林耀聲晒地盤開工照滿身泥濘！直認趁冇戲拍返地盤幫補

憑電影《點五步》為人熟悉的藝人演員林耀聲，近日突然晒出地盤工作照及手指受傷相片，引起網友猜測他是否「轉行」做地盤。今日（9日）他再公開多張地盤開工相，只見衣衫沾滿泥濘，終於親自解開「轉行」疑雲。

曾憑電影《點五步》嶄露頭角

林耀聲直認，自己只是趁暫時未有演藝工作，返地盤幫補生計，並非正式轉行。更搞笑的是，原來同樣投身地盤工作的歌手吳浩康，更獲封「判頭」，親自介紹好工畀他，讓他可以維持生計，繼續等待下一個演出機會。

林耀聲直認暫時未有演藝工作

返地盤幫補生計

林耀聲寫道：「返吓地盤啫，唔覺得係咩大事。」

林耀聲在社交平台寫道：「多謝大家支持同鼓勵，其實我都係趁未有工開嘅日子，返吓地盤啫，唔覺得係咩大事，我同每個人一樣都有面對自己人生嘅挑戰，我只係為咗可以繼續我嘅演員路走得更長遠，更好，都多謝阿Deep可以畀機會我可以維持生計！」

面對演藝工作有高有低，林耀聲沒有將返地盤視為一件值得避忌的事，反而坦然面對現實，更強調自己只是希望靠工作維持生活，為演員這條路繼續行落去。

他亦引用MC仁一句說話為自己打氣：「夢想係攞嚟成真，如果唔行動淨係諗嗰啲叫妄想。」

林耀聲更信心滿滿表示：「我相信我會再同大家喺銀幕上或者其他媒介見面，嗯！我真係相信！」最後更搞笑留言：「無咩事我繼續返工先。」

MIRROR成員江𤒹生AK推出全新單曲《傷心萬里通》，邀得 Wyman（黃偉文）首度合作填詞，並由潘宇謙作曲、Nick Wong 編曲及陳考威監製。歌詞巧妙地以飛行里數比喻一段無法兌現的愛情關係，深刻刻畫出投入付出卻得不到回應的遺憾。

MIRROR成員江𤒹生（AK）推出新歌《傷心萬里通》。

首度與黃偉文（Wyman）合作填詞。

AK透露起初收到歌詞時感到十分驚喜，能夠首度與Wyman合作感到非常高興，亦相當佩服對方能將飛行里數概念注入情歌。他表示：「邀請到Wyman幫我填詞係非常之開心！佢對每首歌都有好獨特嘅見解。今次佢用呢個理數去比喻一段得不到嘅愛情故事，我完全諗唔到，呢個比喻方法真係好犀利。」AK亦提到自己花了些時間消化歌詞，希望能精準投入概念，演繹出這段無疾而終的情感。

拍攝時AK與守宮「波仔」對戲，自爆被嚇至大叫，要向牠道歉。

今次MV故事講述一個男仔遇上心儀女生並傾盡心思追求，可惜兩人之間未遇上最好時機，加上誤會最終無法走到一起，再次讓愛情落空。女主角方面，AK 特別找來小師妹 Day（許軼@COLLAR）擔綱，同時AK亦會為Day即將推出的新歌 MV 擔任男主角。兩首新歌 MV 採用罕見的「雙故事串聯」模式，AK 說：「兩個故事喺同一個 MV 中互相關聯係個創新嘗試。之前同佢影過一次雜誌，今次算係第一次合作拍 MV，拍攝時間比上次長，感覺好新鮮亦好特別。」

MV邀得Day（許軼@COLLAR）任女主角。

Day

除了阿Day之外，拍攝現場更邀請了一位爬蟲類特別嘉賓——守宮「波仔」同場演出，為 MV 增添不少豐富元素。雖然 AK 坦承對爬蟲類動物有點戒心，但依然放膽嘗試，拍攝期間更發生一段爆笑小插曲。AK 說：「其實我對爬蟲類真係有啲驚，但因為 MV 中講條守宮係我養，導演想我同佢多啲交流，叫我試吓將佢屋企舉起，點知佢突然郁……我唔小心大叫左，嚇親佢，我要同波哥（守宮）講聲唔好意思！」AK期待樂迷能透過《傷心萬里通》感受這份獨特的愛情共鳴，並笑言希望大家聽歌之餘，亦能投入這部充滿心思與視覺驚喜的 MV 作品。

以飛行里數比喻無法兌現的愛情。

兩首新歌MV以「雙故事串聯」模式呈現。