能離開佢！』個下，默默地好感動！我諗我呢世人應該唔會再遇到一個我咁愛而又咁愛我嘅人，當身邊所有人都同我講『呢個人真係好好』嘅時候，我想講『係啊我知啊！所以我揀啱咗啦！』」並對未來老公言：「往後人生，合作愉快！」

王菲IG圖片