容祖兒日前作客森美、黃正宜（阿正）及呂珮琳（Elsie）主持的903節目《BAD GIRL大過佬》，期間被主持人突然爆料，森美原來多年前曾經對她心動，更一度認真思考過「追唔追得」。
阿正及Elsie大爆森美同Joey做節目好緊張
節目中，Elsie爆料自己曾私下問森美，入行多年見過咁多明星，有沒有試過對某位女歌手心動。祖兒一聽即驚呼：「唔係啩！」
點擊看圖輯
森美當年第一次見到Joey台上面表演，覺得Joey好正
祖兒大讚森美近年轉變不少，形容他「打開咗心扉」，但一時口快竟然講成「打開咗個胸圍……個胸懷呀！」
Joey聽到好驚訝
森美隨即公開多年來甚少提及的「秘密」，憶述第一次看到祖兒做Live show時已經留下深刻印象：「第一次見你做live show，第一次見到個咁嘅女仔喺台上面表演。我睇完，『嘩』，好正喎！好靚！」
森美當年第一次見到Joey台上面表演，覺得Joey好正
當時森美正與小儀一同擔任司儀，他更直接問身邊人：「呢個女仔得喎！如果追佢，你估我得唔得吖喇？」
祖兒聽完即刻站起身，難以置信地問：「你係咪講笑呀！森美！」森美就認真解釋，自己當年被她在台上的獨特魅力吸引，特別大讚祖兒散發出青春、可愛及自信的感覺。
他說：「因為冇一個人喺台上有嗰種shine，有嗰種開心、青春、可愛，仲要唱得好，你喺台上表現晒出嚟。」
大讚祖兒散發出青春、可愛及自信的感覺
森美更坦言，自己一直都是祖兒的「迷哥」，只不過平時甚少直接向她表達。突然收到偶像級稱讚，祖兒即害羞到雙手掩面，更甜笑表示：「哎呀，好開心呀，好似食咗補品咁。」
祖兒即害羞到雙手掩面
不過，祖兒亦趁機自爆，自己有時會覺得別人不太喜歡自己，甚至認為其中一個對她「冇乜感覺」的人，肯定包括森美。
森美聽到後即承認：「我係冇講過畀你聽嘅，我同你傾偈又係有啲……er……」一向口才了得的他竟然突然語塞，阿正及Elsie即刻忍唔住取笑：「未見過佢咁做節目㗎！」
兩人一番互動搞到全場氣氛爆燈。其後祖兒亦大讚森美近年轉變不少，形容他「打開咗心扉」，但一時口快竟然講成「打開咗個胸圍……個胸懷呀！」
祖兒大讚森美近年轉變不少，形容他「打開咗心扉」，但一時口快竟然講成「打開咗個胸圍……個胸懷呀！」
森美聽到即爆笑：「係胸懷呀！無錯，係爆開咗！」四人隨即笑到停唔到口，祖兒更笑到熱爆，最後要即場除低外套。
祖兒更笑到熱爆，最後要即場除低外套
草蜢《THREE IN LOVE演唱會 - 澳門站》前晚及昨晚（10月24及25日）於澳門威尼斯人綜藝館舉行，座無虛席，寰亞傳媒集團老闆林建岳博士及行政總裁林孝賢等到場支持。前晚頭場草蜢即興邀請觀眾席上的「鐵粉」容祖兒上台合唱，而昨晚第二場的表演嘉賓則是老友古天樂。除了跳唱《今期流行》外，他更以「演藝人協會會長」身份，宣布草蜢成為「健力士世界紀錄」的「華語最長壽不變陣組合」（Longest-running C-Pop Group with No Line-up Changes），全場同歡！
草蜢在《THREE IN LOVE演唱會 - 澳門站》上獲頒「健力士世界紀錄」的「華語最長壽不變陣組合」。
第一晚演唱會，容祖兒原本在觀眾席睇騷，突然被草蜢召喚上台，她立即急急腳穿過觀眾席登場。四人互相擁抱問好後，蔡一智說：「我知道祖兒好忙，因為佢明年一月將會喺香港啟德主場館開演唱會。」傑少感性地說：「我真係好開心睇住祖兒唔同嘅階段，一路變好，一路進步，成為今日嘅天后，真係好正！」祖兒說：「好似阿智所講，我哋係FRAMILY（Friend+Family），認識咗你哋之後，我多咗三個大哥哥。」
草蜢
草蜢、容祖兒
阿智難忘在前輩羅文家拜年時初次見到祖兒，蘇志威爆料：「其實更早之前喺歌迷聚會見過你啦！」祖兒說：「我由細到大都係你哋嘅歌迷，好細個就聽你哋嘅歌，當我入咗行真係可以同你哋合作，你哋好錫我，睇住我唔同階段嘅成長，呢個經歷真係好特別，可以一齊為香港嘅樂壇努力。」傑少邀請祖兒即興合唱一曲，阿智問她最熟悉草蜢哪首歌？祖兒得戚笑說：「不如問我草蜢有邊隻歌唔熟？我熟讀草蜢嘅歌庫，其中有一首歌好啱我依家嘅心聲，亦代表咗我永遠、呢一世嘅心聲，歌名叫《永遠愛著你》！」
草蜢、容祖兒
草蜢、容祖兒
草蜢、容祖兒
草蜢、容祖兒
昨晚第二場表演嘉賓古天樂出場，與草蜢跳唱《今期流行》，全場High爆！其實他們與古天樂識於微時，非常老友，傑少表示古天樂𨒇未出道已互相認識，蘇志威與他更拍劇朝夕相對半年，至於阿智是他的健身教練。之後他們合唱30年前，古天樂為草蜢MV做男主角的歌曲《原諒我是我》。唱完歌，古天樂認真地表示另有重要任務，就是以「演藝人協會會長」身份，宣布草蜢成為「健力士世界紀錄」的「華語最長壽不變陣組合」，並邀請「健力士世界紀錄」官方認證官Jacob Yip上台詳細說明。
草蜢
草蜢、古天樂
草蜢、古天樂
草蜢、古天樂
認證官Jacob說：「要得到呢個紀錄要乎合三個條件：第一，草蜢係『華語組合』，作品主要係廣東話和普通話，過去超過40年，佢哋為華語地區注入咗音樂及舞蹈嘅力量。第二，『最長壽』，我哋以年和日作計算，以1985年7月4日草蜢喺香港利舞臺參加第四屆新秀複賽，參賽歌《一起衝》，呢個紀錄衝到依家嚟到威尼斯人呢個舞台，總數係41年112日，每一年都要對演藝有相當嘅貢獻，例如唱片、演唱會、廣告、商演同埋代言等。我同資深傳媒人鄭丹瑞先生、音樂人陳光榮先生，由1985年睇到2026年，的確係每一年沒有斷續喺音樂同埋舞蹈嘅貢獻。其實係極其艱難，好似馬拉松咁三個人要一齊跑，仲要係世界級嘅水準。」
認證官Jacob（中）
「第三，『不變陣』，成員人數由1985年7月4日起，都係蘇志威、蔡一智、蔡一傑，三位，中間沒有任何變更。呢段關係的確好厲害，真係做到無論順境逆境、貧富、健康與否，都係一起衝。」蘇志威說：「I Do」全場爆笑。認證官Jacob續說：「呢個紀錄充滿生命力，只要你哋繼續喺舞台上，紀錄就會不停地刷新。」然後由古天樂頒發證書給草蜢及大合照留念。
草蜢
阿智說：「我哋三個會繼續努力，應承大家，我哋會有更多更好嘅作品、更好嘅演唱會送俾大家。」蘇志威說：「有幾年曾誤傳我哋無嘢做解散，其實嗰幾年我哋一直都喺世界各地演出，今日得到健力士證實我哋係冇試過分開，多謝！」
草蜢
而有份認證草蜢創下世界紀錄的鄭丹瑞（旦哥），早在1985年起，每次都是他在頒獎禮上宣布「最佳組合獎」給草蜢，作為睇住他們長大的前輩，旦哥昨日專程到澳門睇綵排，恭喜草蜢兼為他們開騷打氣，笑言因為趕返香港湊孫未能留下睇騷。
草蜢
昨晚尾場，觀眾超級熱情，完騷不散場繼續嗌encore，草蜢再度上台唱《暫停，開始過》和《世界變得很美》，觀眾都不肯走，草蜢三度再出場跟大家講「多謝」，並叮囑大家安全回家，他們才乖乖離開。
恭喜草蜢！
演唱會後草蜢接受訪問，提到師傅梅艷芳的骨灰事件，阿智表示已交警方處理，所以不便評論和猜測，希望盡快水落石出。蔡一傑和蘇志威透露經常夢到梅姐，很懷念和她的美好回憶。至於明年1月16和17日，草蜢將在台北小巨蛋舉行兩場演唱會，問到表演嘉賓名單，他們大賣關子，不過就公開召喚張惠妹、蔡依林、庾澄慶和周杰倫等好友捧場，歡迎上台一齊玩。
大合照
