Cath黃妍新歌《福來的日子》帶樂迷回到童年成長地 記錄兒時百厭故事：嚇到公公報警！

推出專輯《Sing  Along with Her》後展開新計劃的Cath黃妍，近日帶同新歌《福來的日子》，以充滿其兒時足跡的福來邨為主題，與樂迷進行一場回憶之旅。《福來的日子》由Cath與Daniel Toh一同作曲，後者更擔任歌曲監製並與Laurence Lo合作完成編曲。歌詞方面，Cath亦迎來新嘗試，與詞人Oscar首次合作，由對方以歌詞將這屬於她的重要回憶載於歌曲之中。

Cath黃妍推出新歌《福來的日子》。

Cath分享福來邨成長的百厭故事：「嚇到公公報警！」

歌名《福來的日子》令人聯想起位於荃灣的福來邨。福來邨除是Cath小時候成長的地方外，更充滿著她與外公的相處點滴：「我幼稚園喺福來邨，公公有一段時間會接我放學」。當中令Cath最深刻的回憶則是她一次的「百厭」，令外公嚇到要報警求助：「嗰次放學我行得好急，自己玩完滑梯見唔到公公就一支箭衝返屋企，但其實公公只係未行到，搞到佢以為我唔見咗就報警！」Cath笑言當時早已安坐家中食雪糕，直至外公帶同警察開門才驚覺闖下大禍：「而家諗起公公好驚個樣都覺得好對佢唔住。」

Cath小時候的學生相。

Cath小時候與公公的合照。

Cath幼稚園時參加生日會。

與Oscar初次合作大讚對方歌詞觸動內心

這個與外公間的搞笑故事， Cath便以文字方式分享予首次合作的詞人Oscar，Oscar其後便將故事轉化成《福來的日子》。收到歌詞後，Cath大讚：「Oscar真係有將我故事情節擺咗落首歌度，睇歌詞嘅時候即刻有好多畫面喺我腦海入面出現，而且好觸動到我內心！」

Cath黃妍

Cath黃妍

可愛「小黃妍」參演MV與樂迷走遍福來邨角落

為將《福來的日子》中那份溫暖傳達至觀眾內心，MV亦別具心思，並造就出兩個「黃妍」參演。所指的則是MV團隊透過Cath幼稚園時的學生相用上後製CG動畫技術製造出一個「小黃妍」，並由「小黃妍」帶著觀眾走入福來邨的角落之中。畫面可愛之餘，更透過「小黃妍」與福來邨間的互動，使MV增加更多Cath和外公間故事的連結。

MV劇照

MV劇照

MV劇照

MV劇照

MV劇照

MV劇照

打破雨神稱號 MV成功拍攝美麗日落

當然Cath亦有參演MV，一向有「雨神」之稱的她每每出席活動或進行MV拍攝都會遇上大雨，而今次拍攝《福來的日子》MV當日天氣亦十分惡劣，天文台更懸掛紅色暴警告訊號，可到拍攝時卻天氣晴朗，更拍到美麗日落。今次的天公造美，令Cath深信已成功找到打破「雨神」稱號的方法：「朝早又行雷又紅雨，但我發現只要我出門口帶遮就冇事！我可以打破『雨神』呢個名啦！」

MV劇照

MV劇照

《福來的日子》已於各大音樂串流平台上架，MV亦已上傳至YouTube Channel，樂迷除細味歌曲以外，更切勿錯過MV中可愛的「小黃妍」，並感受Cath與福來邨之間的故事。

觀看相關影片按連結：https://youtu.be/feWrp-EAgQE

本地數碼音樂平台MOOV邁入20周年，宣佈自2026年6月起於ELEMENTS圓方舉行多場《MOOV 20 Music Station》現場音樂企劃，第六場邀請歌手Cath黃妍擔任嘉賓，更邀請Vincy So蘇詠淳登陸Music Station舞台。

Cath黃妍、Vincy So蘇詠淳

現場Cath黃妍獻唱《派對後派對》、《枇杷》、《其實我不是那麼的純情》、《福來的日子》，用歌聲為MOOV 20周年熱烈慶祝。每次《MOOV 20 Music Station》均吸引樂迷圍觀，期待歌手到場分享音樂世界。上集嘉賓梁釗峰考驗「舊拍檔」記性，未知Cath黃妍有否記得二人合作過舞台劇的角色名字：「我梗係記得佢當年嗰個角色名啦，我記得當年大家合作日日都排練，我哋成個團隊好似家人咁，完騷後都會約出嚟食飯。」

活動開始前，Vincy So率先為節目打響頭炮，即席獻唱《踏空氣的人》令歌迷如癡如醉：「依家仲未習慣收到fans嘅信，佢哋會好直白咁樣話鍾意我啲歌，多謝大會同Cath俾機會我參與呢次演出。」

Vincy So蘇詠淳

其後，Cath黃妍登場分享音樂世界，仲好sweet咁樣走近歌迷表演，逐一同佢哋擊掌。提到早前「征服」富士山，Cath黃妍表示完成一大成就：「呢個係人生嘅成就，意志同耐力嘅消磨，好辛苦同好感動！行上去嘅時候不停俾教練鬧我行得太大步，因為咁樣好易有高山症，後來我慢下來跟教練行，感受大自然之下嘅渺小，領悟人生嘅道理。暫時未有計劃去征服其他山峰，反而想等更好嘅狀態去多次富士山頂。」

Cath黃妍

當日活動吸引數百Fans到場支持，Cath黃妍亦向下集嘉賓Frankie@MIRROR「拜師學藝」：「我冇諗住出啲好難嘅題目去刁難佢，我反而好想知道佢係多棲嘅藝人同跳唱歌手，轉換角色嘅時候點調節佢嘅思緒，呢個真係好想知嘅！」

適逢本地數碼音樂平台MOOV邁入20周年誌慶，Cath黃妍與Vincy So都表示從小支持廣東歌，二人更支持同一偶像：「細個嘅時候，爸爸聽咩我就聽咩歌，記得爸爸聽鄧麗君。到大個啲等巴士返學，附近有間舖頭成日播王菲嘅《容易受傷的女人》，呢個我印象真係好深刻。」而Vincy So蘇詠淳就細細個會試自彈自唱張國榮《追》，更會在家庭聚會時表演。

Cath黃妍、Vincy So蘇詠淳